AI Agent Trading: ఏఐ ఏజెంట్ ద్వారా ఒక్క రాత్రిలో 40 లక్షల ప్రాఫిట్, క్లెయిమ్ చేసిన యూజర్.. నెటిజన్లు షాక్

AI Agent Trading: ఒక యూజర్ ఏఐ ఏజెంట్ సహాయంతో ఒకే రాత్రిలో 40 లక్షల రూపాయలకు పైగా లాభం సంపాదించినట్లు ఎక్స్‌లో క్లెయిమ్ చేశారు. అతని వాదనపై నెటిజన్లు ప్రశ్నలు, అనుమానాలు వ్యక్తం చేస్తున్నారు.

ఏఐ ఏజెంట్ ద్వారా ట్రేడింగ్

Source : ABPLIVE AI

AI Agent Trading: ఒక ఇన్వెస్టర్ ఏఐ (AI) ఏజెంట్ సహాయంతో కేవలం ఒక్క రాత్రిలోనే లక్షల రూపాయల లాభం పొందినట్లు క్లెయిమ్ చేయడం సంచలనంగా మారింది. తాను నిద్రలో ఉన్నప్పుడు, మార్కెట్‌లో 11 లక్షల రూపాయలు ఇన్వెస్ట్ చేయడానికి ఏఐ ఏజెంట్ అనుమతి కోరింది. దానికి ఆ యూజర్ పర్మిషన్ ఇచ్చి నిద్రపోయాడు. ఉదయం లేచి చూసేసరికి అతనికి 40 లక్షలకు పైగా లాభం వచ్చింది. అయితే, సోషల్ మీడియాలో చాలా మంది వినియోగదారులు అతని వాదనపై సందేహాలు వ్యక్తం చేస్తున్నారు. అసలు ఏం జరిగింది, యూజర్ ఏం చెప్పారు, నెటిజన్లు ఎందుకు ఇది కొట్టిపారేస్తున్నారో ఇక్కడ తెలుసుకోండి. 

ఏఐ ఏజెంట్ గడించిన లక్షల లాభం...

ఎక్స్ (X) వేదికగా ‘0x_Discover’ అనే యూజర్ ఈ ఆసక్తికరమైన విషయాన్ని వెల్లడించారు. OpenClaw సహాయంతో రూపొందించిన తన ఏఐ ఏజెంట్, ఒకే రాత్రిలో తనకు 40 లక్షల కంటే ఎక్కువ లాభాన్ని తెచ్చిపెట్టిందని అతను తెలిపాడు.  రాత్రి వేళ పాలీమార్కెట్ అనే ప్రిడిక్షన్ మార్కెట్ ప్లాట్‌ఫారమ్‌లో రూ.11 లక్షలు పెట్టుబడి పెట్టడానికి అతను ఏజెంట్‌కు అనుమతి ఇచ్చాడు. ఉదయం లేచి చూసేసరికి ఆ ఏజెంట్ 40 లక్షలకు పైగా లాభాన్ని అందించింది.

My OpenClaw agent woke me up at 3:47 AM with one message:

"6 markets resolving in the next 90 minutes. Need approval for $12K."

I typed “yes” and went back to sleep.

Woke up to +$43,800.

For the past 9 days I’ve been running an agent that hunts timezone arbitrage on… https://t.co/yoDU0utCWi pic.twitter.com/smSPdfVRWI

— Discover (@0x_Discover) March 14, 2026

ఏఐ ఏజెంట్‌కు ప్రపంచవ్యాప్త సమాచారం

గత 9 రోజులుగా తాను OpenClawతో రూపొందించిన ఏఐ ఏజెంట్‌ను ఉపయోగిస్తున్నట్లు ఆ ఇన్వెస్టర్ తెలిపారు. ప్రపంచవ్యాప్తంగా ఏ దేశంలో ఏం జరుగుతుందో తెలుసుకోవడానికి ఈ ఏజెంట్‌కు వార్తలు తెలుసుకునేందుకు యాక్సెస్ ఇచ్చారు. ఈ సమాచారంతో ఏఐ ఏజెంట్ 6 వేర్వేరు మార్కెట్లలో 11 లక్షలు పెట్టుబడి పెట్టింది. రాత్రి 2 నుండి 6 గంటల మధ్య మార్కెట్‌లో కదలికలు ఉంటే తనను అలర్ట్ చేయాలని ఏజెంట్‌కు సూచనలు ఇచ్చినట్లు తెలిపారు. అమెరికాలో చాలా మంది నిద్రపోయే సమయంలో ప్రపంచంలోని ఇతర దేశాల్లో మార్కెట్ కార్యకలాపాలు జరుగుతుంటాయని, అందుకే ఈ సమయాన్ని ఎంచుకున్నట్లు వెల్లడించారు. ఈ సమాచారం ఆధారంగానే తాను ఏఐ ఏజెంట్ పెట్టుబడి నిర్ణయం తీసుకుంది.

వాదనపై తలెత్తుతున్న సందేహాలు

ఈ వినియోగదారు వాదనపై సోషల్ మీడియాలో సందేహాలు, ప్రశ్నలు మొదలయ్యాయి. చాలా మంది ఆ యూజర్ చెప్పిన విషయాన్ని నమ్మడానికి సిద్ధంగా లేరు. ఇదొక స్కామ్ అని కొందరు కామెంట్ చేస్తున్నారు. ఏఐ వల్ల మార్కెట్ ట్రేడింగ్ పూర్తిగా మారిపోతుందని మరికొందరు అభిప్రాయం వ్యక్తం చేశారు. ఇలాగైతే టెక్నాలజీని వాడి ప్రతి ఒక్కరూ ట్రేడింగ్ చేసి లాభాలు పొందుతారని కామెంట్లు వస్తున్నాయి.

Note: ఏది ఏమైనా స్టాక్ మార్కెట్లో పెట్టుబడి రిస్క్‌తో కూడుకుని ఉంటుంది. ఎక్కడైనా ఇన్వెస్ట్ చేసే ముందు ఆర్థిక నిపుణులను సంప్రదించడం మంచిది. లేకపోతే మీ డబ్బు పూర్తిగా పోయే ప్రమాదం ఉంది. ఏబీపీ దేశం ఎవరికీ పలానా చోట ఇన్వెస్ట్ మెంట్ చేయాలని సూచించదు.