విన్ఫాస్ట్ భారతదేశంలో 'గ్రీన్ ఎస్ఎమ్' పేరుతో ఎలక్ట్రిక్ టాక్సీ సర్వీసును ప్రారంభించనుంది. ఇది పూర్తిగా పర్యావరణ హితమైన ఎలక్ట్రిక్ వాహనాలతో కూడిన నెట్వర్క్.
అన్వేషించండి
Ola, Uberలకు టెన్షన్ టెన్షన్.. క్యాబ్ సేవల్ని ప్రారంభిస్తున్న VinFast.. కి.మీ.కు ఎంతంటే
Electric Cab Service | విన్ఫాస్ట్ కంపెనీ సైతం క్యాబ్ సర్వీసులను ప్రారంభిస్తోంది. మొదట ఢిల్లీ, ఎన్సీఆర్ ప్రాంతాల్లో ఎలక్ట్రిక్ క్యాబ్ సర్వీసులను అందుబాటులోకి తేనున్నారు.
క్యాబ్ సేవల్ని ప్రారంభిస్తున్న విన్ఫాస్ట్
Source : Vinfast
- విన్ఫాస్ట్ భారత్‌లో గ్రీన్ ఎస్ఎమ్ ఎలక్ట్రిక్ టాక్సీ సర్వీస్‌ను ప్రారంభిస్తుంది.
- మొదట ఢిల్లీ-ఎన్సిఆర్లో, తర్వాత ఇతర నగరాలకు విస్తరించనుంది.
- సుమారు 15,000 ఎలక్ట్రిక్ టాక్సీల ఫ్లీట్‌ను ఏర్పాటు చేయనుంది.
- కిలోమీటరుకు సుమారు రూ. 8 ఛార్జీ వసూలు చేసే అవకాశం ఉంది.
Cab Services In India | సొంతంగా వాహనం లేని వారితో పాటు వేరే నగరాలకు వెళ్లిన సమయంలో క్యాబ్ సర్వీసుల ద్వారా మీకు కావాల్సిన చోటుకు వెళ్తుంటారు. భారత్‌లో గత కొన్నేళ్ల నుంచి ఎలక్ట్రిక్ మొబిలిటీ వేగంగా అభివృద్ధి చెందుతోంది. ఈ రంగంలో మరిన్ని మార్పులు చేర్పులు జరగనున్నాయి. వియత్నాంకు చెందిన ఆటోమొబైల్ సంస్థ విన్ఫాస్ట్ (VinFast) భారత్‌లో తన కొత్త ఎలక్ట్రిక్ టాక్సీ సర్వీస్‌ను ప్రారంభించేందుకు ప్లాన్ చేస్తోంది. దీనికి గ్రీన్ ఎస్ఎమ్ (Green SM) అని పేరు పెట్టారు. ఈ సర్వీసులను మొదట ఢిల్లీ-ఎన్‌సిఆర్ నుంచి ప్రారంభించనున్నారు. ఆ తర్వాత క్రమంగా దీనిని ఇతర నగరాలకు కూడా విస్తరించాలని కంపెనీ భావిస్తోంది. దేశంలో పర్యావరణ హితమైన (ఈకో-ఫ్రెండ్లీ), పూర్తిగా ఎలక్ట్రిక్ టాక్సీ నెట్‌వర్క్‌ను సిద్ధం చేయడం కంపెనీ ముఖ్య ఉద్దేశ్యం.
ఈ ప్లాన్‌లో భాగంగా కంపెనీ పెద్ద సంఖ్యలో ఎలక్ట్రిక్ టాక్సీలను అందుబాటులోకి తేనుంది. దాదాపు 15,000 ఎలక్ట్రిక్ టాక్సీల బెడాని (ఫ్లీట్) సిద్ధం చేయాలని సంస్థ ప్లాన్ చేసింది. ఈ టాక్సీలలో ప్రధానంగా విన్ఫాస్ట్ సంస్థకు చెందిన ఎలక్ట్రిక్ కార్లను వినియోగించనున్నారు. తక్కువ ఖర్చుతో ఎక్కువ దూరం ప్రయాణించేలా, ప్రయాణికులకు కంఫర్ట్ జర్నీ అందించేలా, ఈ వాహనాలను ప్రత్యేకంగా రైడ్ హెయిలింగ్, టాక్సీ సేవల కోసం ప్రత్యేకంగా డిజైన్ చేశారు.
Also Read: పెట్రోల్ కాదు, కొత్త ఇంధనంతో దూసుకుపోనున్న Maruti Fronx.. జూన్ 4న లాంచ్!
కిలోమీటరుకు ఎంత చెల్లించాలి
ఈ సర్వీస్‌కు సంబంధించి ప్రత్యేకమైన అంశం దీని అద్దె మోడల్ అని చెబుతున్నారు. నివేదికల ప్రకారం, ప్యాసింజర్స్ వద్ద నుంచి ఒక కిలోమీటరుకు దాదాపు రూ. 8 ఛార్జీ వసూలు చేసే అవకాశం ఉంది. దాంతో ప్రతిరోజూ క్యాబ్‌లలో ప్రయాణించే వారికి, ముఖ్యంగా ఆఫీసులకు వెళ్లే వారికి, సిటీలో ప్రయాణించే వారికి నేరుగా ప్రయోజనం చేకూరుతుంది. గ్రీన్ ఎస్ఎమ్ అనేది కేవలం ఒక టాక్సీ సేవ మాత్రమే కాదు. విన్ఫాస్ట్ కంపెనీ ఈ ప్లాట్‌ఫారమ్ ద్వారా భారత మార్కెట్లో తన ఎలక్ట్రిక్ కార్లకు బ్రాండింగ్‌తో పాటు తక్కువ సమయంలో గుర్తింపును తీసుకురావాలని భావిస్తోంది.
Also Read: Electric Scooter కొనేముందు ఇది తెలుసుకోండి.. Hero, TVS లేదా OLA లలో బెస్ట్ ఏది
ఎకో-ఫ్రెండ్లీగా ఈ ఎలక్ట్రిక్ కార్లు
ఈ ప్రాజెక్ట్ మరో కోణం ఏంటంటే, ఇది పూర్తిగా ఎలక్ట్రిక్ ఆధారిత సర్వీస్. దాంతో ఎలాంటి పెట్రోల్, డీజిల్ లాంటి ఇంధనాల అవసరం ఉండదు. దీనివల్ల కాలుష్యాన్ని తగ్గించడంలో సహాయపడుతుంది. ఢిల్లీ లాంటి నగరాల్లో గాలి నాణ్యతను మెరుగుపరచడంలో దోహదం చేస్తుంది. భారత ప్రభుత్వం కూడా ఎలక్ట్రిక్ వాహనాలను, గ్రీన్ మొబిలిటీని ప్రోత్సహిస్తోంది. కనుక ఇటువంటి సేవలు భవిష్యత్తులో ఎంతో మేలు చేయనున్నాయి.
ఈ సేవను కేవలం యాప్ ఆధారిత టాక్సీలకే పరిమితం చేయకుండా ఒక ఫ్లీట్ మోడల్‌గా నడపాలని కూడా కంపెనీ యోచిస్తోంది. అంటే డ్రైవర్లు, వాహనాలు, సేవల నాణ్యతపై కంపెనీకి డైరెక్ట్ కంట్రోల్ ఉంటుంది. దీనివల్ల సేవలను నిలకడగా, మరింత మెరుగ్గా అందించడానికి వీలవుతుందని సంస్థ ప్రతినిధులు చెబుతున్నారు.
Frequently Asked Questions
భారతదేశంలో విన్ఫాస్ట్ ఏ కొత్త సర్వీసును ప్రారంభించనుంది?
గ్రీన్ ఎస్ఎమ్ సర్వీసులు మొదట ఏ నగరంలో ప్రారంభమవుతాయి?
గ్రీన్ ఎస్ఎమ్ సర్వీసులు మొదట ఢిల్లీ-ఎన్సిఆర్లో ప్రారంభమవుతాయి. ఆ తర్వాత క్రమంగా ఇతర నగరాలకు విస్తరించాలని కంపెనీ యోచిస్తోంది.
గ్రీన్ ఎస్ఎమ్ ఎంత మంది ప్రయాణికులకు సేవలు అందించనుంది?
కంపెనీ దాదాపు 15,000 ఎలక్ట్రిక్ టాక్సీలను అందుబాటులోకి తీసుకురావాలని యోచిస్తోంది. ఈ వాహనాలను ముఖ్యంగా రైడ్ హెయిలింగ్, టాక్సీ సేవల కోసం ప్రత్యేకంగా రూపొందించారు.
గ్రీన్ ఎస్ఎమ్ టాక్సీలకు కిలోమీటరుకు ఎంత ఛార్జీ వసూలు చేస్తారు?
నివేదికల ప్రకారం, ప్రయాణికుల నుంచి ప్రతి కిలోమీటరుకు సుమారు రూ. 8 ఛార్జీ వసూలు చేసే అవకాశం ఉంది. ఇది రోజువారీ ప్రయాణికులకు ప్రయోజనకరంగా ఉంటుంది.
టాప్ హెడ్ లైన్స్
ఆటో
కొత్త Toyota Fortuner SUV లాంచ్.. హైదరాబాద్‌లో ఎక్స్‌షోరూమ్ ధర, ఆన్ రోడ్ ధర వివరాలు
ఆటో
లీటర్‌కు 29 కి.మీ. మైలేజ్ ఇచ్చే సూపర్‌ SUV.. రెనాల్ట్‌ డస్టర్ హైబ్రిడ్ బుకింగ్స్ ప్రారంభం, రూ.21,000 చాలు
ఆటో
హోండా ఎలివేట్ ఫేస్‌లిఫ్ట్ vs హ్యుందాయ్ క్రెటా.. ఫీచర్లు, భద్రతలో తేడాలేంటి? ఏది కొనడం బెటర్‌?
ఆటో
కొత్త కారు కొంటున్నారా? షోరూమ్ ధర చూసి మురిసిపోకండి.. మీ జేబుకు చిల్లు పెట్టే 5 అదనపు ఖర్చులివి!
ట్రెండింగ్ వార్తలు
