ఏడాదికి ఒక్కసారి మాత్రమే సర్వీస్, 200 KM రేంజ్‌తో రాబోతున్న Ather Konarc

Ather Konarc: ఏథర్ ఎనర్జీ మొత్తం 6 వేరియంట్లలో ఏథర్ కోణార్క్ తీసుకురానుంది. SR1, SR2, SR3, SR4 ఉంటాయని భావిస్తున్నారు. గరిష్టంగా 200 కి.మీ రేంజ్ ఇస్తుందని కంపెనీ తెలిపింది.

200 KM రేంజ్‌తో రాబోతున్న Ather Konarc

Source : Ather Konarc

Show Quick Read

Key points generated by AI, verified by newsroom

• అథర్ కోనార్క్ ఆగస్టు 29న, తక్కువ ధరలో విడుదల కానుంది.
• ఆరు వేరియంట్లలో 200 కి.మీల రేంజ్, బిల్ట్-ఇన్ ఛార్జర్.
• నగర ప్రయాణాలకు సౌకర్యం, వార్షిక సర్వీసింగ్, Airwalk ఫీచర్.

ఎలక్ట్రిక్ స్కూటర్ కొనాలని చూస్తున్న వారి కోసం Ather Energy త్వరలోనే ఒక నూతన మోడల్‌ను తీసుకురాబోతోంది. ఇది కంపెనీ ప్రస్తుత స్కూటర్లతో పోలిస్తే మరింత అందుబాటు ధరలో ఉంటుంది. కంపెనీ కొత్త Ather Konarc 29 ఆగస్టున Ather Annual Community Day సందర్భంగా లాంచ్ చేయనున్నారు. దీనిని కంపెనీకి చెందిన 450 సిరీస్, ఫ్యామిలీ స్కూటర్ Rizta కంటే తక్కువ ధర కలిగిన మోడల్‌గా అందుబాటులోకి తేనున్నారు. లాంచ్‌కు ముందే దీని బ్యాటరీ, రేంజ్, ఛార్జింగ్, సర్వీస్‌కు సంబంధించిన వివరాలు వెల్లడయ్యాయి.

ఈ స్కూటర్ ఎన్ని వేరియంట్లలో రానుంది

Ather Konarcను కంపెనీ ప్రస్తుతం Ather 450 సిరీస్ ప్రధానంగా స్పోర్టీ, ప్రీమియం ఎలక్ట్రిక్ స్కూటర్లకు పేరుగాంచగా, Riztaను ఫ్యామిలీ వినియోగదారుల కోసం తీసుకొచ్చింది. Konarc ద్వారా ఎక్కువ బడ్జెట్ ఉన్న వినియోగదారులను చేరుకోవడానికి కంపెనీ ప్రయత్నిస్తోంది. దీనిని Ather నూతన EL ప్లాట్‌ఫారమ్‌పై రూపొందించనున్నారు.

లీకైన వివరాల ప్రకారం, Ather Konarcను మొత్తం 6 వేరియంట్లలో తీసుకురావచ్చు. వీటిలో 4 వేరియంట్లు SR1, SR2, SR3, SR4 కాగా, ఎక్కువ ఫీచర్లు ఉండే రెండు వేరియంట్లు QR2, QR3 కావచ్చు. దీనివల్ల Konarc మోడల్ TVS iQube, Bajaj Chetakతో పాటు Hero Vida VX2 వంటి ఎలక్ట్రిక్ స్కూటర్లకు గట్టి పోటీ ఇవ్వనుంది

200 KM వరకు రేంజ్ 

Ather Konarc అతిపెద్ద ప్రత్యేకత దాని రేంజ్. ఇందులో కంపెనీ కొత్త Bedrock బ్యాటరీని అందించనుంది. వేర్వేరు వేరియంట్లలో వేర్వేరు బ్యాటరీ లేదా రేంజ్ ఆప్షన్లు లభించవచ్చు. లీకైన సమాచారం ప్రకారం Konarc మోడల్ 100KM, 125KM, 160KM, 200KM వరకు క్లెయిమ్ చేసిన రేంజ్ ఆప్షన్లలో అందుబాటులోకి రావచ్చు. నగరంలో తక్కువ దూరం ప్రయాణించే వారికి, ఎక్కువ ప్రయాణం చేసే వారు సుదీర్ఘ రేంజ్ మోడల్‌ను ఎంచుకోవచ్చు.

ఇక్కడ 200KM అనేది క్లెయిమ్ చేసిన రేంజ్ అని గ్రహించాలి. వాస్తవ పరిస్థితులలో డ్రైవింగ్ శైలి, వేగం, ట్రాఫిక్, రోడ్డు పరిస్థితి, బరువు , వాతావరణం వంటి పలు అంశాల వల్ల రియల్ రేంజ్ కాస్త తగ్గవచ్చు. ప్రస్తుతం బ్యాటరీ కెపాసిటీ వివరాలు బయటకు రాలేదు. Ather కొత్త EL ప్లాట్‌ఫారమ్ 2kWh నుండి 5kWh వరకు బ్యాటరీలకు సపోర్ట్ చేయగలదు.

ఛార్జింగ్ కూడా సులభం

Konarcలో ఛార్జింగ్‌ను ఈజీ చేయడానికి 450W బిల్ట్-ఇన్ ఛార్జర్‌ను అందించనున్నారు. స్కూటర్‌ను ఇంటి సాకెట్ ద్వారా ఛార్జ్ చేయవచ్చు, ప్రత్యేకంగా ఎక్స్‌టర్నల్ ఛార్జర్‌ను వెంట తీసుకెళ్లాల్సిన అవసరం ఉండదు. మరొక 450W ఛార్జర్ ఆప్షన్ కూడా లభించవచ్చు. రెండింటినీ కలిపి ఉపయోగించినప్పుడు మొత్తం ఛార్జింగ్ కెపాసిటీ 900W వరకు చేరుతుంది. ఈ స్కూటర్ 0 నుండి 80 శాతం వరకు ఛార్జ్ కావడానికి సుమారు 2 గంటల సమయం పట్టవచ్చు. అయితే రియల్ ఛార్జింగ్ సమయం బ్యాటరీ వేరియంట్, ఛార్జర్, ఉష్ణోగ్రత ఆధారంగా మారవచ్చు.

Ather Konarcలో కంపెనీ తన ప్రస్తుత స్కూటర్ల కంటే విభిన్నంగా ట్యూన్ చేసిన మోటార్‌ రావొచ్చు. రిపోర్టుల ప్రకారం దీని మోటార్ మరింత నిశ్శబ్దంగా పనిచేసేలా రూపొందించారు. వేగవంతమైన యాక్సిలరేషన్ కంటే రోజువారీ నగర ప్రయాణాలకు స్మూత్, సౌకర్యవంతమైన రైడింగ్ అందించడమే దీని లక్ష్యం. దీనివల్ల ఫ్యామిలీ, రోజూ ప్రయాణించే వినియోగదారులకు ఈ స్కూటర్ చాలా హెల్ప్ అవుతుంది. 

ఇందులో Airwalk ఫీచర్ ఉండే అవకాశం ఉంది. ఈ ఫీచర్ స్కూటర్‌ను మ్యాన్యువల్‌గా ముందుకు, వెనుకకు జరపడానికి సహాయపడుతుంది. బరువైన ఎలక్ట్రిక్ స్కూటర్‌ను పార్కింగ్‌లో జరపడానికి లేదా ఇరుకైన చోట బయటకు తీయడానికి ఈ ఫీచర్ ఎంతో అవసరం.

ఏడాదికి ఒక్కసారి మాత్రమే సర్వీస్?

Ather Konarc స్కూటర్‌ను 10,000 కిలోమీటర్లు తిరిగిన తర్వాత లేదా ఏడాదికి ఒకసారి (ఏది ముందయితే అది) సర్వీస్ చేయించాల్సి రావచ్చు. Konarc అనేది Ather మాస్-మార్కెట్ వ్యూహంలో అత్యంత కీలకమైన మోడల్. కంపెనీ ఇప్పటివరకు ప్రీమియం ఎలక్ట్రిక్ స్కూటర్ విభాగంలో గురింపు తెచ్చుకుంది. Konarc ద్వారా Ather బ్రాండ్, టెక్నాలజీని కోరుకుంటూ, 450 సిరీస్ లేదా Riztaపై ఎక్కువ ఖర్చు చేయకూడదనుకునే కస్టమర్లను ఆకట్టుకోనుంది. 

మరిన్ని చదవండి

పెట్రోల్‌ రేట్ల దెబ్బకి జూన్‌లో పెరిగిన ఎలక్ట్రిక్‌ స్కూటర్‌ అమ్మకాలు - పోటీ గట్టిగానే ఉంది బాసూ!

కొత్త కలర్‌ కాంబినేషన్‌తో Ather 450X ఓవర్‌టోన్‌ సిరీస్‌ - చూపు తిప్పుకోనివ్వని స్టైల్‌!