Toyota Urban Cruiser Hyryder: టొయోటా హైరైడర్ వచ్చేసింది - టాప్ క్లాస్ ఫీచర్లతో - కారు మామూలుగా లేదుగా!

టొయోటా కొత్త కారు అర్బన్ క్రూజర్ హైరైడర్ మనదేశంలో లాంచ్ అయింది.

టొయోటా అర్బన్ క్రూజర్ హైరైడర్ మనదేశంలో లాంచ్ అయింది.

టొయోటా మనదేశంలో కొత్త అర్బన్ క్రూజర్‌ను లాంచ్ చేసింది. అదే టొయోటా హైరైడర్. ఇది ఒక సెల్ఫ్ చార్జింగ్ ఎలక్ట్రిక్ స్ట్రాంగ్ హైబ్రిడ్ సిస్టం ఉన్న కారు. ఈ విభాగంలో లాంచ్ అయిన మొదటి పూర్తిస్థాయి హైబ్రిడ్ కారు ఇదే. ఇందులో 1.5 లీటర్ కే-సిరీస్ ఇంజిన్‌ను అందించారు. ఇంటిగ్రేటెడ్ స్టార్టర్ జనరేటర్ కూడా ఇందులో ఉంది. ఈ ఇంజిన్ పవర్ అవుట్‌పుట్ 100 హెచ్‌పీ కాగా, పీక్ టార్క్ 135 ఎన్ఎంగా ఉంది. ఇంజిన్, హైబ్రిడ్ మోటార్ పవర్‌ను కలిపినపుడు దీని పవర్ అవుట్‌పుట్ 113 హెచ్‌పీగా ఉండనుంది.

ఈ విభాగంలో ఆల్ వీల్ డ్రైవ్ ఫీచర్ ఉన్న మొదటి కారు అర్బన్ క్రూజర్ హైరైడరే. ఇందులో ఫైవ్ స్పీడ్ మాన్యువల్ లేదా సిక్స్ స్పీడ్ ఆటోమేటిక్ ట్రాన్స్‌మిషన్ వేరియంట్లు ఉన్నాయి. ఇదే హైబ్రిడ్ టెక్నాలజీ టొయోటా హైఎండ్ ఉత్పత్తులు కామీ, వెల్‌ఫైర్‌ల్లో కూడా ఉంది.

ఇక మైలేజ్ విషయానికి వస్తే... ఈ అర్బన్ క్రూజర్ హైరైడర్ 40 నుంచి 50 శాతం ఇంప్రూవ్ అయింది. అయితే దీని మైలేజ్ నంబర్లను కంపెనీ ఇంకా విడుదల చేయలేదు. 27 శాతం తక్కువగా కర్బన ఉద్గారాలను ఈ కారు విడుదల చేయనుంది. 

యాంబియంట్ లైటింగ్, పనోరమిక్ సన్‌రూఫ్, వైర్‌లెస్ చార్జర్, తొమ్మిది అంగుళాల ఇన్‌ఫోటెయిన్‌మెంట్ సిస్టం, వెంటిలేటెడ్ డ్యూయల్ టోన్ సీట్ల వంటి ప్రీమియం ఫీచర్లు ఇందులో ఉన్నాయి. ఆరు ఎయిర్ బ్యాగ్‌లు, యాంటీ లాక్ బ్రేకింగ్ సిస్టం, వెహికల్ స్టెబిలిటీ కంట్రోల్, హిల్ హోల్డ్ కంట్రోల్, డీసెంట్, ఆల్ వీల్ డిస్కులు వంటి సేఫ్టీ ఫీచర్లను టొయోటా ఇందులో అందించింది.

ఏడు మోనోటోన్ కలర్ ఆప్షన్లు, నాలుగు డ్యూయల్ టోన్ కలర్ ఆప్షన్లలో ఈ కారును కొనుగోలు చేయవచ్చు. టొయోటా అర్బన్ క్రూజర్ హైరైడర్ ధరను కంపెనీ ఇంకా వెల్లడించలేదు. కానీ దీని బుకింగ్స్ కూడా ప్రారంభం అయ్యాయి. రూ.25 వేలు చెల్లించి ఈ కారును బుక్ చేసుకోవచ్చు. దీని ధర రూ.10 లక్షల రేంజ్ నుంచి ప్రారంభం అయ్యే అవకాశం ఉంది.