Udhayanidhi Arrest: ఉదయనిధి వివాదంపై మద్రాసు హైకోర్టుకు డీఎంకే! కీలక ఆదేశాలు వచ్చేలోపే అరెస్టు!

Udhayanidhi Arrest: తమిళనాడు శాసనసభలో ప్రతిపక్ష నాయకుడు ఉదయనిధిని మధ్యాహ్నం 12 గంటల వరకు అరెస్టు చేయకూడదని మద్రాస్ హైకోర్టు ఆదేశించింది. కానీ ఆ ఆదేశాలు వచ్చేలోపు పోలీసులు ఆయన్ని అదుపులోకి తీసుకున్నారు. 

ఉదయనిధిని వివాదంపై మద్రాసు హైకోర్టుకు డీఎంకే! కీలక ఆదేశాలు వచ్చేలోపే అరెస్టు!

Source : Social Media

Show Quick Read

Key points generated by AI, verified by newsroom

• త్రిషపై వ్యాఖ్యల కేసులో ఉదయనిధిని పోలీసులు అరెస్టు చేశారు.
• మద్రాసు హైకోర్టు అరెస్టు చేయవద్దని ఆదేశించేలోపే అదుపులోకి తీసుకున్నారు.
• కోర్టు ఆదేశాలపై తమకు సమాచారం లేదని పోలీసులు తెలిపారు.
• అనంతరం, ఉదయనిధిని పోలీస్ స్టేషన్‌కు తరలించి కేసు నమోదు చేశారు.

Udhayanidhi Arrest: తమిళనాడు రాజకీయాల్లో డీఎంకే యువనాయకుడు, ప్రతిపక్ష నేత ఉదయనిధి అరెస్టు సంచలనం సృష్టిస్తోంది. రేపు రాష్ట్రబడ్జెట్‌ ఉన్న టైంలో ఏకంగా ప్రతిపక్ష నేతను అరెస్టు చేయడం చర్చనీయాంశంగా మారింది. ప్రముఖ నటి త్రిషను ఉద్దేశిస్తూ ఉదయనిధి చేసిన వ్యాఖ్యలపై చాలా ప్రాంతాల్లో కేసులు నమోదు అయ్యాయి. దీంతో పోలీసులు ఆయన్ని అదుపులోకి తీసుకున్నారు. అయితే హైకోర్టులో పిటిషన్ వేసి కీలక ఆదేశాలు తీసుకోనే లోపు పోలీసులు ఆయన్ని అరెస్టు చేసి తరలించారు. 

ఉదయనిధి అరెస్ట్‌పై కోర్టు కీలక ఆదేశాలు 

నిన్న తంజావూరులో జరిగిన డీఎంకే నిరసన సందర్భంగా త్రిషపై అభ్యంతరకర వ్యాఖ్యలు చేశారన్న ఆరోపణలపై ఉదయనిధి స్టాలిన్‌పై టీవీకే మహిళా విభాగం ఫిర్యాదు చేసింది. ఆ ఫిర్యాదు మేరకు తంజావూరు ఈస్ట్‌ పోలీసులు కేసు నమోదు చేశారు . దీంతో ఆయనను అరెస్టు చేసేందుకు తంజావూరు డీఎస్పీ అళగేశన్, తూర్పు పోలీస్ ఇన్‌స్పెక్టర్ మణికందన్‌లతో కూడిన బృందం చెన్నైలోని నీలన్‌కరై ప్రాంతంలో ఉన్న ఉదయనిధి స్టాలిన్ ఇంటికి వెళ్లింది. ఆయనపై ఆరు సెక్షన్ల కింద కేసు నమోదు చేశారు.

ఈ హైడ్రామా నడుస్తున్న టైంలోనే ఉదయనిధి స్టాలిన్ కోసం హైకోర్టులో పిటిషన్ వేశారు. దీన్ని అత్యవసర పిటిషన్‌గా విచారణకు స్వీకరించిన హైకోర్టు కీలక ఆదేశాలు జారీ చేసింది. శాసనసభలో ప్రతిపక్ష నాయకుడిగా ఉన్న ఉదయనిధిని మధ్యాహ్నం 12 గంటల వరకు అరెస్టు చేయకూడదని మద్రాస్ హైకోర్టు ఆదేశించింది.

At what was projected as a farmers protest, Udhayanidhi Stalin made an unnecessary, vulgar and double meaning comment about actress Trisha in front of thousands of men. pic.twitter.com/EvqkGrHKie

— Actor Vijay Team (@ActorVijayTeam) August 3, 2026

మద్రాసు హైకోర్టు గడువు విధించింది

ఉదయనిధిని అరెస్టు చేయడానికి పోలీసులను మోహరించారని తెలుసుకున్న వెంటనే, పెద్ద సంఖ్యలో డీఎంకే సభ్యులు ఆయన ఇంటి వద్దకు గుమిగూడారు. వారిని బారికేడ్లతో నిలువరించారు. ఈలోగా, తమిళనాడు శాసనసభ ప్రతిపక్ష నాయకుడు ఉదయనిధి అరెస్టును వ్యతిరేకిస్తూ, తక్షణ విచారణ కోరుతూ డీఎంకే వర్గం మద్రాస్ హైకోర్టును ఆశ్రయించింది. ఈ కేసును మధ్యాహ్నం 12 గంటలకు విచారణ చేస్తామని, అంతవరకు అరెస్టుతో సహా ఎలాంటి చర్యలు తీసుకోరాదని న్యాయమూర్తి ప్రభుత్వ ప్రాసిక్యూటర్‌కు ఆదేశించినట్లు సమాచారం.

సమాచారం లేదు

ఈలోగా, “అరెస్టు వంటి ఎలాంటి చర్యలు తీసుకోవద్దని న్యాయమూర్తి ఆదేశించినట్లు తమకు ఎలాంటి సమాచారం అందలేదు” అని పోలీసులు తెలిపారు. దీని ప్రకారం, తంజావూరు పోలీసులు ఉదయనిధిని అరెస్టు చేసి రోడ్డు మార్గంలో తీసుకువెళ్లారు. ఆయన్ని తంజావూరు తూర్పు పోలీస్ స్టేషన్‌కు తీసుకెళ్లగా, అక్కడ కేసు నమోదు చేశారు. దర్యాప్తు పూర్తయ్యాక ఉదయనిధి సొంత బెయిల్‌పై విడుదలవుతారా? లేక హైకోర్టు దర్యాప్తు ముగిశాక చర్యలు తీసుకునేందుకు ఉత్తర్వులు జారీ చేస్తారా? అనేది వేచి చూడాలి.

మరిన్ని చదవండి

తమిళనాడు ప్రతిపక్ష నేత ఉదయనిధి స్టాలిన్ అరెస్టు! త్రిషపై చేసిన డబుల్ మీనింగ్ వ్యాఖ్యలపై కేసులు

కర్మ రిటర్న్స్.. నాడు విజయ్‌ పార్ట్ టైం పొలిటీషియన్ అని సెటైర్లు.. నేడు ప్రతిపక్షనేతగా ఉదయనిధి స్టాలిన్