Char Dham Road Project: చార్‌ధామ్ జాతీయ రహదారి ప్రాజెక్టుకు సుప్రీం గ్రీన్‌ సిగ్నల్

చార్‌ధామ్ జాతీయ రహదారి ప్రాజెక్టుపై సుప్రీం కోర్టు కీలక నిర్ణయం తీసుకుంది.

చార్‌ధామ్ జాతీయ రహదారి ప్రాజెక్టుకు సుప్రీం గ్రీన్‌ సిగ్నల్

చార్​ధామ్​ జాతీయ రహదారి ప్రాజెక్టులో రోడ్డు విస్తరణకు ఉన్న అడ్డంకులు తొలగిపోయాయి. ఈ ప్రాజెక్టుకు సుప్రీం కోర్టు అనుమతులిచ్చింది . ప్రాజెక్టుపై నివేదికను రూపొందించి, దానిని నేరుగా తమకు అందించాలని ఆదేశించింది. 

Supreme Court allows the Central government to construct three double-lane strategic highways for the Char Dham road project in Uttarakhand pic.twitter.com/Ru0Qb6s5zD

— ANI (@ANI) December 14, 2021

జాతీయ భద్రత..

" సరిహద్దు భద్రత, బలగాలు, పరికరాల తరలింపు చాలా ముఖ్యం. జాతీయ భద్రత దృష్ట్యా ఈ ప్రాజెక్టుకు అనుమతిస్తున్నాం.                                      "

-  సుప్రీం ధర్మాసనం

ఇందుకోసం మాజీ న్యాయమూర్తి జస్టిస్​ ఏకే సిక్రి నేతృత్వంలో కమిటీని సుప్రీం కోర్టు ఏర్పాటు చేసింది. ఈ కమిటీకి రక్షణశాఖ, రోడ్డు రవాణాశాఖ, ఉత్తరాఖండ్​ ప్రభుత్వం, అన్ని జిల్లాల మెజిస్ట్రేట్​లు సహకారం అందించాలని జస్టిస్​ డీవై చంద్రచూడ్​తో కూడిన సుప్రీం ధర్మాసనం ఆదేశించింది.

ఉత్తరాఖండ్​లోని యమునోత్రి, గంగోత్రి, కేదార్​నాథ్​, బద్రీనాథ్​లను కలుపుతూ 900 కిలోమీటర్ల వ్యూహాత్మక ప్రాజెక్టును కేంద్రం తలపెట్టింది. ఈ ప్రాజెక్టు విలువ రూ. 12 వేల కోట్లు.

ఇదే పిటిషన్..

చైనా సరిహద్దు వరకు నిర్మించాల్సిన ఈ ప్రాజెక్టులో క్యారేజ్​ వే వెడల్పును 5.5 మీటర్లకు మార్చాలని 2018లో సుప్రీం కోర్టు కేంద్రాన్ని ఆదేశించింది. ఈ ఆదేశాల్లో మార్పులు చేయాలని కోరుతూ ఈ ఏడాది సెప్టెంబర్​లో సర్వోన్నత న్యాయస్థానాన్ని ఆశ్రయించింది కేంద్రం. ఎట్టకేలకు సుప్రీం కోర్టు ఇందుకు అంగీకరించింది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి