Stocks to watch 18 April 2023: ఇవాళ్టి ట్రేడ్‌లో చూడాల్సిన స్టాక్స్‌ ఇవి - ఎక్స్-ట్రేడ్ షేర్లు Muthoot, Dhampur
మన స్టాక్‌ మార్కెట్‌ ఇవాళ ఫ్లాట్‌గా ప్రారంభం అవుతుందని SGX నిఫ్టీ సూచిస్తోంది.
Stocks to watch today, 18 April 2023: ఇవాళ (మంగళవారం) ఉదయం 7.45 గంటల సమయానికి, సింగపూర్‌ ఎక్సేంజ్‌లో నిఫ్టీ ఫ్యూచర్స్‌ (SGX Nifty Futures) 34 పాయింట్లు లేదా 0.19 శాతం రెడ్‌ కలర్‌లో 17,730 వద్ద ట్రేడవుతోంది. మన స్టాక్‌ మార్కెట్‌ ఇవాళ ఫ్లాట్‌గా ప్రారంభం అవుతుందని SGX నిఫ్టీ సూచిస్తోంది.
ఇవాళ్టి ట్రేడ్‌లో చూడాల్సిన స్టాక్స్‌ ఇవి:
ఇవాళ Q4 ఫలితాలు ప్రకటించే కంపెనీలు: ఐసీఐసీఐ లాంబార్డ్, టాటా కాఫీ, క్రిసిల్. వీటిపై మార్కెట్‌ దృష్టి ఉంటుంది.
ZEE ఎంటర్‌టైన్‌మెంట్: ఇన్వెస్కో గ్లోబల్, సోమవారం నాడు, బల్క్ డీల్స్ ద్వారా ఈ మీడియా కంపెనీలో 5.11% వాటాను విక్రయించింది. తద్వారా జీ ఎంటర్‌టైన్‌మెంట్ ఎంటర్‌ప్రైజెస్ లిమిటెడ్‌లో తనకున్న మొత్తం షేర్లను అమ్మేసి, పూర్తిగా నిష్క్రమించింది.
ఏంజెల్ వన్: 2023 మార్చి త్రైమాసికంలో, ఏంజెల్ వన్ నికర లాభం గత త్రైమాసికం కంటే 17% వృద్ధితో రూ. 267 కోట్లకు నమోదు చేసింది. అదే సమయంలో ఎబిటా 20% పెరిగి రూ. 370 కోట్లకు చేరుకుంది.
క్విక్‌హీల్ టెక్నాలజీస్: ఏప్రిల్ 26 నుంచి అమల్లోకి వచ్చేలా, కంపెనీ చీఫ్ ఫైనాన్షియల్ ఆఫీసర్‌గా అంకిత్ మహేశ్వరిని నియమిస్తున్నట్లు క్విక్ హీల్ టెక్నాలజీస్ ప్రకటించింది. ప్రస్తుత CFO నవీన్ శర్మ వ్యక్తిగత కారణాల వల్ల పదవికి రాజీనామా చేశారు.
ముత్తూట్ ఫైనాన్స్, ధంపూర్ షుగర్ మిల్స్: ముత్తూట్ ఫైనాన్స్, ధంపూర్ షుగర్ మిల్స్ షేర్లు ఈ రోజు ఎక్స్-డివిడెండ్‌లో ట్రేడ్ అవుతాయి. గతంలో ప్రకటించిన డివిడెండ్‌ మొత్తానికి అనుగుణంగా షేర్ల ధర తగ్గుతుంది.
హాత్‌వే కేబుల్: మార్చితో ముగిసిన త్రైమాసికంలో హాత్‌వే కేబుల్ రూ. 14.6 కోట్ల నికర నష్టాన్ని నివేదించగా, కార్యకలాపాల ద్వారా రూ. 459 కోట్ల ఆదాయం వచ్చింది.
TV18 ప్రసారం: TV18 బ్రాడ్‌కాస్ట్ ఏకీకృత నికర లాభం మార్చి త్రైమాసికంలో 76% తగ్గి రూ. 35 కోట్లకు చేరుకుంది. గత ఏడాది ఇదే కాలంతో నికర లాభం రూ. 143 కోట్లుగా నమోదైంది.
పూనావాలా ఫిన్‌కార్ప్: బిర్లా మ్యూచువల్ ఫండ్, బల్క్ డీల్స్ ద్వారా పూనావాలా ఫిన్‌కార్ప్‌లో 4.4 మిలియన్ షేర్లను కొనుగోలు చేసింది
సుబెక్స్: సుబెక్స్ MD & CEO వినోద్ కుమార్ పద్మనాభన్ ముందస్తు పదవీ విరమణ చేస్తున్నారు. కొత్త సీఈవోగా నిషా దత్‌ను కంపెనీ నియమించింది. మే 2 నుంచి ఆమె బాధ్యతలు చేపడతారు.
SBI: డాలర్లలో సీనియర్ అన్‌-సెక్యూర్డ్ నోట్లను పబ్లిక్ లేదా ప్రైవేట్ ప్లేస్‌మెంట్ ద్వారా జారీ చేసి, ప్రస్తుత ఆర్థిక సంవత్సరంలో 2 బిలియన్‌ డాలర్ల వరకు సమీకరించే ప్రతిపాదనను పరిశీలించడానికి స్టేట్ బ్యాంక్ ఆఫ్ ఇండియా (SBI) బోర్డు ఈరోజు సమావేశం కానుంది.
గోవా కార్బన్: బిలాస్‌పూర్ యూనిట్‌లో కార్యకలాపాలు పునఃప్రారంభమైనట్లు గోవా కార్బన్ ఎక్స్ఛేంజీ ఫైలింగ్‌లో తెలియజేసింది.
డ్రెడ్జింగ్ కార్పొరేషన్ ఆఫ్ ఇండియా: ఆరు నెలల కాలానికి కంపెనీ ఛైర్మన్‌గా టికే రామచంద్రన్‌ను కంపెనీ బోర్డు నియమించింది.
Disclaimer: ఈ వార్త కేవలం సమాచారం కోసం మాత్రమే. మ్యూచువల్ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్లు, ఫారెక్స్‌, కమొడిటీల్లో పెట్టే పెట్టుబడులు ఒడుదొడుకులకు లోనవుతుంటాయి. మార్కెట్‌ పరిస్థితులను బట్టి ఆయా పెట్టుబడి సాధనాల్లో రాబడి మారుతుంటుంది. ఫలానా మ్యూచువల్ ఫండ్, స్టాక్‌, క్రిప్టో కరెన్సీలో పెట్టుబడి పెట్టాలని లేదా ఉపసంహరించుకోవాలని 'abp దేశం' చెప్పడం లేదు. పెట్టుబడి పెట్టే ముందు, లేదా ఉపసంహరించుకునే ముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్ అడ్వైజర్ల నుంచి సలహా తీసుకోవడం మంచిది.
టాప్ హెడ్ లైన్స్
ట్రెండింగ్ వార్తలు
