Rajasthan Royals vs Gujarat Titans IPL 2026 | రాజ‌స్థాన్ రాయల్స్ థ్రిల్లింగ్ విక్ట‌రీ

IPL 2026 సీజ‌న్ లో రాజ‌స్థాన్ రాయ‌ల్స్ వ‌రుస‌గా రెండో విజ‌యాన్ని సాధించింది. గుజ‌రాత్ టైటాన్స్ పై 6 ప‌రుగుల‌తో గెలుపొందింది. టాస్ గెలిచి ఫ‌స్ట్ బ్యాటింగ్ చేసిన రాయ‌ల్స్ 20 ఓవ‌ర్ల‌లో 6 వికెట్ల‌కు 210 ప‌రుగులు చేసింది. ధ్రువ్ జురేల్ స్ట‌న్నింగ్ సూపర్ ఇన్నింగ్స్ ఆడాడు. 42 బంతుల్లో 75 పరుగులు చేసి టాప్ స్కోర‌ర్ గా నిలిచాడు.  బౌల‌ర్ల‌లో క‌గిసో ర‌బాడ‌కు 2 వికెట్లు ద‌క్కాయి. 

అనంత‌రం ఛేజింగ్ లో బ్యాటింగ్ వైప‌ల్యంతో గుజ‌రాత్ ఓట‌మిపాలు కాక త‌ప్ప‌లేదు. 20 ఓవ‌ర్ల‌లో 8 వికెట్ల‌కు 204 ప‌రుగుల‌కు మాత్ర‌మే ప‌రిమిత‌మైంది. భారీ టార్గెట్ తో బ‌రిలోకి దిగిన గుజ‌రాత్ కు ఓపెన‌ర్లు సుదర్శ‌న్, కుమార్ కుశాగ్ర మంచి ఆరంభాన్నిచ్చారు. సుద‌ర్శ‌న్ బౌండ‌రీల‌తో రెచ్చిపోవ‌డంతో ప‌వ‌ర్ ప్లే ముగిసేస‌రికి 56 ప‌రుగుల‌ను సాధించింది. అయితే జోరుగా సాగుతున్న ఈ జోడీని రాయ‌ల్స్ కెప్టెన్ రియాన్ ప‌రాగ్ విడ‌దీశాడు. భారీ షాట్ కు ప్ర‌య‌త్నించిన కుశాగ్ర‌, షిమ్రాన్ హిట్మెయ‌ర్ ప‌ట్టిన క్యాచ్ కు ఔట‌య్యాడు. దీంతో 78 ప‌రుగుల తొలి వికెట్ భాగ‌స్వామ్యానికి తెర‌ప‌డింది. 

ఆ తర్వాత వరుసగా వికెట్స్ పడ్డాయి. ఎనిమిదో వికెట్ కు 30 బంతుల్లోనే 43 ప‌రుగులు జోడించ‌డంతో మ్యాచ్ ఉత్కంఠ‌గా మారింది. అయితే చివ‌రి ఓవ‌ర్ ను తుషార్ దేశ్ పాండే అద్భుతంగా బౌలింగ్ చేసి రాజ‌స్తాన్ ను గెలిపించాడు.