IPL 2026 Jofra Archer Death Overs RR vs GT | 19వ ఓవర్ లో జోఫ్రా ఆర్చర్ మ్యాజిక్

ఐపీఎల్ 2026లో రాజస్థాన్ రాయల్స్ విజయం బాటలో నడుస్తుంది. గుజరాత్ టైటాన్స్‌తో జరిగిన ఉత్కంఠభరిత పోరులో 6 పరుగుల తేడాతో విజయం సాధించి, వరుసగా రెండో గెలుపును నమోదు చేసింది. 211 పరుగుల భారీ లక్ష్యంతో బరిలోకి దిగిన గుజరాత్, 20 ఓవర్లలో 8 వికెట్లకు 204 పరుగులకే పరిమితమైంది.

చేజింగ్ లో గుజరాత్ ఓపెనర్ సాయి సుదర్శన్ అద్భుతంగా రాణించినా, మిగతా బ్యాటర్ల నుంచి సహకారం లభించలేదు. ముఖ్యంగా రవి బిష్ణోయ్ తన స్పిన్ తో మాయాజాలంతో గుజరాత్ బ్యాటింగ్ ను దెబ్బతీశాడు. అయితే, చివరి దశలో రషీద్ ఖాన్, రబాడ బాగా ఆడుతూ 8వ వికెట్‌కు 43 పరుగులు జోడించడంతో మ్యాచ్ గుజరాత్ వైపు మొగ్గుతున్నట్లు అనిపించింది. 

కానీ, 19వ ఓవర్‌లో జోఫ్రా ఆర్చర్ తన అనుభవాన్నంతా ఉపయోగించి కేవలం 4 పరుగులు మాత్రమే ఇచ్చి మ్యాచ్‌ను రాజస్థాన్ వైపు తిప్పాడు. చివరి ఓవర్‌లో 11 పరుగులు అవసరం కాగా, తుషార్ దేశ్‌పాండే యార్కర్లతో రషీద్ ఖాన్, రబాడలను కట్టడి చేశాడు. మొదటి బంతి వైడ్ వేసినా, ఆ తర్వాత అద్భుతంగా పుంజుకుని కేవలం 3 పరుగులే ఇచ్చి రషీద్‌ను అవుట్ చేశాడు. దీంతో రాజస్థాన్ రాయల్స్ విజయాన్ని అందుకుంది. ఈ గెలుపుతో రాజస్థాన్ పాయింట్ల పట్టికలో తమ స్థానానికి చేరుకుంది.