Video: తాగేసి ఫ్లైట్ లో నానా హంగామా.. భరించలేక సీటుకే కట్టేశారు!

ఓ యువకుడు తాగేసి ఫ్లైట్ లో నానా హంగామా సృష్టించాడు. తోటి ప్రయాణికులపై చేయి చేసుకున్నాడు. ఆ యువకుడ్ని సిబ్బంది సీటుకే కట్టేశారు. ప్రస్తుతం ఈ వీడియో వైరల్ అవుతుంది.

మందేసి ఫ్లైట్ లో కుర్రాడి వీరంగం

ఓ యువకుడు తాగేసి విమానంలో నానా హంగామా సృష్టించాడు. తోటి ప్రయాణికులతో దురుసుగా ప్రవర్తించాడు. ఒకరిపై చేయిచేసుకున్నాడు. ఇంక చేసేదేమీ లేక విమాన సిబ్బంది ఆ యువకుడ్ని సీటుకే కట్టేసి నోటికి ప్లాస్టర్ వేసేశారు! విమానం ల్యాండ్ అయిన వెంటనే ఆ యువకుడ్ని పోలీసులకు అప్పజెప్పారు. అసలేం జరిగిందంటే?

#frontier #frontierairlines crazy it happened right beside, me it’s crazy out here pic.twitter.com/YdjURlSb5p

— k9spams (@k9spams) August 3, 2021

 

ఏం జరిగింది?

ఫిలడెల్ఫియా నుంచి మియామి వెళ్తున్న ఓ విమానంలో మేక్స్ వెల్ బెర్రీ అనే 22 ఏళ్ల యువకుడు వీరంగం సృష్టించాడు. ఫుల్లుగా తాగేసి తోటి ప్రయాణికులతో దుర్భాషలాడాడు. అడ్డువచ్చినవారిని తోసేసి, ఒకరిని కొట్టాడు. ఎంత ప్రయత్నించినా ఆగకపోయేసరికి విమాన సిబ్బంది ఆ కుర్రాడ్ని తోటి ప్రయాణికుల సాయంతో సీటుకు ప్లాస్టర్ తో కట్టేశారు. విమానం దిగిన వెంటనే స్థానిక పోలీసులు ఆ కుర్రాడ్ని అదుపులోకి తీసుకున్నారు. మేక్స్ వెల్ 'హెల్ప్ మీ, హెల్ప్ మీ' అంటూ అరుస్తున్న ఓ వీడియో ప్రస్తుతం నెట్టింట్లో విపరీతంగా వైరల్ అవుతుంది. 

ఇలాంటి సంఘటనే..

కొన్నేళ్ల క్రితం భారత్ లోనూ ఇలాంటి సంఘటనే జరిగింది. ఇండిగో విమానంలో ఓ ప్రయాణికుడు చాలా నీచంగా ప్రవర్తించాడు. ప్రయాణంలో ఉండగానే బాత్రూమ్‌లోకి వెళ్లి అక్కడ దుస్తులు మొత్తం విప్పేసి నానా హంగామా సృష్టించాడు. తొలుత విమానం ఎక్కి సీటులో కూర్చోగానే తనకు సీటుబెల్టు కట్టుకోవడం ఎలాగో తెలియదని వాదించాడు.

దాంతో విమాన సిబ్బంది ఆ విషయంలో అతడికి సాయం చేశారు. తర్వాత ఆ కుర్రాడు బాత్రూంకు వెళ్లి.. అక్కడ ఉన్న కాల్ బెల్ కొట్టి, సాయం కావాలని సిబ్బందిని పిలిచాడు. వెంటనే సిబ్బంది అక్కడకు వెళ్లి చూడగా.. అతడు దుస్తులన్నీ విప్పేసి అభ్యంతరకర పరిస్థితిలో కనిపించాడు.

ఇది చూసి లోపలికి వెళ్లేందుకు మహిళా సిబ్బంది నిరాకరించారు. ఆ తర్వాత ఎలాగోలా బయటకు వచ్చేశాడు. ఆపై కూడా తన ప్రవర్తన మానుకోలేదు. ప్రయాణికులంతా విమానం నుంచి దిగేటప్పుడు మహిళా సిబ్బందిపై దుర్భాషలాడాడు. విమాన కెప్టెన్‌కు సిబ్బంది ఈ విషయం వెల్లడించగా, కెప్టెన్ వెంటనే దిల్లీలోని భద్రతా సిబ్బందిని అప్రమత్తం చేశారు. సదరు ప్రయాణికుడు కిందకు దిగగానే పోలీసులు అతడిని అరెస్టు చేశారు. అతడిపై దిల్లీలోని పోలీస్ స్టేషన్లో ఎఫ్ఐఆర్ నమోదు చేశారు. ఈ వార్త అప్పట్లో పెద్ద చర్చకు దారితీసింది.