అన్వేషించండి

Black Diamond: వజ్రాలలో ఈ బ్లాక్ డైమండ్ వేరయా..! ధర ఎంతో తెలుసా?

అరుదైన బ్లాక్ డైమండ్‌ను మరి కొన్ని రోజుల్లో వేలం వేయనున్నారు. ఈ డైమండ్ విశేషాలు ఏంటో మీరే చూడండి.

By : ABP Desam | Edited By: Murali Krishna | Updated at : 18 Jan 2022 06:53 PM (IST)

బ్లాక్ డైమండ్

డైమండ్‌ను చూస్తేనే కళ్లు జిగేల్ మంటాయి. అలాంటిది బ్లాక్ డైమండ్‌ను చూస్తే? అవును ప్రపంచంలోనే అత్యంత అరుదైన నల్ల వజ్రాన్ని ఇటీవల ప్రముఖ వేలం కంపెనీ సోథెబీ.. దుబాయ్‌లోని తమ కార్యాలయంలో మీడియాకు చూపించింది. దీని విశేషాలు వింటే షాక్ అవ్వాల్సిందే.

'The Enigma' - a treasure from interstellar space and the largest faceted diamond to ever come to auction is unveiled today in Sotheby's Dubai https://t.co/1nyUAsTe8j #SothebysDiamonds #blackdiamond #SothebysJewels pic.twitter.com/s713AVo14c
— Sotheby's (@Sothebys) January 17, 2022

'ది ఎనిగ్మా'గా పిలిచే ఈ బ్లాక్ డైమండ్ 555.55 క్యారెట్లు ఉన్నట్లు వేలం సంస్థ తెలిపింది.
భూమిపై ఇప్పటి వరకు గుర్తించిన వజ్రాలలో అత్యంత అరుదైనది ఈ బ్లాక్ డైమండ్.
260 కోట్ల సంవత్సరాలకు ముందు భూమిని ఓ గ్రహశకలం లేదా ఉల్క ఢీకొనడంతో ఈ వజ్రం పుట్టింది అని నమ్ముతున్నారు.
ఈ వజ్రంపై నిర్వహించిన కార్బన్ పరీక్షల ఆధారంగా దీని పుట్టు పూర్వోత్తరాలు గుర్తించారు.
ఈ బ్లాక్ డైమండ్‌లో 55 ముఖాలు గుర్తించినట్లు సోఫీ స్టీవెన్స్ అనే వజ్రాల స్పెషలిస్ట్ తెలిపారు.
ఇప్పటివరకు ప్రపంచంలోని కట్ డైమండ్లలో ఇదే అతి పెద్దదిగా భావిస్తున్నారు.

సోథెబీ సంస్థకు చెందిన వివిధ కార్యాలయాల్లో ప్రదర్శనకు ఉంచిన అనంతరం ఈ ఏడాది ఫిబ్రవరిలో వజ్రాన్ని లండన్‌లో వేలం వేయనున్నారు. $ 6.8 మిలియన్ల అమెరికన్ డాల్లర్లు వరకు ఈ వజ్రం ధర పలికే అవకాశం ఉన్నట్లు 'సోథెబీ' ప్రతినిధి తెలిపారు.

ఓనర్ ఎవరు?

ఈ వజ్రం 20 ఏళ్లకు ముందు బయటపడింది. కానీ దీన్ని పొందిన ఓనర్ ఈ బ్లాక్ డైమండ్‌ను ఎవరికీ చూపించలేదు. ఇప్పుడు కూడా ఓనర్ ఎవరన్నది రహస్యంగానే ఉంచారు.

1990లో ఈ వజ్రాన్ని ఓ మామూలు రాయి అనుకుని అతను తీసుకున్నారు. తర్వాద దాన్ని నిపుణులు కట్ చేసి 55 ముఖాలు ఉండేలా చేశారు. ఆ తర్వాత దీన్ని ప్రజలకు చూపించారు.

నమ్మకం..

మధ్య ఆసియాలో ఉండే హంస అనే గుర్తును ప్రేరణగా తీసుకొని ఈ వజ్రాన్ని కట్ చేశారు. శక్తి, రక్షణకు సంబంధించిన సింబలే ఈ హంస. ఇది అరచెయ్యి ఆకారంలో ఉంటుంది. అందుకే దీన్ని శుభానికి గుర్తుగా భావిస్తారు.

Also Read: Abu Dhabi New Travel Rules: ఇక అబుదాబిలో అడుగుపెట్టాలంటే వీసాతో పాటు ఇది కూడా కావాలి!