Affordable Mileage Bikes: లీటరు పెట్రోల్ 70 కి.మీ దూసుకెళ్లే టూవీలర్స్‌! మంచి మైలేజ్ ఇచ్చి ధర తక్కువ ఉండే బైక్స్‌!

Affordable Mileage Bikes: మీరు తక్కువ బడ్జెట్‌లో మంచి మైలేజీ ఇచ్చే బైక్ కోసం చూస్తున్నట్లయితే ఇక్కడ బెస్ట్ ఆప్షన్‌లు ఉన్నాయి.

లీటరు పెట్రోల్ 70 కి.మీ దూసుకెళ్లే టూవీలర్స్‌! మంచి మైలేజ్ ఇచ్చి ధర తక్కువ ఉండే బైక్స్‌!

Source : Social Media

Show Quick Read

Key points generated by AI, verified by newsroom

• భారత మార్కెట్లో మంచి మైలేజీ, సరసమైన ధర బైక్‌లకు ఆదరణ.
• హోండా షైన్ 55 కిలోమీటర్ల మైలేజీతో ₹78,789 నుంచి లభిస్తుంది.
• హీరో ఎక్స్‌ట్రీమ్ 125R 66 కిలోమీటర్ల మైలేజీతో ₹89,000 నుంచి ప్రారంభం.
• హీరో HF డీలక్స్ 65 కిలోమీటర్ల మైలేజీతో ₹55,992 నుంచి లభిస్తుంది.
• హీరో స్ప్లెండర్ ప్లస్ 70 కిలోమీటర్ల మైలేజీతో ₹77,428 నుంచి లభిస్తుంది.
• హోండా SP 125 65 కిలోమీటర్ల మైలేజీతో ₹85,000 నుంచి అందుబాటులో ఉంది.

Affordable Mileage Bikes: భారత మార్కెట్లో ఎవరైనా కొత్త మోటార్ సైకిల్ కొనడానికి వెళ్ళినప్పుడల్లా, మొదట చూసేది దాని మైలేజీ. దీని ప్రస్తావనతోనే బైక్ కొనే ప్రక్రియ మొదలవుతుంది. ఇంకా, పెరుగుతున్న పెట్రోల్ ధరలతో, ప్రజలు అద్భుతమైన ఇంధన సామర్థ్యం, సరసమైన ధర రెండింటినీ బేరీజు వేసుకొని బైక్‌ కొనేందుకు ఆసక్తి చూపిస్తారు. దీని కోసం షోరూమ్‌ల చుట్టూ తిరుగుతుంటారు. ఆన్‌లైన్‌లో సెర్చ్ చేస్తుంటారు. మీ కోసం సింపుల్‌గా ఇక్కడ సరసమైన ధరలు, మంచి మైలేజీని అందించే టాప్ 5 సమర్థవంతంగా ఇంధనాన్ని పొదుపు చేసే బైక్‌ల గురించి చూద్దాం. 

హోండా షైన్ 

ఈ జాబితాలో మొదటి బైక్ హోండా షైన్, ఇది 123.94cc ఇంజిన్‌ను కలిగి ఉంది. ఈ ఇంజిన్ 10.63 hp శక్తిని, 11 Nm టార్క్‌ను ఉత్పత్తి చేస్తుంది. ఈ బైక్ 10.5-లీటర్ ఇంధన ట్యాంక్‌ను కలిగి ఉంది. ఢిల్లీలో ఈ బైక్ ఎక్స్-షోరూమ్ ధర ₹78,789 నుంచి ప్రారంభమై ₹83,148 వరకు ఉంటుంది. హోండా షైన్ లీటరుకు 55 కిలోమీటర్ల వరకు మైలేజీని అందిస్తుంది. 

హీరో ఎక్స్‌ట్రీమ్ 125R

రెండో బైక్ హీరో ఎక్స్‌ట్రీమ్ 125R. ఈ బైక్ ధరలు ₹89,000 నుంచి ప్రారంభమవుతాయి. లీటరుకు 66 కిలోమీటర్ల మైలేజీని అందించే ఈ బైక్, 125cc, ఎయిర్-కూల్డ్, ఫోర్-స్ట్రోక్ ఇంజిన్‌తో 11.4 bhp, 10.5 Nm టార్క్‌ను ఉత్పత్తి చేస్తుంది. ఈ బైక్‌లో 10-లీటర్ పెట్రోల్ ట్యాంక్ ఉంది. 

హీరో HF డీలక్స్ 

ఈ జాబితాలో ఉన్న మూడో బైక్, హీరో HF డీలక్స్, భారత్‌లోనే అత్యంత ప్రజాదరణ పొందిన ప్యూయల్‌ ఎఫిషియన్సీ బైక్‌లలో ఒకటి. 97.2cc ఇంజిన్‌తో నడిచే ఇది లీటరుకు 65 కిలోమీటర్ల వరకు మైలేజీని సులభంగా అందిస్తుంది. ఈ ఇంజిన్ 8.02 PS శక్తిని, 8.05 Nm టార్క్‌ను ఉత్పత్తి చేస్తుంది. ఈ బైక్  సిటీ, గ్రామీణ రోడ్లలో ప్రయాణాలకు మన్నికైన ఎంపికగా  చెబుతుంటారు. బైక్ ఎక్స్-షోరూమ్ ధర ₹55,992 నుంచి ప్రారంభమవుతుంది. 

హీరో స్ప్లెండర్ ప్లస్ XTEC

తదుపరి బైక్ హీరో స్ప్లెండర్ ప్లస్, ఇది చాలా సంవత్సరాలుగా భారత్‌లో నంబర్ వన్ బైక్‌గా కొనసాగుతూ ఉంది. ఈ బైక్ దాని స్ట్రాంగ్ బాడీ నిర్మాణం, మంచి మైలేజ్, చాలా తక్కువ నిర్వహణ ఖర్చులకు ప్రసిద్ధి చెందింది. స్ప్లెండర్ ప్లస్ లీటరుకు సుమారు 70 కిలోమీటర్ల మైలేజీని అందిస్తుంది. i3S టెక్నాలజీ ట్రాఫిక్‌లో ఇంధనాన్ని ఆదా చేయడంలో సహాయపడుతుంది. బైక్ ధరలు ₹77,428 నుంచి ప్రారంభమవుతాయి. 

హోండా SP 125

తదుపరి బైక్ హోండా SP 125, ఇది 123.94cc, 4-స్ట్రోక్, SI ఇంజిన్‌ను కలిగి ఉంది. ఈ ఇంజిన్ 10.87 PS శక్తిని, 10.9 Nm టార్క్‌ను ఉత్పత్తి చేస్తుంది. హోండా బైక్ 11.2-లీటర్  పెట్రోల్‌ ట్యాంక్ సామర్థ్యాన్ని కలిగి ఉంది. 65 kmpl మైలేజీని కలిగి ఉంది. ధరలు ₹85,000 నుంచి ప్రారంభమవుతాయి.                                    

మరిన్ని చదవండి

వాడకంలోనే కాదు, రీసేల్‌ విలువలోనూ టాప్‌: రూ.లక్ష లోపు బెస్ట్‌ టూ వీలర్లు

10 వేల డౌన్ పేమెంట్‌తో TVS Radeon కొనేయండి.. తక్కువ ధరతో అధిక మైలేజీ బైక్