Shreyas Iyer as New India's T20 Captain? | టీమిండియా కొత్త T20 కెప్టెన్‌గా శ్రేయస్ అయ్యర్

టీమిండియాకు ఐసీసీ టీ20 ప్రపంచకప్‌ 2026 అందించి, చరిత్ర సృష్టించిన కెప్టెన్ సూర్యకుమార్ యాదవ్‌పై భారత సెలెక్టర్లు వేటు వేసినట్లు తెలుస్తోంది. వరల్డ్ కప్ గెలిపించినప్పటికీ, సూర్యను కెప్టెన్సీ బాధ్యతల నుంచి తప్పించేందుకు అజిత్ అగార్కర్ సారథ్యంలోని సెలెక్షన్ కమిటీ సిద్ధమైందని సమాచారం.

గడిచిన ఏడాది కాలంగా సూర్యకుమార్ యాదవ్ ఫామ్‌ లేక ఇబ్బంది పడుతున్నాడు. టీమ్ ఫ్యూచర్ ను దృష్టిలో ఉంచుకునే బీసీసీఐ ఈ కఠిన నిర్ణయం తీసుకుందని తెలుస్తుంది. రాబోయే ఐర్లాండ్‌, ఇంగ్లండ్‌ టీ20 సిరీస్‌ల్లో సూర్యకు అసలు చోటు కూడా దక్కే అవకాశం లేదట. కొత్త కెప్టెన్ గా స్టార్ బ్యాటర్ శ్రేయస్ అయ్యర్‌ ను సెలెక్ట్ చేశారట. గతంలో సూర్య ఆడిన 4వ నంబర్ స్థానంలో అయ్యర్ బ్యాటింగ్‌కు రానున్నాడు. అలాగే యువ బ్యాటర్ తిలక్ వర్మను వైస్ కెప్టెన్‌గా నియమించనున్నారు. వరల్డ్ కప్‌లో వైస్ కెప్టెన్‌గా ఉన్న అక్షర్ పటేల్‌ను ఈసారి పక్కన పెట్టె అవకాశం ఉంది.

ప్రస్తుతం వన్డే జట్టు వైస్ కెప్టెన్‌గా ఉన్న శ్రేయస్ అయ్యర్, ఐపీఎల్ 2024లో కేకేఆర్‌కు టైటిల్ అందించాడు. తాజా సీజన్‌లో పంజాబ్ కింగ్స్ తరఫున 14 మ్యాచ్‌ల్లో 498 పరుగులు చేసి సూపర్ ఫామ్‌లో ఉన్నాడు. మరి వరల్డ్ కప్ గెలిచిన కెప్టెన్‌ను ఇలా ఫామ్ లేదని తప్పించడం ఎంతవరకు కరెక్ట్? కామెంట్ చేయండి.