High Uric Acid : యూరిక్ యాసిడ్ పెరగడానికి కారణాలివే.. సమస్యను తగ్గించుకోవాలంటే ఈ ఫుడ్స్ తింటూ ఈ పనులు చేయాలట

Uric Acid : ఈ రోజుల్లో యూరిక్ యాసిడ్ స్థాయిలు పెరగడం అనే సమస్య చాలా సాధారణమైపోయింది. దీనిని అదుపులో ఉంచుకోకపోతే వివిధ ఆరోగ్య సమస్యలు ఎదుర్కోవాల్సి వస్తుంది. యూరిక్ యాసిడ్ ఎలా కంట్రోల్ చేయాలంటే..

యూరిక్ యాసిడ్ పెరగడానికి కారణాలు ఇవే

Source : Gemini AI

Show Quick Read

Key points generated by AI, verified by newsroom

• నిరంతర నొప్పులుంటే వైద్యుడిని సంప్రదించి చికిత్స తీసుకోవడం అవశ్యం.

High Uric Acid Can Affect Your Health : శరీరంలో యూరిక్ యాసిడ్ స్థాయిలు పెరగడం ఈరోజుల్లో ప్రధాన సమస్యగా మారిపోయింది. చాలామంది ఈ సమస్యతో ఇబ్బంది పడుతున్నారు. ప్యూరిన్ అధికంగా ఉండే ఆహారం తీసుకున్నప్పుడు.. శరీరంలో యూరిక్ యాసిడ్ ఏర్పడుతుంది. దానిని మూత్రపిండాలు దానిని వడపోసినా.. సరైన ఆహార నియమాలు పాటించకపోవడం, వేయించిన ఫుడ్స్ తీసుకోవడం వల్ల దీని స్థాయిలను పెరిగిపోతాయి. శరీరంలో యూరిక్ యాసిడ్ పెరిగితే వచ్చే సమస్యలు ఏంటో.. ఎలాంటి ఫుడ్స్ తీసుకోకూడదో ఇప్పుడు తెలుసుకుందాం. 

యూరిక్ యాసిడ్ పెరిగితే వచ్చే నష్టాలు..

యూరిక్ యాసిడ్ రక్తంలో ఎక్కువగా పేరుకుపోతే హైపర్‌యూరిసీమియా అంటారు. ఇది పెరిగితే వెంటనే లక్షణాలు తెలియకపోవచ్చు. కానీ ఎక్కువకాలం కొనసాగితే కొన్ని సమస్యలకు దారితీయొచ్చని చెప్తున్నారు నిపుణులు. కీళ్ల నొప్పులు, వాపు, ఎర్రబడటం, కీళ్లలో తీవ్రమైన నొప్పి రావడం, రాత్రివేళ నొప్పి ఎక్కువ కావడం వంటివి కనిపిస్తాయి. అధిక యూరిక్ యాసిడ్ కొందరిలో కిడ్నీ స్టోన్స్‌ ఏర్పరుస్తుంది. కిడ్నీ ఆరోగ్యానికి ఇబ్బంది కలిగించవచ్చు. రోజువారీ పనులు చేసుకోవడం కష్టంగా మారుతుంది. ఊబకాయం, అధిక రక్తపోటు, టైప్-2 డయాబెటిస్, మెటబాలిక్ సిండ్రోమ్ వంటి పరిస్థితులతో కలిసి కనిపిస్తుంది.

యూరిక్ యాసిడ్ పెరగడానికి ప్రధాన కారణాలు

రెడి మీట్, కాలేయం, మూత్రపిండాలు వంటి అవయవ మాంసాలు, సముద్రపు ఆహారాల తీసుకుంటే ప్యూరిన్లు పెరుగుతాయి. ఇవి శరీరంలో విచ్ఛిన్నం కావడం వల్ల యూరిక్ యాసిడ్ ఉత్పత్తి అవుతుంది. కాబట్టి ఈ ఆహారాలను అధికంగా తీసుకోకూడదు. అలాగే షుగర్ డ్రింక్స్, ఫ్రక్టోజ్ అధికంగా ఉండే కూల్ డ్రింక్స్, ప్యాక్ చేసిన జ్యూస్‌లు కూడా యూరిక్ యాసిడ్ స్థాయిలను పెంచడంలో ప్రధాన పాత్ర పోషిస్తాయి.

ఆల్కహాల్, ముఖ్యంగా బీర్‌లో ప్యూరిన్‌లు ఎక్కువగా ఉంటాయి. ఇవి శరీరం నుంచి యూరిక్ యాసిడ్‌ను తొలగించే ప్రక్రియను నెమ్మదింపజేసి.. అది శరీరంలో పేరుకుపోయేలా చేస్తాయి. తగినంత నీరు తాగకపోవడం వల్ల మూత్రపిండాలు సరిగ్గా పనిచేయకపోవచ్చు. దీంతో యూరిక్ యాసిడ్‌ను తొలగించడం కష్టమవుతుంది. శారీరక శ్రమ లేకపోవడం, ఎక్కువసేపు కూర్చోవడం కూడా యూరిక్ యాసిడ్ స్థాయిలు పెరగడానికి ప్రధాన కారణాలుగా చెప్తున్నారు. ఇది జీవక్రియను నెమ్మదింపజేసి.. శరీరం నుంచి విష పదార్థాలను సరిగ్గా తొలగించకుండా నిరోధిస్తుంది.

యూరిక్ యాసిడ్‌ను తగ్గించే సులభమైన మార్గాలు

రెడ్ మీట్, లివర్, మూత్రపిండాలు వంటి అవయవ మాంసాలు, సీ ఫుడ్ మానేసి.. లైట్ ఫుడ్,  పండ్లు, కూరగాయలు, తృణధాన్యాలు తినడం వల్ల శరీరం నుంచి యూరిక్ యాసిడ్ బయటకు వెళ్లడానికి సహాయపడుతుంది. దోసకాయ, బొప్పాయి, ఆపిల్ పండ్లు తీసుకుంటే మంచిది. స్వీట్స్, ప్యాక్ చేసిన ఫుడ్స్ వీలైనంత వరకు కంట్రోల్ చేయండి. దానికి బదులుగా కొబ్బరి నీరు లేదా నిమ్మరసం వంటివి తాగవచ్చు. 

ఇవేకాకుండా ప్రతిరోజూ ఉదయం నడక లేదా యోగా వంటి మితమైన వ్యాయామం జీవక్రియను మెరుగుపరుస్తుంది. బరువు నియంత్రణకు సహాయపడుతుంది. అంతేకాకుండా మద్యపానాన్ని తగ్గించడం లేదా పూర్తిగా మానుకోవడం యూరిక్ యాసిడ్‌ను నియంత్రించడంలో గణనీయంగా సహాయపడుతుంది.

వైద్యుడిని ఎప్పుడు సంప్రదించాలంటే..

నిరంతర కీళ్ల నొప్పి, వాపు లేదా బిగుతు అధిక యూరిక్ యాసిడ్ స్థాయిలకు సంకేతం కావచ్చు. వెంటనే వైద్యుడిని సంప్రదించి.. వారి సలహా మేరకు చికిత్స తీసుకోండి. ఆరోగ్యకరమైన ఆహారం, చురుకైన జీవనశైలిని పాటించడం ద్వారా.. యూరిక్ యాసిడ్ స్థాయిలను చాలా వరకు అదుపులో ఉంచుకోవచ్చు. తద్వారా కీళ్ల నొప్పి, గౌట్‌ను నివారించవచ్చు. 

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

మరిన్ని చదవండి

బిడ్డకు తల్లిపాలు ఎందుకు ముఖ్యం? పుట్టిన గంటలోపే ఎందుకు ఇవ్వాలి? లాభాలు, పోషకాలు ఇవే

ఫ్లూను నిర్లక్ష్యం చేస్తే ప్రమాదం అంటోన్న నిపుణులు.. ప్రతి ఏడాది టీకా తీసుకోవాల్సిందేనట