Vizianagaram News: తనిఖీల పేరుతో అసభ్యకర చర్యలు... పరీక్షలు బహిష్కరించిన విద్యార్థులు

విద్యార్థుల పట్ల ఓ ఉపాధ్యాయుడు అసభ్యంగా ప్రవర్తించాడని పరీక్షలు బహిష్కరించారు విద్యార్థులు. గుమ్మలక్షీపురంలో జరిగిన ఈ సంఘటన ఇప్పుడు విజయనగరం వ్యాప్తంగా చర్చనీయాంశంగా మారింది.

గుమ్మలక్షీపురంలో ఆందోళన చేస్తున్న విద్యార్థులు

గుమ్మలక్ష్మీపురంలోని డిగ్రీకళాశాలలో కొన్ని రోజులుగా పరీక్షలు జరుగుతున్నాయి. రోజూ విద్యార్థులంతా వచ్చి పరీక్షలు రాస్తున్నారు. వారిని తనిఖీల పేరుతో కళాశాల ఇన్విజిలేటర్లు వికృత చేష్టలకు పాల్పడుతున్నారని విద్యార్థులు ఆరోపణలు చేస్తున్నారు. 

రెండు రోజులుగా పరీక్షలకు వచ్చే టైంలో కొందరు అసభ్యంగా ప్రవర్తిస్తున్నారని విద్యార్థుల ఆరోపణలు. ఒంటిపై చేతులు వేసి ప్రైవేట్‌ పార్ట్స్‌ టచ్‌ చేస్తున్నారని బోరుమంటున్నారు. స్లిప్‌లు ఉన్నాయేమో అంటూ అనుమానం వ్యక్తం చేస్తూ డ్రెస్‌ విప్పి చూపించాలని ఒత్తిడి చేస్తున్నారని ఆవేదన వ్యక్తం చేస్తున్నారు.

ఒకరిద్దరికే ఇలా జరుగుతుందని ఎవరికి వారు రెండు రోజుల నుంచి ఈ వికృత చేష్టలు భరించామని... కానీ అందిరికీ జరుగుతుందని తెలిసి ఇవాళ రోడ్డు మీదకు వచ్చామంటున్నారు విద్యార్థలు. వేధింపులు ఎక్కువయ్యేసరికి విద్యార్థులంతా పరీక్షలు బహిష్కరించారు. విద్యార్థిని విద్యార్థులంతా కళాశాల బయట ఆందోళన చేపట్టారు. 

విద్యార్థులను మానసికంగా, లైంగికంగా వేధిస్తున్న వైస్ ప్రిన్సిపాల్ రామయ్యను తొలగించాలని డిమమాండ్ చేశారు. ఆయనపై చర్యలు తీసుకునే వరకు పరీక్షలు రాయమని పట్టుపట్టారు. ఈ సంఘటన జిల్లా వ్యాప్తంగా సంచలనంగా మారింది.

కళాశాల వద్ద ఆందోళన చేపట్టిన విద్యార్థులు.. ర్యాలీగా ఎమ్మార్వో కార్యాలయానికి వెళ్లి తహసిల్దార్‌కు వినతి పత్రం అందజేశారు. గత మూడు రోజులుగా డిగ్రీ మొదటి ఏడాది సెకండ్ సెమిస్టర్ పరీక్షలు రాస్తున్నామని..రోజూ ఇలాంటి వేధింపులు ఎక్కువయ్యాకే రోడ్డుపైకి వచ్చామన్నారు కురుపాం వైరిచర్ల డిగ్రీ కళశాలకు చెందిన విద్యార్థులు. 

Also Read: Item Songs of the Year 2021: సెక్సీ లేడీస్... ఐటమ్ సాంగ్స్ అదుర్స్!
Also Read: మ‌హేష్‌తో సినిమా... స్క్రిప్ట్ సిట్టింగ్స్ గురించి రాజ‌మౌళి రియాక్ష‌న్‌!
Also Read: యువరానర్... వీళ్లే ఈ ఏడాది ఆన్-స్క్రీన్ లాయర్స్!

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి