Gollaprolu MPDO: తూర్పుగోదావరి జిల్లా గొల్లప్రోలు గ్రామ సచివాలయ ఉద్యోగులకు చేదు అనుభవం

తూర్పుగోదావరి జిల్లా గొల్లప్రోలు గ్రామ సచివాలయ ఉద్యోగుల కు చేదు అనుభవం ఎదురైంది. రాష్ట్ర వ్యాప్తంగా ప్రభుత్వ నిర్ణయానికి వ్యతిరేకంగా నిరసనలో భాగంగా ఆందోళన చేస్తున్న సచివాలయ ఉద్యోగులు.. గొల్లప్రోలు ఎంపీడీవో కి వినతి పత్రం ఇచ్చేందుకు వెళ్లారు. ఆందోళన ఎందుకు చేస్తూన్నారో చెప్పాలంటూ ఉద్యోగులపై గొల్లప్రోలు ఎంపీడీవో హరిప్రియ మండిపడ్డారు. ఉద్యోగాలు రానంతవరకు రాలేదు..రాలేదు అని..వచ్చాకా అవికావాలి ఇవి కావాలని ఉద్యమాలు చేస్తున్నారా అని ప్రశ్నించారు. మాకు కూడా అన్యాయాలు జరుగుతున్నాయి మేము ఎక్కడికి పోవాలంటూ..సచివాలయ ఉద్యోగులపై ఎంపీడీవో హరిప్రియ ఆగ్రహం వ్యక్తం చేశారు. నల్లబ్యాడ్జీలు ధరించి నిరసన తెలుపుతూ విధులకు హాజరు కావాలి తప్పా.. విధులు బహిష్కరిస్తాం అంటే ఊరుకోమని హెచ్చరించారు. మెమోరండం ఇవ్వడానికి వచ్చిన వాళ్ళు ఇచ్చి వెళ్లిపోండి.. ధర్నాలు ఆందోళన అంటే ఊరుకోనంటూ ఆగ్రహం వ్యక్తం చేశారు హరిప్రియ. ఎంపీడీవో తీరుపై గ్రామ సచివాలయ ఉద్యోగులు ఆవేదన వ్యక్తం చేశారు.