TVS Radeon నుంచి Hero HF 100 వరకు ఫుల్ట్యాంకుతో 750 కి.మీ రేంజ్.. రూ.60 వేలకే 5 బెస్ట్ మైలేజ్ బైక్స్
TVS Radeon నుండి Hero HF 100 వరకు కేవలం 60 వేల బడ్జెట్లో అత్యధిక మైలేజీ ఇచ్చే ఈ టాప్ 5 బైకులు జాబ్ చేసే వారికి ఫ్యూయల్ ఖర్చులను తగ్గిస్తాయి. వీటి ధర, మైలేజీ తెలుసుకోండి.
మీరు ప్రతిరోజూ ఆఫీస్, బిజినెస్, లేదా కాలేజీకి వెళ్లే వారైనా అత్యధిక మైలేజీ బైక్స్ ద్వారా మీ ఫ్యూయల్ ఖర్చులు తగ్గించుకోండి. భారత మార్కెట్లో బడ్జెట్ ధరలో మీకు పలు బైక్స్ అందుబాటులో ఉన్నాయి. ఎంట్రీ లెవల్ కమ్యూటర్ సెగ్మెంట్లోని బైక్లు లీటరుకు 65 నుండి 80 కిలోమీటర్ల వరకు మైలేజీ ఇస్తున్నాయి. వీటి తక్కువ ధర, తక్కువ మెయింటెనెన్స్ ఖర్చు, మెరుగైన ఇంధన సామర్థ్యం కారణంగా ఈ బైక్లను మిడిల్ క్లాస్ వారు ఎక్కువగా కొనుగోలు చేస్తున్నారు. రూ. 60,000 ధరలో లభించే టాప్-5 బైక్ల గురించి ఇప్పుడు తెలుసుకుందాం.
టీవీఎస్ స్పోర్ట్ (TVS Sport)
TVS స్పోర్ట్ బైక్ బెస్ట్ మైలేజ్, తక్కువ బరువు వల్ల కస్టమర్లు కొనుగోలు చేయడానికి ఇష్టపడుతున్నారు. దీని ఎక్స్-షోరూమ్ ధర సుమారు రూ.55,500 నుండి ప్రారంభమై ₹58,600 వరకు ఉంటుంది. ఈ బైకులో 109.7cc ఇంజన్ ఉంది. ఇది లీటరుకు 70 నుండి 80 కిలోమీటర్ల వరకు మైలేజీని ఇస్తుంది. 10 లీటర్ల ఫ్యూయల్ ట్యాంక్ ఫుల్ చేస్తే, టీవీఎస్ బైక్ సుమారు 750 కిలోమీటర్ల వరకు ప్రయాణిస్తుంది. పొడవైన, సౌకర్యవంతమైన సీటు ఈ బైకును రోజువారీ వినియోగానికి బెస్ట్గా మారుస్తుంది.
TVS Radeon
TVS రేడియన్ బైక్ 109.7cc ఇంజన్తో వస్తుంది. ఈ బైక్ లీటరుకు 65 నుండి 73 కిలోమీటర్ల మైలేజీని ఇస్తుంది. బైక్ ధర రూ.55,400 నుండి రూ. 59,800 మధ్య ఉంటుంది. స్ట్రాంగ్ బిల్డ్ క్వాలిటీ, మెరుగైన సస్పెన్షన్, USB ఛార్జర్ వంటి ఫీచర్లు దీనిని రూరల్, సిటీ ప్రాంతాల్లో నడిపేందుకు అనుకూలంగా ఉంటుంది. లాంగ్ జర్నీకి కూడా ఇది సౌకర్యవంతంగా ఉంటుంది.
Hero HF Deluxe
హీరో హెచ్ఎఫ్ డీలక్స్ ధర రూ.56,742 నుండి ప్రారంభమై 59,992 రూపాయల వరకు ఉంటుంది. ఇందులో 97.2cc ఇంజన్ ఉంది. ఇది i3S టెక్నాలజీతో వస్తుంది. ట్రాఫిక్లో ఫ్యూయల్ ఆదా చేయడంలో ఈ టెక్నాలజీ దోహదం చేస్తుంది. ఈ బైక్ లీటరుకు 65 నుండి 70 కిలోమీటర్ల మైలేజీ ఇస్తుంది. ఈ బైక్, తక్కువ సర్వీస్ ఖర్చు, మెరుగైన పనితీరుతో కస్టమర్ల నమ్మకాన్ని చూరగొంది.
Hero HF 100
హీరో హెచ్ఎఫ్ 100 భారత్లోని అత్యంత చౌకైన బైక్లలో ఒకటిగా భావిస్తారు. దీని ధర సుమారు రూ.59,489. ఈ బైక్ 97.2cc ఇంజన్తో వస్తుంది, సుమారు 70 కిలోమీటర్ల మైలేజీని ఇస్తుంది. సింపుల్ డిజైన్, తక్కువ మెయింటెనెన్స్ ఖర్చు దీనిని రోజువారీ ఆఫీసు, బిజినెస్ జర్నీ కోసం బెస్ట్ ఎంపికగా మారుస్తాయి.
టీవీఎస్ ఎక్స్ఎల్100 (TVS XL100 Heavy Duty)
TVS XL100 హెవీ డ్యూటీ అనేది ఒక మోపెడ్ కాగా, దీని ధర ₹44,550 నుండి 59,150 ర మధ్య ఉంటుంది. ఇందులో 99.7cc ఇంజన్ వస్తుంది. ఇది 65 నుండి 80 కిలోమీటర్ల మైలేజీని ఇస్తుంది. రూరల్ ఏరియాలో ఇది ఎక్కువగా కొంటున్నారు. ఎందుకంటే ఇది బరువుగా ఉన్న సామాన్లను కూడా సులభంగా మోయగలదు.
మీరు రూ. 60,000 బడ్జెట్లో ఎక్కువ మైలేజ్, లాంగ్ రేంజ్ కోరుకుంటే, TVS స్పోర్ట్, TVS XL100 హెవీ డ్యూటీ బెస్ట్ ఛాయిస్గా ఉన్నాయి. అదే సమయంలో, నమ్మకం, తక్కువ మెయింటెనెన్స్ కోసం హీరో హెచ్ఎఫ్ డీలక్స్, హెచ్ఎఫ్ 100 కూడా కస్టమర్లకు బెస్ట్ అని నిరూపించుకున్నాయి.
టాప్ హెడ్ లైన్స్
ట్రెండింగ్ వార్తలు
