Tata Tiago EV: టాటా టియాగో ఈవీ కొనేందుకు డౌన్ పేమెంట్ ఎంత కట్టాలి ? నెలవారీ EMI ప్లాన్, రేంజ్ వివరాలు

Electric Vehicle | పెట్రోల్, డీజిల్ ధరలు పెరుగుతున్న సమయంలో ఎలక్ట్రిక్ కారును కొనుగోలు చేయాలని ప్లాన్ చేస్తున్నారా.. ఒక మంచి, బెస్ట్ ఈవీ టాటా టియాగో కొనేందుకు డౌన్ పేమెంట్, ఈఎంఐ వివరాలు తెలుసుకోండి.

టాటా టియాగో ఈవీ ఫైనాన్స్ ప్లాన్

Source : Tata Motors

Show Quick Read

Key points generated by AI, verified by newsroom

• పెట్రోల్ ధరల పెరుగుదల నేపథ్యంలో ఎలక్ట్రిక్ కార్లకు ఆదరణ పెరిగింది.
• టాటా టియాగో ఈవీ తక్కువ డౌన్ పేమెంట్‌తో EMI లో లభిస్తుంది.
• బేస్ మోడల్‌కు సుమారు రూ. 13,885 EMI నెలవారీ వస్తుంది.
• ఈ కారు 226-285 కిలోమీటర్ల రేంజ్, అధునాతన ఫీచర్లను అందిస్తుంది.

భారత్‌లో కార్ల కొనుగోలు బాగా పెరిగింది. వెకేషన్ కోసం ప్రయాణాల కంటే రోజువారీ ప్రయాణాలకు తమకు సరిపోయే కార్ల కోసం చూస్తుంటారు. అయితే ప్రతి ఒక్కరూ తక్కువ ధరలో మంచి మైలేజ్ ఇచ్చే కారు, ఫీచర్ల పరంగా కూడా బెస్ట్ కారును కొనాలని భావిస్తారు. పశ్చిమాసియా చమురు సంక్షోభం కారణంగా భారత్‌లో మే నెలలో 4 సార్లు పెట్రోల్, డీజిల్ ధరలు పెరిగాయి. దాంతో నిరంతరం వాహనాలు నడిపేవారికి ఇంధన ఖర్చులు భారీగా పెరిగిపోయాయి. ఇలాంటి సమయంలో ఎలక్ట్రిక్ కార్లు కొనడానికి ప్రజలు ఆసక్తి చూపుతున్నారు. తక్కువ మెయింటనెన్స్, తక్కువ ఖర్చుతో ఎక్కువ దూరం వెళ్లడం వీటి ప్లస్ పాయింట్.

ఎలక్ట్రిక్ కారును నడపడానికి చాలా తక్కువ ఖర్చు అవుతుంది. పెట్రోల్, డీజిల్ తరహాలో ధరల పెరుగుదల భయం ఉండదు. అందుకే ప్రజలు నెమ్మదిగా ఎలక్ట్రిక్ కార్ల (Electric Vehicles) వైపు మొగ్గు చూపుతున్నారు. అలాంటి ఒక ఎలక్ట్రిక్ కారు టాటా టియాగో ఈవీ (Tata Tiago EV). ఒకవేళ మీరు ఈ కారు కొనాలనుకుంటే, దీనిని పూర్తి నగదు చెల్లించకుండానే సొంతం చేసుకోవచ్చు. దీనిని సింగిల్ డౌన్ పేమెంట్ తరువాత నెలవారీ ఈఎంఐ (EMI) చెల్లిస్తూ కొనవచ్చు. టాటా టియాగో ఈవీ (EV) ఫైనాన్స్ ప్లాన్ గురించి ఇక్కడ వివరాలు తెలుసుకుందాం.

టాటా టియాగో ఈవీ ఆన్ రోడ్ ధర

టాటా టియాగో ఈవీ బేస్ వేరియంట్ 'స్మార్ట్ 19' ఎక్స్-షోరూమ్ ప్రారంభ ధర రూ. 6 లక్షల 99 వేలు. కాగా, ఆన్-రోడ్ ధరకు వచ్చేసరికి దాదాపు రూ. 7 లక్షల 30 వేల వరకు అవుతుంది. దీని టాప్ వేరియంట్ 'క్రియేటివ్ ప్లస్ 24' ప్రారంభ ధర రూ. 9 లక్షల 99 వేలు.. దీని ఆన్‌రోడ్ ధర సుమారు రూ. 10 లక్షల 40 వేల వరకు చెల్లించాలి. చాలా రాష్ట్రాల్లో ఎలక్ట్రిక్ వాహనాలపై ఆర్‌టీఓ (RTO), రోడ్ టాక్స్‌లో భారీ రాయితీ ఇస్తున్నారు. దాంతో కారు ధర కొంతమేర తగ్గుతుంది.

ఈఎంఐ లెక్కలు ఇలా..

ఒకవేళ మీరు టాటా టియాగో ఈవీ కారు బేస్ వేరియంట్ 'స్మార్ట్ 19' కొనాలంటే మీరు కేవలం రూ. 1 లక్ష కనీస డౌన్ పేమెంట్ చెల్లించి బుక్ చేసుకోవచ్చు. తర్వాత మీరు బ్యాంక్ నుండి సుమారు రూ. 6 లక్షల 30 వేల వరకు లోన్ తీసుకోవాలి. ఒకవేళ బ్యాంక్ మీకు ఏడాదికి 9.8 శాతం వడ్డీ రేటుతో 5 సంవత్సరాల కాలపరిమితికి ఈ లోన్ ఇస్తే, మీ నెలవారీ EMI దాదాపు రూ. 13 వేల 885 అవుతుంది. మీరు టాప్ వేరియంట్ తీసుకుని రూ. 1 లక్షా 4 వేలు డౌన్ పేమెంట్ చెల్లిస్తే, మీ ఈఎంఐ రూ. 19 వేల 790 వరకు అవుతుంది. 

బెస్ట్ రేంజ్, సేఫ్టీ ఫీచర్లు

బడ్జెట్ ఫ్రెండ్లీగా ఉండటంతో పాటు ఈ కారు పనితీరు పరంగా కూడా చాలా ముందుంది. ఇది 2 బ్యాటరీ ఆప్షన్లతో వస్తుంది. ఇందులో 19.2 కిలోవాట్ అవర్ (kWh) బ్యాటరీ సింగిల్ ఛార్జ్‌పై 226 కిలోమీటర్ల రేంజ్ ఇవ్వగా, 24 కిలోవాట్ అవర్ బ్యాటరీ 285 కిలోమీటర్ల రేంజ్‌ను అందిస్తుంది. కారు కేబిన్‌లో మీకు 10.25 ఇంచుల పెద్ద టచ్‌స్క్రీన్ ఇన్ఫోటైన్‌మెంట్ సిస్టమ్, 360 డిగ్రీ కెమెరా, ప్రయాణీకుల సేఫ్టీ కోసం 6 ఎయిర్‌బ్యాగ్‌ల వంటి మోడ్రన్ ఫీచర్లు లభిస్తాయి.

మరిన్ని చదవండి

పెట్రోల్‌ కాదు, కొత్త ఇంధనంతో దూసుకుపోనున్న Maruti Fronx.. జూన్ 4న లాంచ్!

కారు మైలేజ్ ఎందుకు తగ్గుతుంది? ఇవి పాటిస్తే మీ ఖర్చులు తగ్గుతాయి