Tata Nexon లేదా Maruti Brezza .. EMI కట్టడంలో ఏ కారు చౌక? ఈ విషయాలు తెలుసుకోండి

Tata Nexon vs Maruti Brezza: ఈ రెండు కార్లలో ఏదో ఒకదానిని మీరు కొంత డౌన్ పేమెంట్ చేసి EMI పద్ధతిలో కొనుగోలు చేయాలనుకుంటే.. టాటా నెక్సాన్, మారుతి బ్రెజ్జా ధరలు, ఫైనాన్స్ గురించి తెలుసుకోవాలి.

టాటా నెక్సాన్, మారుతి బ్రెజ్జా

Source : Tata Motors/Maruti

భారత మార్కెట్‌లో తక్కువ బడ్జెట్‌లో లభించడంతో పాటు అధిక మైలేజీని ఇచ్చే వాహనాలను కస్టమర్లు ఎక్కువగా ఇష్టపడతారు. ఇండయన్ ఆటోమొబైల్ మార్కెట్‌లో అలాంటి 2 కార్లు మారుతి బ్రెజ్జా (Maruti Brezza), టాటా నెక్సాన్ (Tata Nexon) ఉన్నాయి. బ్రెజ్జా మెరుగైన మైలేజీతో పేరు తెచ్చుకోగా, టాటా నెక్సాన్ దాని స్ట్రాంగ్ బాడీ,సేఫ్టీ (Safety) కారణంగా విక్రయాల్లో దూసుకెళ్తోంది. 

మారుతి బ్రెజ్జా, టాటా నెక్సాన్, ఈ 2 కార్ల ధరలు రూ. 10 లక్షల రేంజ్‌లో ఉన్నాయి. ఒకవేళ మీరు ఈ రెండింటిలో ఏదో ఒక కారును కొనాలని ప్లాన్ చేస్తుంటే, ఏ కారును కొంటే మీకు తక్కువ EMI పడుతుందో తెలుసుకున్నాక నిర్ణయం తీసుకోండి. 

మారుతి బ్రెజ్జా బేస్ మోడల్ ధర ఎంత?

మారుతి బ్రెజ్జా బేస్ మోడల్ 'Lxi పెట్రోల్' ఢిల్లీ ఎక్స్-షోరూమ్ ధర రూ. 8.25 లక్షలు ఉంది. దీనికి RTO, ఇన్సూరెన్స్ వంటివి కలిపిన తర్వాత, కారు ఆన్-రోడ్ ధర రూ. 9.67 లక్షలు అవుతుంది. ఈ కారును కొనాలనుకుంటే, పూర్తి పేమెంట్ చెల్లించాల్సిన అవసరం లేదు. ఈ కారును ఫైనాన్స్ ద్వారా కొనుగోల చేయవచ్చు. 

మారుతి బ్రెజ్జాను ఫైనాన్స్ చేయించుకోవడానికి మీరు కనీసం 1 లక్ష రూపాయలు డౌన్ పేమెంట్ చెల్లించాల్సి ఉంటుంది. ఒకవేళ బ్యాంక్ ఈ కారుపై 9.8 శాతం వడ్డీ అయితే, మీరు 4 ఏళ్ల పాటు ప్రతి నెలా రూ. 21 వేల EMI చెల్లించాలి. ఇది కాకుండా, 5 ఏళ్ల కాలానికి EMI రూ. 17,644, 6 ఏళ్లకు రూ. 15,372 చెల్లించాలి. అత్యధికంగా 7 ఏళ్ల కాలానికి కొనుగోలు చేస్తే EMI సుమారు రూ. 13,764 చెల్లించాల్సి వస్తుంది. 

ప్రతి నెలా ఎంత EMI చెల్లించాలి?

ఇక టాటా నెక్సాన్ విషయానికి వస్తే.. దీని బేస్ మోడల్ ఎక్స్-షోరూమ్ ధర రూ. 7.31 లక్షలుగా ఉంది. కారుపై RTO,  ఇన్సూరెన్స్ కలిపిన తర్వాత దీని ఆన్-రోడ్ ధర రూ. 8.34 లక్షలు అవుతుంది. మీరు ఈ కారును లోన్ ద్వారా కొనుగోలు చేస్తే, కనీసం రూ. 1 లక్ష డౌన్ పేమెంట్ చేయాలి. 9.8 శాతం వడ్డీ రేటుతో మీరు 4 ఏళ్ల పాటు ప్రతి నెలా రూ. 18,535 EMI చెల్లించాలి. ఒకవేళ మీరు కార్ లోన్ 5 ఏళ్ల కాలానికి తీసుకుంటే కనుక ప్రతి నెలా రూ. 15,514 EMI కట్టాలి. 6 ఏళ్ల పాటు ఈ లోన్ తీసుకుంటే మీరు ప్రతినెలా  EMI రూ. 13,516 చెల్లించాల్సి ఉంటుంది.

మరిన్ని చదవండి

MG Comet EVకి పోటీగా Tata Punch EV ఫేస్‌లిఫ్ట్ డెలివరీలు ప్రారంభం.. ఫీచర్లు, రేంజ్ పూర్తి వివరాలు

Mahindra XEV 9S నిజంగానే 679 కి.మీ రేంజ్‌ ఇస్తుందా? రియల్ టైంలో ఎంత దూరం వెళ్లింది