గుర్రం స్పూర్తితో వెస్పా స్కూటర్ - Vespa 946 Horse ఎడిషన్ విడుదల, కేవలం కొన్ని యూనిట్లే తయారీ!
2026 ‘ఇయర్ ఆఫ్ ది హార్స్’ సందర్భంగా, Vespa 946 Horse ఎడిషన్ స్కూటర్ను విడుదల చేసింది. ప్రత్యేక డిజైన్, లెదర్ ఫినిష్, లిమిటెడ్ యూనిట్లతో ఈ స్కూటర్ ప్రత్యేక ఆకర్షణగా నిలుస్తోంది.
Vespa 946 Horse Edition Price And Specifications: ఇటాలియన్ స్కూటర్ బ్రాండ్ Vespa మరోసారి తన ప్రత్యేకతను చాటుకుంది. 2026ను ‘ఇయర్ ఆఫ్ ది హార్స్’గా గుర్తిస్తూ, Vespa తాజాగా Vespa 946 Horse Edition స్కూటర్ను అధికారికంగా రివీల్ చేసింది. ఈ స్కూటర్ కేవలం ప్రయాణ సాధనం మాత్రమే కాదు... గుర్రం శక్తి, గౌరవం, ధృడత్వాన్ని ప్రతిబింబించేలా డిజైన్ చేసిన ఓ కళాఖండంలా కనిపిస్తోంది.
వెస్పా గతంలో కూడా తన Lunar Collectionలో భాగంగా డ్రాగన్, స్నేక్ వంటి జోడియాక్ సింబల్స్ ఆధారంగా ప్రత్యేక ఎడిషన్ మోడళ్లను విడుదల చేసింది. ఇప్పుడు ఆ సంప్రదాయాన్ని కొనసాగిస్తూ, 2026కు ప్రతీకగా గుర్రాన్ని ఎంచుకుంది. వెస్పా చెప్పినట్టుగా, గుర్రం అంటే రాజసం, చురుకుదనం, ప్రతికూల పరిస్థితులను తట్టుకునే శక్తికి చిహ్నం. అదే భావాన్ని ఈ 946 Horse ఎడిషన్లో చూపించారు.
గుర్రం రంగులో డిజైన్
Vespa 946 Horse ఎడిషన్ ప్రత్యేకత దాని బే కలర్ బాడీ. ఇది గాఢమైన గోధుమ రంగులో ఉంటుంది. గుర్రాల్లో కనిపించే మెరిసే నలుపు-గోధుమ మిశ్రమాన్ని గుర్తు చేసేలా ఈ రంగును ఎంపిక చేశామని వెస్పా తెలిపింది. ఈ స్కూటర్లో స్టీల్ బాడీ వెస్పాకు ట్రేడ్మార్క్ కాగా, గ్లాస్ & మ్యాట్ ఫినిష్ల కలయిక కూడా కనిపిస్తుంది. ఈ స్కూటర్లోని చిన్న విషయాలు కూడా హార్స్ థీమ్ను బలంగా ప్రతిబింబిస్తాయి.
సీటు నుంచి మిర్రర్ వరకూ లెదర్ టచ్
Vespa 946 Horse ఎడిషన్లోని హ్యాండ్క్రాఫ్టెడ్ లెదర్ సీటు గుర్రాల సాడిల్ నుంచి ప్రేరణతో డిజైన్ చేశారు. సీటు కింద భాగంలో గుర్రపు నాడా ఆకారంలో ఉన్న డిజైన్పై ‘V’ మోనోగ్రామ్ ముద్రించారు. అంతేకాదు, హ్యాండిల్బార్, రియర్వ్యూ మిర్రర్స్పై కూడా ప్రీమియం లెదర్ ట్రిమ్ ఇవ్వడం విశేషం. ఇవన్నీ కలిపి చూస్తే, స్కూటర్ మొత్తం ఒక ఎలిగెంట్ హార్స్ థీమ్లో కనిపిస్తుంది.
ప్రత్యేక యాక్సెసరీలు
Vespa 946 Horse ఎడిషన్తో పాటు కొన్ని స్పెషల్ యాక్సెసరీలు కూడా అందుబాటులో ఉన్నాయి. సీటులో వాడిన అదే లెదర్తో తయారు చేసిన చిన్న రియర్ బ్యాగ్, లైట్ స్మోక్డ్ చిన్న విండ్షీల్డ్, అలాగే కలర్ మ్యాచ్ అయ్యే త్రీ క్వార్టర్ హెల్మెట్ ఇవ్వనున్నారు. ఈ హెల్మెట్పై 3D గోల్డ్ ‘V’ లోగో ఉండటం మరో ఆకర్షణ.
లిమిటెడ్ ఎడిషన్ స్పెషల్
వెస్పా ఈ 946 Horse ఎడిషన్ను చాలా కొన్ని యూనిట్లలోనే తయారు చేయనుంది. అయితే ఎన్ని స్కూటర్లు తయారు చేస్తారో కంపెనీ వెల్లడించలేదు. గతంలో Vespa 946 Dragon ఎడిషన్ను కేవలం 1,888 యూనిట్లకే పరిమితం చేసింది. ఈసారి కూడా అలాగే చాలా తక్కువ సంఖ్యలోనే తయారు చేసే అవకాశం ఉంది.
బుకింగ్స్ వివరాలు
Vespa 946 Horse ఎడిషన్ స్కూటర్ బుకింగ్స్ ఇప్పటికే వెస్పా అధికారిక వెబ్సైట్లో ఓపెన్ అయ్యాయి. ఈ ప్రత్యేక స్కూటర్ను కొనుగోలు చేయాలనుకునేవారు తమకు దగ్గరలో ఉన్న అధీకృత వెస్పా డీలర్ను సంప్రదించాలని కంపెనీ సూచించింది.
Vespa 946 Horse ఎడిషన్ స్కూటర్ సాధారణ వినియోగదారుల కోసం కాదు. ఇది స్టైల్, లగ్జరీ, ప్రత్యేకత కోరుకునే వారి కోసం రూపొందించిన కలెక్టబుల్ మోడల్. 2026 ‘ఇయర్ ఆఫ్ ది హార్స్’ను గుర్తుండిపోయేలా చేసేందుకు వెస్పా తీసుకొచ్చిన ఈ స్కూటర్ ఖచ్చితంగా అభిమానులను ఆకట్టుకుంటుంది.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
