Nagababu: మీ మాటలు మీకైనా కామెడీగా అనిపించట్లేదా? కాస్త కామన్ సెన్స్ యాడ్ చేస్కోండి - నాగబాబు దిమ్మతిరిగే కౌంటర్
Janasena News: సబ్ కలెక్టర్ ఆఫీసులో రికార్డుల దగ్ధం వెనక మాజీ మంత్రి పెద్దిరెడ్డి హస్తం ఉందని ఆరోపణలు ఉన్న సంగతి తెలిసిందే. దానిపై జగన్ మాట్లాడిన తీరు ప్రస్తుతం ట్రోల్ అవుతోంది.
Nagababu on YS Jagan comments: మదనపల్లె సబ్ కలెక్టరేట్ లో జరిగిన అగ్ని ప్రమాదం వ్యవహారంలో వైసీపీ అధినేత వైఎస్ జగన్ చేసిన వ్యాఖ్యలపై జనసేన నేత నాగబాబు స్పందించారు. జగన్ వ్యాఖ్యలను కామెడీ అని ఎద్దేవా చేశారు. కనీసం వాటికి కాస్త కామన్ సెన్స్ యాడ్ చేయండి అంటూ నాగబాబు హితవు పలికారు. ఈ మేరకు జగన్ ను ఉద్దేశించి నాగబాబు ఎక్స్ ద్వారా ఓ పోస్టు చేశారు.
‘‘చిన్నప్పుడు నా బలపం కొట్టేసాడు, నా పెన్సిల్ విరకొట్టాడు, నన్ను గిల్లాడు అని పెద్దయ్యాక పగ తీర్చుకుంటారా ఎవరైనా... ఈ మతిలేని మాటలు ఏంటసలు? మీకు సలహాలెవరిస్తున్నారు స్వామి.. మీరు మాట్లాడేది మీకైనా కామెడిగా లేదా? ఇతన్నేనా మనం 2019-2024 వరకు సీఎంగా ఎన్నుకున్నది అని ప్రజలు షాక్ లో ఉన్నారు.. ఇకనైనా మీరు చేసే వ్యాఖ్యలకి కొంచెం కామన్ సెన్స్ యాడ్ చేయండి వైసీపీ ఎమ్మెల్యే జగన్ గారు’’ అని నాగబాబు ఎక్స్‌లో పోస్టు చేశారు.
చిన్నప్పుడు
— Naga Babu Konidela (@NagaBabuOffl) July 27, 2024
నా బలపం కొట్టేసాడు,
నా పెన్సిల్ విరకొట్టాడు,
నన్ను గిల్లాడు అని పెద్దయ్యాక పగ తీర్చుకుంటారా ఎవరైన...
ఈ senseless statements ఏంటసలు..?
మీకు సలహాలెవరిస్తున్నారు స్వామి
మీరు మాట్లాడేది మీకైన కామెడిగా లేదా,
ఇతన్నేనా మనం 2019-2024 వరకు సిఎం గా ఎన్నుకున్నది అని ప్రజలు షాక్…
సబ్ కలెక్టర్ ఆఫీసులో రికార్డుల దగ్ధం కావడానికి మాజీ మంత్రి పెద్దిరెడ్డి కారణమని ఆరోపణలు వినిపిస్తున్నాయి. ఈ క్రమంలో వైసీపీ అధినేత జగన్ మోహన్ రెడ్డి సంచలన వ్యాఖ్యలు చేశారు. పెద్దిరెడ్డి అంటే చంద్రబాబుకు అస్సలు పడదని అన్నారు. వారు ఇద్దరూ క్లాస్ మేట్స్ అని.. ఇద్దరూ కాలేజీలో చదువుకునే సమయంలో చంద్రబాబును పెద్దిరెడ్డి కొట్టారని జగన్ అన్నారు. అందువల్లే పగ బట్టి ఇప్పుడు చంద్రబాబు పెద్దిరెడ్డిపై ప్రతీకారం తీర్చుకుంటున్నారని జగన్ వ్యాఖ్యలు చేశారు. దీంతో జగన్ చేసిన ఆ వ్యాఖ్యలు విపరీతంగా ట్రోల్ అవుతున్నాయి. జగన్ పైన సోషల్ మీడియాలో నెటిజన్లు, ప్రత్యర్థి పార్టీల నేతలు, ప్రముఖులు సెటైర్లు వేస్తున్నారు.
టాప్ హెడ్ లైన్స్
ట్రెండింగ్ వార్తలు
