Viral News: రన్నింగ్ లోకల్ ట్రైన్ నుంచి పడిపోయిన ప్యాసింజర్, ముంబై వాసులకు ఇంత నరకమా?

Mumbai Local Train News: జ‌నంతో కిక్కిరిసిన లోకల్ రైలు నుంచి ఓ వ్య‌క్తి కింద ప‌డిన ఘ‌ట‌న ప‌లు భ‌ద్రతా చ‌ర్య‌ల‌ను తీసుకోవాల‌న్న సందేశాన్ని అధికారుల‌ను హెచ‌రిస్తోంది. 

Video of man falling off Mumbai's local train goes viral again

Source : PTI

Mumbai Train Accident రైలు ప్ర‌మాద ఘ‌ట‌న‌లు భ‌యాందోళ‌న‌లు క‌లిగిస్తుంటాయి. ఏమాత్రం ఆద‌మ‌రిచినా ప్రాణాలు వ‌దిలేసుకోవ‌డ‌మే. ఎక్కేట‌ప్పుడు దిగేట‌ప్పుడు చాలా జాగ్ర‌త్త అవ‌స‌రం. అయితే లోక‌ల్ ట్రైన్ల‌లో ఆక‌తాయిల వ‌ల్ల కూడా ప్ర‌మాదాలు చోటుచేసుకుంటున్నాయి. ఫుట్‌బోర్డు ద‌గ్గ‌ర నిల‌బ‌డి ప్ర‌యాణాలు చేయ‌డం వ‌ల‌న సామాన్య ప్ర‌యాణికులు ఇబ్బందులు ఎదుర్కొంటున్నారు. ఒక్కోసారి సాహ‌సాలు చేస్తూ కొందరు ప్రాణాలు కోల్పోతున్నారు. ఇలాంటి ఘ‌ట‌నే ఇప్పుడు మ‌రోసారి సోష‌ల్ మీడియాలో వైర‌ల్ అవుతోంది.

మరిన్ని లోకల్ ట్రైన్స్ ఏర్పాటు చేయాలి 
ప్ర‌మాదాల నివార‌ణ‌కు నిపుణులు, ప్ర‌యాణికులు ప‌లు సూచ‌న‌లు చేస్తున్నారు. ప్ర‌జ‌ల కోసం మ‌రిన్ని రైళ్ల‌ను ఏర్పాటు చేయాలి. లాంగ్ ట్రావెల్ ప్యాసింజర్ రైళ్ల సమయాన్ని తగ్గించాలి. మ‌రిన్ని లోకల్ రైళ్లను ప్రారంభించడంతోపాటు స‌మయాలను సర్దుబాటు చేయడం చాలా ముఖ్యం. తద్వారా ఆఫీసు వేళ‌ల్లో వెళ్ల‌డానికి ఇంటికి రావ‌డానికి ఉద్యోగుల‌కు సౌక‌ర్యంగా ఉంటుంది. డ‌బ్బు క‌న్నా ప్ర‌జ‌ల ప్రాణాలు, జీవితాలు చాలా ముఖ్య‌మని ప్రభుత్వం భావించాల‌ని కొంత‌మంది చుర‌క‌లంటిస్తున్నారు. పేద కుటుంబాల నుంచి వచ్చిన ప్రజలు త‌ప్ప‌క ఇలాంటి రైళ్ల‌లోనే ప్ర‌యాణం చేయాల్సి ఉంటుందని, అయితే ఇలా తమ జీవితాన్ని పణంగా పెట్టలేం కదా అని ప్రశ్నిస్తున్నారు. 

ముంబై లోకల్ రైళ్లు నిత్యం ర‌ద్దీగా ఉంటాయి. ల‌క్ష‌లాది మంది ముంబై వాసుల ర‌వాణాకు అదే మూలాధారం. ఎక్క‌డినుంచి ఎక్క‌డికి పోవాల‌న్నా పేద‌, మ‌ధ్య‌త‌ర‌గ‌తి వారికి అవే ఆధారం. నిత్యం ర‌ద్దీగా ఉంటున్న ఈ రైళ్ల కార‌ణంగా ప్ర‌యాణికులు నానా అవ‌స్థ‌లు ప‌డుతున్నారు. వర్షాకాలం స‌మ‌యంలో ప‌రిస్థితులు మ‌రీ దారుణంగా ఉంటున్నాయి. చాలా దూరం ప్రయాణం చేయాల్సి ఉంటుంది, కానీ రైలులో నిల్చునే చోటు కూడా ఉండ‌దు. అనారోగ్య ప‌రిస్థితుల్లో నిల‌బ‌డ‌లేక‌పోతే బాధ దేవుడికే ఎరుక‌. తాజా 2022 నాటి ఒక వీడియోను ఒక వ్య‌క్తి ఎక్స్‌లో పోస్ట్ చేయ‌డం ద్వారా తాజాగా మ‌రోసారి రైలులో సౌక‌ర్యాలు భ‌ద్ర‌త గూర్చి మ‌రోసారి చ‌ర్చ‌కు వ‌చ్చింది. 

ఫుట్ బోర్డ్ ప్రయాణంలో ఊహించని ప్రమాదం

థానేలోని కాల్వా నుండి దాదర్‌కు ఉదయం 9:30 గంటలకు ముంబై లోకల్ ట్రైన్‌లో డానిష్ జాకీర్ హుస్సేన్ అనే యువకుడు ఫుట్‌బోర్డ్‌కు వేలాడుతూ, మరికొంత మందితో వెళ్తున్నాడు. హుస్సేన్ వేళాడుతూ వెళ్తుండ‌గా అత‌ని త‌ల అక‌స్మాత్తుగా బ‌య‌ట ఉన్న స్థంభాన్ని ఢీకొని మ‌ర‌ణిస్తాడు. ఈ సంఘ‌ట‌ను అదే రైలుకు స‌మాంత‌రంగా వెళ్తున్న మ‌రో రైలులోని వ్య‌క్తి ఈ వీడియో తీశాడు. ఈ భ‌యంక‌ర‌మైన వీడియో మ‌రోసారి సోష‌ల్ మీడియాలో వైర‌ల్‌గా మార‌డంతో ముంబై రైలు ప్ర‌యాణంలో భ‌ద్ర‌త‌పై ప‌లు అనుమానాలు రేకెత్తిస్తోంది.