South Africa Coach Shocking Comments on Abhishek | అభిషేక్ శర్మపై ప్రోటీస్ కోచ్ షాకింగ్ కామెంట్స్

ఐసీసీ టీ20 ప్రపంచకప్ 2026లో ( T20 World Cup 2026 ) టీమిండియా జోరు కొనసాగుతోంది. వరుస విజయాలతో దూసుకుపోతున్న భారత్, ఇప్పుడు సూపర్-8లో భాగంగా సౌతాఫ్రికాతో తలపడనుంది. ఈ కీలక మ్యాచ్‌కు ముందు సౌతాఫ్రికా హెడ్ కోచ్ షుక్రి కాన్రాడ్ ( Shukri Conrad ) ఆసక్తికర వ్యాఖ్యలు చేశారు. డిఫెండింగ్ ఛాంపియన్‌గా బరిలోకి దిగుతున్న భారత్‌పైనే విపరీతమైన ఒత్తిడి ఉంటుందని ఆయన అన్నారు. "ఒత్తిడిలో ఏ జట్టు అయినా బలహీనపడుతుంది, ఆ అవకాశాన్ని మేము క్యాష్ చేసుకుంటాం" అని కాన్రాడ్ ధీమా వ్యక్తం చేశారు.

ముఖ్యంగా భారత యువ ఓపెనర్ అభిషేక్ శర్మ ( Abhishek Sharma ) ఫామ్‌పై సెటైర్లు వేశారు. వరుసగా మూడు మ్యాచ్‌ల్లో డకౌట్ అయిన అభిషేక్, జట్టులో తన స్థానం గురించి పడే ఒత్తిడి కంటే, దేశం పెట్టుకున్న అంచనాలే భారత్‌కు పెద్ద భారమని ఆయన వ్యాఖ్యానించారు.

అభిషేక్ శర్మ ఫామ్ కోల్పోయినప్పటికీ, టీమిండియా మేనేజ్‌మెంట్ అతనికి పూర్తి మద్దతు ఇస్తోంది. అతను వరల్డ్ నంబర్ వన్ బ్యాటర్ అని, కీలక సమయంలో ఖచ్చితంగా రాణిస్తాడని ఆశాభావం వ్యక్తం చేస్తోంది. గతేడాది సౌతాఫ్రికాపై 3-1తో సిరీస్ గెలిచిన రికార్డు భారత్ వైపు ఉన్నా, ప్రపంచకప్‌లో పరిస్థితులు వేరని షుక్రి కాన్రాడ్ గుర్తు చేశారు.

క్వింటన్ డికాక్ ( Quinton de Kock ), మార్క్‌రమ్, స్టబ్స్ వంటి హిట్టర్లతో సౌతాఫ్రికా బ్యాటింగ్ దళం బలంగా ఉండగా.. కేశవ్ మహారాజ్ ( Keshav Maharaj ), జార్జ్ లిండేలతో స్పిన్ విభాగం పటిష్టంగా ఉంది. అయితే, అహ్మదాబాద్ హోమ్ గ్రౌండ్ అడ్వాంటేజ్‌తో టీమిండియా ఫేవరెట్‌గా కనిపిస్తోంది. మరి ఈ సూపర్-8 పోరులో విజయం ఎవరిని వరిస్తుందో చూడాలి.