Budget Cars In India: ఫస్ట్ జాబ్ చేస్తున్న వారు కొనేందుకు 5 బెస్ట్ బడ్జెట్ కార్లు ఇవే..
Best Budget Cars: మీరు తొలిసారి జాబ్లో చేరినవారైతే ఫస్ట్ కారు కొనాలని చూస్తున్నారా.. కొనాలని చూస్తున్నట్లయితే, మీకు ఏ కారు అత్యంత సరసమైనదో తెలుసుకోవడం ముఖ్యం. ఆ వివరాలను తెలుసుకుందాం.
Budget Cars In India | భారత్లో గత ఏడాది సెప్టెంబర్ నెలలో కొత్త జీఎస్టీ స్లాబ్ అమలులోకి రావడంతో కార్ల ధరలు భారీగా దిగొచ్చాయి. తక్కువ బడ్జెట్ కార్లు కొనేందుకు ప్రజలు ఆసక్తి చూపుతున్నారు. జీఎస్టీ తగ్గించిన కారణంగా అత్యంత చౌకైన కార్ల జాబితాలో మార్పు వచ్చింది. జీఎస్టీ తగ్గింపు తర్వాత భారత్లో అత్యంత చౌకైన కారుగా మారుతి ఎస్-ప్రెస్సో (Maruti S-Presso) నిలిచింది. మారుతి ఎస్ ప్రెస్సో ప్రారంభ ధర రూ. 3.50 లక్షలకు చేరుకుంది. ఈ క్రమంలో మీరు మొదటి ఉద్యోగం చేస్తున్నా కూడా బడ్జెట్ ధరలో కారు కొనుగోలు చేయవచ్చు. దేశంలోని 5 చౌకైన కార్ల వివరాలు తెలుసుకుని కొనుగోలు చేయాలని నిపుణులు సూచిస్తున్నారు.
మారుతి ఎస్-ప్రెస్సో (Maruti S-Presso)
జీఎస్టీ తగ్గించాక మారుతి ఎస్-ప్రెస్సో దేశంలోనే అత్యంత చౌకైన కారుగా నిలిచింది. గతంలో ఈ కారు STD (O) వేరియంట్ ధర ₹4.26 లక్షలుగా ఉండేది. జీఎస్టీ రేట్లు తగ్గించిన తర్వాత అది రూ.3.49 లక్షలకు తగ్గింది. దీనివల్ల కస్టమర్లకు సుమారు రూ.76,600 డైరెక్ట్ లాభం చేకూరింది. ధరలో దాదాపు 18% తగ్గింపుతో, ఇది బడ్జెట్ సెక్టార్లో అత్యధిక డిమాండ్ ఉన్న కారుగా మారింది.
రెనాల్ట్ క్విడ్ (Renault Kwid)
రెనాల్ట్ క్విడ్ మూడవ స్థానంలో ఉంది. దీని 1.0 RXE వేరియంట్ గతంలో ₹4.69 లక్షలకు లభించేది. అయితే కొత్త ధర రూ. 4.29 లక్షలుగా ఉంది. దీని ద్వారా రెనాల్ట్ క్విడ్ కస్టమర్లకు సుమారు రూ.40,000 తగ్గింపు ప్రయోజనం లభిస్తోంది. SUV తరహా స్టైలింగ్తో ఇది బడ్జెట్ ఫ్రెండ్లీ ఆప్షన్గా నిలుస్తోంది.
మారుతి ఆల్టో కె10 (Maruti Alto K10)
తక్కువ ధర విషయంలో రెండో స్థానంలో మారుతి ఆల్టో కె10 ఉంది. దీని STD (O) వేరియంట్ ధర ₹4.23 లక్షల నుండి ₹3.69 లక్షలకు తగ్గింది, దీనివల్ల కస్టమర్లకు దాదాపు రూ.53,100 ఆదా అవుతోంది. ఆల్టో కె10 ఇప్పటికీ నమ్మకంతో పాటు తక్కువ ధర కారణంగా కస్టమర్ల ప్రజాదరణలో ముందుంటుంది.
టాటా టియాగో (Tata Tiago)
టాటా టియాగో నాలుగో స్థానంలో నిలిచింది. దీని XE వేరియంట్ ధర గతంలో రూ.4.99 లక్షలుగా ఉండగా, ప్రస్తుతం రూ. 4.57 లక్షలకు తగ్గింది. దీనివల్ల కస్టమర్లకు దాదాపు ₹42,500 ప్రయోజనం చేకూరింది. టియాగో తన పటిష్టమైన బిల్డ్ క్వాలిటీ, స్టైలిష్ లుక్ కారణంగా ఈ ధర వద్ద మంచి 'వాల్యూ ఫర్ మనీ' ఆప్షన్గా నిలుస్తోంది.
మారుతి సెలెరియో (Maruti Celerio)
ఆ తర్వాత తర్వాతి స్థానంలో మారుతి సెలెరియో ఉంది. ఇది కొత్తగా జాబ్లో చేరిన వారికి మంచి ఆప్షన్. దీని LXI వేరియంట్ ధర ఇప్పుడు రూ.4.69 లక్షలకు దిగొచ్చింది. దీనివల్ల కస్టమర్లకు సుమారు రూ. 94,100 ఆదా అయింది. ప్రస్తుతం ఎస్యూవీ విభాగం కార్లకు డిమాండ్ పెరుగుతున్నప్పటికీ.. తమ ఫస్ట్ కార్ కల నేర్చుకునేందుకు తక్కువ బడ్జెట్ కోసం చూస్తున్న వారు సైతం అదే స్థాయిలో పెరుగుతున్నారు.
టాప్ హెడ్ లైన్స్
ట్రెండింగ్ వార్తలు
