Car Insurance: నీళ్లలో కారు మునిగిపోతే పొరపాటున కూడా ఈ తప్పులు చేయవద్దు, ఇన్సూరెన్స్ రాదు

Flood Car Repair Tips: వర్షపు నీటిలో కారు మునిగిపోయినప్పుడు పొరపాటున కూడా ఇంజిన్ స్టార్ట్ చేయవద్దు. హైడ్రోస్టాటిక్ లాక్, ఇన్సూరెన్స్ క్లెయిమ్ రిజెక్ట్ కాకుండా ఉండటానికి ఈ నిబంధనలను తెలుసుకోండి.

నీళ్లలో కారు మునిగిపోతే పొరపాటున కూడా ఈ తప్పులు చేయవద్దు

Source : Freepik

Show Quick Read

Key points generated by AI, verified by newsroom

• మునిగిన కారు ఇంజిన్ స్టార్ట్ చేస్తే, బీమా క్లెయిమ్ తిరస్కరణ.
• వాహనాన్ని నెట్టి, టో చేసి మాత్రమే నీటి నుండి బయటకు తీయాలి.
• నీరు తగ్గాక, కారు ఫోటోలు, వీడియోలు వెంటనే తీయండి.
• బీమాకు తెలియజేసి, అనుమతి లేకుండా మరమ్మతులు చేయవద్దు.

వర్ష కాలంలో పలు నగరాల్లో నీరు నిలిచిపోవడం తరచూ చూస్తుంటాం. దీనివల్ల రోడ్డుపై కారు నడపడం మీకు కష్టంగా మారుతుంది. కొన్ని చోట్ల ఎంతలా వర్షం పడుతుందంటే, ఆ ప్రాంతం మొత్తం వరద లాంటి పరిస్థితులు నెలకొంటాయి. దీని కారణంగా చాలా మందికి వాహనాన్ని పార్క్ చేయడంలో ఇబ్బంది సడతానే. కొన్నిసార్లు పార్క్ చేసిన వాహనమే నీటిలో మునిగిపోయే పరిస్థితులు సైతం ఉంటాయి. 

దీనివల్ల చాలా ఇబ్బందులు పడాల్సి వస్తుంది. ఒకవేళ మీ వాహనం వర్షపు నీటిలో మునిగిపోతే, కంపెనీ నుండి మీకు ఇన్సూరెన్స్ లభిస్తుందా లేదా అనేది తెలుసుకుందాం. అయితే, ఈ సమయంలో మీరు కూడా కొన్ని విషయాలను మీరు గుర్తుంచుకోవాలి, లేదంటే మీ ఇన్సూరెన్స్ రిజెక్ట్ కావచ్చు.

పొరపాటున కూడా కారు ఇంజిన్ స్టార్ట్ చేయవద్దు

వరద లేదా వర్షపు నీటిలో మునిగిన కారును చూడగానే చాలా మంది మొదటగా బండి ఆన్ చేసి ఇంజిన్ స్టార్ట్ చేస్తారు. కానీ కారు వెంటనే స్టార్ట్ అవ్వదు. అయినా ప్రజలు కారును స్టార్ట్ చేయడానికి ప్రయత్నిస్తూనే ఉంటారు. కారు నీటిలో మునిగి ఉన్నప్పుడు ఇంజిన్ స్టార్ట్ చేస్తే, నీరు నేరుగా సిలిండర్ లోపలికి వెళ్లిపోతుందని తెలుసుకోండి. 

దీనివల్ల ఇంజిన్ హైడ్రోస్టాటిక్ లాక్ (Hydrostatic lock) పడుతుంది. ఇన్సూరెన్స్ కంపెనీలు దీనిని డ్రైవర్ నిర్లక్ష్యంగా భావిస్తాయి. దీనివల్ల జరిగే భారీ నష్టానికి సంబంధించిన క్లెయిమ్‌ను వెంటనే రిజెక్ట్ చేస్తాయి. అందువల్ల ఎల్లప్పుడూ కారును నీటి నుండి బయటకు నెట్టడం ద్వారా లేదా టో (Tow) చేయడం ద్వారా మాత్రమే బయటకు తీయాలి. 

వెంటనే కారు ఫోటో తీయండి

నీరు తగ్గగానే, మొదటగా మొబైల్‌తో కారు కండీషన్ స్పష్టంగా చూపించే ఫోటోలు, వీడియోలు తీసుకోండి. నష్టం ప్రకృతి వైపరీత్యం వల్ల జరిగిందనడానికి ఇది మీ వద్ద ఉన్న బలమైన సాక్ష్యం.

ఆ తర్వాత వెంటనే మీ ఇన్సూరెన్స్ కంపెనీకి సమాచారం అందించాలి. ఆ కంపెనీ సర్వేయర్ వచ్చి వాహనాన్ని పరిశీలించే వరకు కారును ఏదైనా లోకల్ గ్యారేజ్‌లో విప్పి రిపేర్ చేయించడం లాంటి తప్పు మాత్రం చేయకండి. అధికారిక అనుమతి లేకుండా మీ అంతట మీరే పని ప్రారంభించడం వల్ల కంపెనీ మీ కారు ఇన్సూరెన్స్ క్లెయిమ్ పాస్‌ను రిజెక్ట్ చేయవచ్చు.

మరిన్ని చదవండి

కిలోమీటరుకు కేవలం ₹2.68 మాత్రమే ఖర్చయ్యే కార్లు ఇవే! నెలవారీలో ఎంత ఆదా అవుతుంది? 

ఈ ఐదు కార్లు రోజువారీ ఆఫీస్ వెళ్లేందుకు ఉత్తమమైనవి! పూర్తి వివరాలు ఇవే!