ఆడవాళ్లు కాళ్లను సులభంగా నేలపై ఉంచగల టూవీలర్లు - తక్కువ సీట్ హైట్ ఉన్న 10 ఎలక్ట్రిక్ స్కూటర్లు
తక్కువ ఎత్తు ఉన్న రైడర్లు, ఆడవాళ్ల కోసం భారత మార్కెట్లో అందుబాటులో ఉన్న అతి తక్కువ సీట్ హైట్ ఎలక్ట్రిక్ స్కూటర్ల జాబితా ఇది. హోండా QC1 నుంచి బజాజ్ చేతక్ వరకు టాప్ 10 మోడళ్ల వివరాలు.
Lowest seat height electric scooters: ఎలక్ట్రిక్ స్కూటర్ కొనుగోలు చేసే సమయంలో చాలామంది బ్యాటరీ సామర్థ్యం, రేంజ్, ధర వంటి అంశాలను మాత్రమే పరిశీలిస్తారు. అయితే తక్కువ ఎత్తు ఉన్న రైడర్లు, ముఖ్యంగా ఆడవాళ్లకు సీట్ హైట్ కూడా అత్యంత కీలకమైన అంశం. ట్రాఫిక్‌లో తరచూ ఆగాల్సి వచ్చే పరిస్థితుల్లో రెండు కాళ్లను సులభంగా నేలపై ఉంచగలిగితే రైడింగ్ మరింత సౌకర్యవంతంగా ఉంటుంది. అందుకే భారత మార్కెట్లో ప్రస్తుతం అందుబాటులో ఉన్న అతి తక్కువ సీట్ హైట్ కలిగిన టాప్ 10 ఎలక్ట్రిక్ స్కూటర్ల జాబితా ఇది.
ఈ జాబితాలో తొలి స్థానంలో హోండా QC1 నిలిచింది. ఇందులో కేవలం 704 మిల్లీమీటర్ల సీట్ హైట్ మాత్రమే ఉంది. 1.5kWh బ్యాటరీతో వచ్చే ఈ స్కూటర్ 80 కిలోమీటర్ల IDC రేంజ్‌ను అందిస్తుంది. గరిష్ఠ వేగం గంటకు 50 కిలోమీటర్లు. నగర ప్రయాణాలకు ఇది అనువైన ఎంపిక.
రెండో స్థానంలో BMW CE 02 ఉంది. ఇందులో 750 మిల్లీమీటర్ల సీట్ హైట్ ఉంటుంది. రెండు 1.96kWh బ్యాటరీ ప్యాక్‌లతో మొత్తం 3.92kWh సామర్థ్యం లభిస్తుంది. 108 కిలోమీటర్ల రేంజ్‌తో పాటు గంటకు 95 కిలోమీటర్ల గరిష్ఠ వేగాన్ని అందిస్తుంది.
ఇది కూడా చదవండి: IDC లెక్కకు భిన్నంగా యమహా EC-06 పనితీరు - ఒక్క ఛార్జ్‌తో ఎంత దూరం వెళ్లిందో తెలుసా?
763 మిల్లీమీటర్ల సీట్ హైట్‌తో TVS Orbiter & Bajaj Chetak C2501 తర్వాతి స్థానాల్లో ఉన్నాయి. TVS Orbiter V1 & V2 వేరియంట్‌లలో అందుబాటులో ఉండగా, Bajaj Chetak C2501 చేతక్ శ్రేణిలో అత్యంతస అందుబాటు ధర మోడల్‌గా నిలుస్తోంది.
765 మిల్లీమీటర్ల సీట్ హైట్‌తో Suzuki e-Access & Ampere Nexus కూడా మార్కెట్లో ఉన్నాయి. Suzuki e-Accessలో 95 కిలోమీటర్ల IDC రేంజ్ లభిస్తుంది. కీలెస్ యాక్సెస్, పూర్తి డిజిటల్ ఇన్‌స్ట్రుమెంట్ క్లస్టర్ వంటి ఆధునిక ఫీచర్లు ఇందులో ఉన్నాయి. Ampere Nexus EX & ST వేరియంట్‌లలో విక్రయిస్తుండగా, డిస్‌ప్లే & కనెక్టివిటీ ఫీచర్లలో మాత్రమే తేడాలు ఉంటాయి.
770 మిల్లీమీటర్ల సీట్ హైట్‌తో TVS iQube, Kinetic DX & Yamaha EC-06 వినియోగదారులకు అందుబాటులో ఉన్నాయి. TVS iQube ప్రస్తుతం దేశంలో అత్యధికంగా అమ్ముడవుతున్న ఎలక్ట్రిక్ స్కూటర్‌గా కొనసాగుతోంది. Kinetic DX రెట్రో డిజైన్‌తో పాటు 37 లీటర్ల అండర్ సీట్ స్టోరేజ్‌ను అందిస్తుంది. Yamaha EC-06లో 24.5 లీటర్ల స్టోరేజ్ లభిస్తుంది. ఈ మూడు స్కూటర్లు కూడా తక్కువ ఎత్తు ఉన్న రైడర్లకు సౌకర్యవంతమైన రైడింగ్ అనుభవాన్ని అందిస్తాయి.
ఇది కూడా చదవండి: మారుతి సుజుకి స్విఫ్ట్‌ కొనే ముందు మీరు తప్పక తెలుసుకోవాల్సినవి - ప్లస్‌లు ఏంటి? మైనస్‌లు ఏంటి?
ఈ జాబితాలో 775 మిల్లీమీటర్ల సీట్ హైట్‌తో Bajaj Chetak C3001, C3501, C3502 & C3503 వేరియంట్‌లు ఉన్నాయి. బ్యాటరీ సామర్థ్యం, రేంజ్, ఫీచర్లలో తేడాలు ఉన్నప్పటికీ సీట్ హైట్ మాత్రం అన్ని వేరియంట్‌లలో ఒకేలా ఉంటుంది.
సీట్ హైట్ పరంగా చూస్తే హోండా QC1 భారత మార్కెట్లో ప్రస్తుతం అత్యంత తక్కువ ఎత్తు కలిగిన ఎలక్ట్రిక్ స్కూటర్‌గా నిలుస్తోంది. అలాగే TVS iQube, Bajaj Chetak, Suzuki e-Access వంటి మోడళ్లు కూడా తక్కువ ఎత్తు ఉన్న రైడర్లకు, మహిళలకు మంచి ఎంపికలుగా చెప్పవచ్చు. ఎలక్ట్రిక్ స్కూటర్ కొనుగోలు చేసే ముందు రేంజ్, బ్యాటరీ సామర్థ్యం మాత్రమే కాకుండా సీట్ హైట్‌ను కూడా పరిశీలిస్తే రోజువారీ ప్రయాణం మరింత సౌకర్యవంతంగా ఉంటుంది.
ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
