Fire Accident: స్టేషన్‌ఘన్‌పూర్లో నడిరోడ్డుపై మంటల్లో కాలిపోయిన బస్సు

జనగామ జిల్లా స్టేషన్‌ఘన్‌పూర్‌ మండల కేంద్రంలోని బస్టాండ్‌ వద్ద ఆర్టీసీ బస్సు మంటల్లో చిక్కుకుని పూర్తిగా దగ్ధమైంది. హన్మకొండ నుంచి హైదరాబాద్‌కు 30 మందితో వెళ్తున్న సూపర్​ లగ్జరీ బస్సులో ఒక్కసారిగా మంటలు చెలరేగాయి. బస్సు వెనక భాగంలో మంటలు రావటాన్ని గమనించిన డ్రైవర్​.. వెంటనే ఆప్రమత్తమై బస్సును పక్కన ఆపేశాడు. హుటాహుటిన ప్రయాణికులందరినీ కిందికి దించేశాడు. క్షణాల్లోనే మంటలు బస్సును ఆవహించాయి. అగ్నిమాపక సిబ్బంది ఘటనా స్థలికి చేరుకుని మంటలు ఆర్పేశారు. ఈ ప్రమాదంలో ఎవ్వరికీ ఎలాంటి హానీ జరగకపోవటం వల్ల పెద్ద ప్రమాదమే తప్పినట్టైంది. షార్ట్‌సర్క్యూట్‌ కారణంగానే ప్రమాదం సంభవించిందని అధికారులు చెబుతున్నారు.