SCR Sabarimala Special Trains: ఉత్తరాంధ్ర, హైదరాబాద్ నుంచి శబరిమలకు ప్రత్యేక రైళ్ల వివరాలివే!

Special Trains: మండల దీక్ష పూర్తిచేసి స్వామి దర్శనానికి బయలులేరే అయ్యప్ప భక్తులకు దక్షిణ మధ్య రైల్వే గుడ్ న్యూస్ చెప్పింది. ముఖ్యంగా తెలుగు రాష్ట్రాల నుంచి భక్తుల కోసం 62 ప్రత్యేక రైళ్లు నడపనుంది

Sabarimala Special Trains

మండల మకరు విళక్కు సీజన్ ప్రారంభమైనప్పటి నుంచీ గతేడాది కన్నా ఈ ఏడాది భక్తుల రద్దీ భారీగా పెరిగింది. మక మకరు విళక్కు సీజన్ మొదలైనప్పటి నుంచి మకర సంక్రాంతి జ్యోతి దర్శనం పూర్తయ్యేవరకూ భక్తుల సంఖ్య మరింత పెరుగుతుంది. అందుకే అయ్యప్ప దర్శనానికి వెళ్లే భక్తులు ప్రయాణానికి సంబంధించి ఇబ్బంది ఎదుర్కోకుండా ఉండేందుకు దక్షిణ మధ్య రైల్వే ఈ నిర్ణయం తీసుకుంది.

శ్రీకాకుళం రోడ్ - కొల్లాం , విశాఖపట్నం-కొల్లాం మధ్య శబరిమలకు 44 ప్రత్యేక సర్వీసులుంటాయి. ఇవి డిసెంబరు 1 న ప్రారంభమై మండల మకరు విళక్కు సీజన్ పూర్తయ్యే డిసెంబరు 26 వరకూ కొల్లాంకు..అక్కడి నుంచి డిసెంబరు 27 తిరుగు ప్రయాణానికి ఉపయోగపడతాయి. మరోవైపు కాచిగూడ - కొట్టాయం, హైదరాబాద్ - కొట్టాయం మధ్య కూడా స్పెషల్ సర్వీసులున్నాయి.