![ABP Premium](https://cdn.abplive.com/imagebank/Premium-ad-Icon.png)
What is in Bujji and Bhairava | కల్కి యానిమేషన్ సిరీస్ ‘బుజ్జి అండ్ భైరవ’లో ఏం ఉంది?
ప్రభాస్ నటించిన మోస్ట్ అవైటెడ్ సైన్స్ ఫిక్షన్ సినిమా ‘కల్కి 2898 ఏడీ’. జూన్ 27వ తేదీన విడుదల కానున్న ఈ సినిమాకు సంబంధించి ప్రచారాన్ని వేగవంతం చేశారు. ఈ సినిమాకు సంబంధించిన యానిమేషన్ సిరీస్ ‘బుజ్జి అండ్ భైరవ’ అమెజాన్ ప్రైమ్లో రిలీజ్ అయింది. దీనికి సంబంధించిన రెండు ఎపిసోడ్లు విడుదల అయ్యాయి. ఒక్కో ఎపిసోడ్ నిడివి 14 నిమిషాలుగా ఉంది. మరో రెండు ఎపిసోడ్లు సినిమా రిలీజ్ అయ్యాక విడుదల చేస్తామని యూనిట్ ప్రకటించింది. మరి ఇప్పుడు రిలీజ్ అయిన రెండు ఎపిసోడ్లలో ఏం ఉంది?
అసలు బుజ్జి అంటే ఎవరు అనేది ఈ యానిమేటెడ్ ప్రిల్యూడ్లో చూపించారు. BU - JZ - 1 అనే కోడ్ నేమ్ ఉన్న ఒక ఆర్టిఫిషియల్ ఇంటెలిజెన్స్ డివైస్నే బుజ్జి. ఈ డివైస్ను ఒక వెహికిల్కి అటాచ్ చేస్తారు. 99 మిషన్లు సక్సెస్ఫుల్గా పూర్తి చేసిన ఈ డివైస్ 100వ మిషన్లో ఉండగా... తనపై దాడి జరిగి వెహికిల్ నాశనం అయిపోయి గ్లింప్స్లో చూపించిన చిన్న డివైస్ మాత్రం మిగులుతుంది. 100 మిషన్లు పూర్తి చేసి కాంప్లెక్స్కి షిఫ్ట్ అయిపోవాలనేది దీని డ్రీమ్. ‘కల్కి’ సినిమా గ్లింప్స్లో ఒక పెద్ద ట్రయాంగిల్ చూపించారు కద. దాని పేరు కాంప్లెక్స్ అంట. ఈ చిన్న డివైస్ను ప్రభాస్ మొట్టమొదటిసారి చూసినప్పుడు దానిపై BU - JZ - 1 కోడ్ నేమ్ మొత్తాన్ని కలిపి ‘బుజ్జి’ అని చదువుతాడు. అలా దానికి బుజ్జి అనే పేరు ఫిక్స్ అవుతుంది.
భైరవ ఎవరు?
బుజ్జిలాగానే భైరవకి కూడా కాంప్లెక్స్కి షిఫ్ట్ అయిపోవాలనేది డ్రీమ్. దానికి ఒక మిలియన్ యూనిట్స్ అవసరం అవుతాయి. యూనిట్స్ అనేది 2898 నాటి ఇండియన్ కరెన్సీ. డబ్బు సంపాదనే ధ్యేయంగా భైరవ జీవిస్తూ ఉంటాడు. తన బ్యాక్గ్రౌండ్ ఏంటి అనేది చూపించలేదు. భైరవ ఉండే ఇంటి ఓనర్గా బ్రహ్మానందం కనిపిస్తాడు. బ్రహ్మానందం, ప్రభాస్ల మధ్య కామెడీ బాగా వర్కవుట్ అయింది. మరి బ్రహ్మానందం సినిమాలో ఉంటారో లేదో చూడాలి.
శంభల సిటీ రిఫరెన్స్...
మహా విష్ణువు పదో అవతారం కల్కి... శంభల నగరంలో పుడతాడనేది మన పురాణాల్లో రాసిన విషయమే. దీనికి సంబంధించిన రిఫరెన్స్ కూడా ఈ ప్రిల్యూడ్లో చూపించారు. కాంప్లెక్స్కు వెళ్తున్న వెహికిల్స్పై శంభల సిటీకి చెందిన రెబల్స్ దాడి చేసి అందులో ఆహారాన్ని కొల్లగొడతారు. శంభల సిటీలో పిల్లలకు కనీసం ఆహారం కూడా లేదని వీరి మాటల్లో వివరిస్తారు. ఈ రెబల్స్లో ఒకరు సినిమా గ్లింప్స్లో చూపించిన పశుపతిలా కనిపిస్తారు. దీన్ని బట్టి పశుపతి పాత్ర శంభల నగరానికి సంబంధించిన రెబల్ అనుకోవచ్చు.
![Amitabh Bachchan Fun Moments With Prabhas: ప్రభాస్ను ఆటపట్టించిన అమితాబ్](https://feeds.abplive.com/onecms/images/uploaded-images/2024/06/25/c57ff58f2ebca3aaa68ee77eb4e78c0a1719295458245953_original.jpg?impolicy=abp_cdn&imwidth=470)
![Amitabh Bachchan Kamal Haasan About Makeup: అమితాబ్, కమల్ హాసన్ మేకప్ కష్టాలు |](https://feeds.abplive.com/onecms/images/uploaded-images/2024/06/25/392850ee0eb8b5935c67768ed85a17811719294736236953_original.jpg?impolicy=abp_cdn&imwidth=100)
![Producer SKN At Alliance Victory Celebrations: పీపుల్స్ మీడియా ఈవెంట్లో నిర్మాత ఎస్కేఎన్ స్పీచ్](https://feeds.abplive.com/onecms/images/uploaded-images/2024/06/24/85c2d1469fb2c15f9211df3027c06eea1719235425660953_original.jpg?impolicy=abp_cdn&imwidth=100)
![Kamal Haasan on Krishnam Raju: kalki 2898AD సినిమా ఇంటర్వ్యూలో కృష్ణంరాజు గురించి కమల్ హాసన్](https://feeds.abplive.com/onecms/images/uploaded-images/2024/06/24/002736a20e1de34ea70c5d3d6248f0421719226249915953_original.jpg?impolicy=abp_cdn&imwidth=100)
![Kamal Haasan on Kalki 2898AD: కల్కి 2898AD తన విలన్ రోల్ గురించి కమల్ హాసన్](https://feeds.abplive.com/onecms/images/uploaded-images/2024/06/24/668fdcc01b5e93f45e9fe885df0a5d5c1719224925307953_original.jpg?impolicy=abp_cdn&imwidth=100)
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)