Tata Nexon CNG: మైలేజ్ లవర్స్‌కు గుడ్‌న్యూస్ - టాటా నెక్సాన్ సీఎన్‌జీ లాంచ్ త్వరలో!

Tata Nexon CNG Launch Date: టాటా నెక్సాన్ సీఎన్‌జీ మనదేశంలో త్వరలో లాంచ్ కానుంది. సెప్టెంబర్‌లోనే ఈ కారు మార్కెట్లో ఎంట్రీ ఇవ్వనుందని తెలుస్తోంది. దీంతో టాటా నెక్సాన్ మోస్ట్ వెర్సటైల్ కారుగా మారిది.

టాటా నెక్సాన్ సీఎన్‌జీ త్వరలో లాంచ్ కానుంది.

Source : Tata Motors

Tata Motors CNG Cars: 2024 సంవత్సరం మొదటి ఆరు నెలల్లో టాప్ 10 బెస్ట్ సెల్లింగ్ కార్ల జాబితాలో టాటా నెక్సాన్ చేరింది. ఇప్పుడు టాటా మోటార్స్ ఈ బ్లాక్‌బస్టర్ కారు సీఎన్‌జీ వేరియంట్‌ను విడుదల చేయడం ద్వారా ఈ కారు అమ్మకాలను మరింత పెంచాలనుకుంటోంది. సెప్టెంబర్‌లో టాటా నెక్సాన్ సీఎన్‌జీ మార్కెట్లో లాంచ్ కానుందని తెలుస్తోంది. ఈ కొత్త వేరియంట్ లాంచ్‌తో కాంపాక్ట్ SUV సెగ్మెంట్‌లో మోస్ట్ వెర్సటైల్ కారుగా టాటా నెక్సాన్ అవతరిస్తుంది.

ఏ విభాగంలో చూసినా కనిపించనున్న నెక్సాన్...
సీఎన్‌జీ వేరియంట్‌లో టాటా నెక్సాన్ లాంచ్ అయిన తర్వాత ఈ కారు అన్ని వేరియంట్‌ల్లో లభ్యమవుతుంది. టాటా నెక్సాన్ పెట్రోల్, డీజిల్ వేరియంట్‌లు ఇప్పటికే మార్కెట్‌లో ఉన్నాయి. దీని తరువాత ఎలక్ట్రిక్ వేరియంట్‌ను కూడా మార్కెట్లోకి తీసుకువచ్చారు. ఇప్పుడు మార్కెట్లో సీఎన్‌జీ ఆప్షన్‌ను లాంచ్ చేయడానికి సన్నాహాలు చేస్తున్నారు. ఈ సంవత్సరం ప్రారంభంలో జరిగిన భారత్ మొబిలిటీ గ్లోబల్ ఎక్స్‌పోలో టాటా నెక్సాన్ సీఎన్‌జీ లాంచ్ అయింది.

నెక్సాన్ సీఎన్‌జీ ప్రత్యేకత ఏమిటి?
టాటా నెక్సాన్ భారతదేశపు మొట్టమొదటి టర్బో పెట్రోల్ సీఎన్‌జీ వేరియంట్. ఈ కారులో 1.2 లీటర్ టర్బో పెట్రోల్ రెవోట్రాన్ ఇంజన్‌ను అమర్చవచ్చు. ఇది ఈ విభాగంలో అత్యంత శక్తివంతమైన సీఎన్‌జీ వాహనంగా మారింది. ఈ కారు ఇంజన్‌తో 5 స్పీడ్ మ్యాన్యువల్ ట్రాన్స్‌మిషన్ ఇవ్వవచ్చు. అదే సమయంలో టియాగో, టిగోర్ మాదిరిగానే, ఈ కారులో ఆటోమేటిక్ గేర్ బాక్స్ ఫీచర్ కూడా అందించనున్నారు.

ఒకే ఈసీయూ సహాయంతో ఈ కారు ఇంజిన్‌ను సీఎన్‌జీ నుంచి పెట్రోల్‌గా, పెట్రోల్‌ నుంచి సీఎన్‌జీగా సులభంగా మార్చవచ్చు. టాటా మోటార్స్ తన కారులో ట్విన్ సిలిండర్ సీఎన్‌జీ ట్యాంక్‌ను అమర్చిన మొదటి కంపెనీగా నిలిచింది. ఇప్పుడు ఈ ఫీచర్ హ్యుందాయ్ కార్లలో కూడా అందుబాటులో ఉంది. ఇదే ఫీచర్‌ను టాటా నెక్సాన్‌లో కూడా చేర్చే అవకాశం ఉంది. టాటా మోటార్స్ తీసుకువచ్చిన ఈ కారు 230 లీటర్ల బూట్ స్పేస్ కలిగి ఉంటుంది. భారతీయ మార్కెట్లో టాటా నెక్సాన్ సీఎన్‌జీ వెర్షన్ మారుతి సుజుకి బ్రెజ్జాకు గట్టి పోటీని ఇవ్వనుంది.