Srilanka vs India ODI Series Preview | లంకతో వన్డే సిరీస్ కు సిద్ధమైన భారత సీనియర్ ఆటగాళ్లు

 శ్రీలంకతో టీ20 సిరీస్ విక్టరీ కొట్టేసిన తర్వాత టీమిండియా ఇప్పుడు వన్డే సిరీస్ కు సిద్ధమైపోతోంది. రేపటి నుంచి లంకలో జరగనున్న ఈ వన్డే సిరీస్ కోసం సీనియర్లు మొత్తం వచ్చేశారు. కెప్టెన్ రోహిత్ శర్మ నేతృత్వంలో విరాట్ కొహ్లీ, కేఎల్ రాహుల్, శ్రేయస్ అయ్యర్, కుల్దీప్ యాదవ్ లాంటి ఆటగాళ్లంతా వన్డే సిరీస్ కోసం ప్రాక్టీస్ కంప్లీట్ చేశారు. అయితే ప్రాక్టీస్ సందర్భంగా విడుదల చేసిన కొన్ని ఫోటోలు మాత్రం చాలా క్యూట్ గా ఉన్నాయని చెప్పాలి. ప్రత్యేకించి ఈ ఫోటో. గంభీర్, కొహ్లీ హ్యాపీగా నవ్వుకుంటూ కనిపించారు చాన్నాళ్ల తర్వాత. మీకు గుర్తుండే ఉంటుంది ఐపీఎల్ సందర్భంగా జరిగిన గొడవ. 2023 ఐపీఎల్ సందర్భంగా అప్పుడు లక్నో సూపర్ జెయింట్స్ కి మెంటార్ గా ఉన్న గంభీర్ కొహ్లీతో గొడవపడ్డాడు. ఆల్మోస్ట్ కొట్టుకునేంత స్థాయికి మీదకు మీదకు వెళ్లిపోయారు. అప్పుడు తమ టీమ్ లో ఉన్న ఆఫ్గాన్ ఆటగాడు నవీన్ ఉల్ హక్ కోసం ఈ గొడవ జరిగింది. ఈ ఏడాది ఐపీఎల్ కు లక్నోను వదిలేసిన గౌతీ కోల్ కతాకు వెళ్లటం ఆ టీమ్ ను ఛాంపియన్ గా నిలపటం జరిగిపోయాయి. ఈ ఏడాది ఐపీఎల్ సందర్భంగానూ గౌతం గంభీర్, కొహ్లీ పాత గొడవలను మర్చిపోయి మాట్లాడుకున్న ఫోటోలు వచ్చాయి. ఇప్పుడు శ్రీలంకతో సిరీస్ కి ముందు గౌతం గంభీర్ టీమిండియా హెడ్ కోచ్ గా వచ్చాడు. సో ఆ పాత గొడవలన్నీ మర్చిపోయి కొహ్లీ, గౌతం గంభీర్ ఇలా హ్యాపీగా నవ్వుతూ కనిపించారు. టీ20 సిరీస్ లో లానే విభిన్న ప్రయోగాలను వన్డే సిరీస్ లోనూ అమలు చేయాలని టీమిండియా భావిస్తున్నట్లు తెలుస్తోంది. దానికి సంబంధించే కెప్టెన్ రోహిత్ శర్మ, సెలక్షన్ కమిటీ ఛైర్మన్ అజిత్ అగార్కర్ తో కలిసి కోచ్ గంభీర్ చాలా సేపు మాట్లాడుతూ కనిపించాడు.