Bengaluru: మహిళా ప్యాసింజర్‌ను ఏడిపించిన టికెట్ కలెక్టర్, మద్యం మత్తులో వేధింపులు - వైరల్ వీడియో

Bengaluru Viral Video: బెంగళూరులో ఓ టికెట్ కలెక్టర్ మద్యం మత్తులో మహిళను వేధించాడు.

బెంగళూరులో ఓ టికెట్ కలెక్టర్ మద్యం మత్తులో మహిళను వేధించాడు. (Image Credits:Twitter)

Viral Video: 

బెంగళూరులో ఘటన..

బెంగళూరులోని కృష్ణరాజపురం రైల్వే స్టేషన్‌లో ఓ మహిళా ప్రయాణికురాలికి, టీటీకి మధ్య వాగ్వాదం జరిగింది. ఈ వీడియో ప్రస్తుతం సోషల్ మీడియాలో వైరల్ అవుతోంది. టీటీ ఆ మహిళపై గట్టిగా అరుస్తుండగా, ఆమె కన్నీళ్లు పెట్టుకుంటోంది. చుట్టూ ఉన్న వాళ్లంతా వారిస్తున్నా టీటీ తన వైఖరి మార్చుకోలేదు. టికెట్ బుక్ చేసుకున్నానని చెబుతున్నా వినకుండా ఆ అధికారి కావాలనే వేధించాడని బాధితురాలు ఆరోపించారు.  "నన్నెందుకు ఇబ్బంది పెడుతున్నారు. నేను టికెట్ బుక్ చేసుకునే ఇక్కడి వరకూ వచ్చాను" అని ఆ మహిళ చెబుతున్నారు. ఆమెకు ఎదురుగా నిలబడ్డ టీటీ "నాకు టికెట్ చూపించే ఇక్కడి నుంచి కదలాలి. చెక్ చేయడం నా డ్యూటీ" అని గట్టిగా వాదించాడు. దీంతో ఆ మహిళ కన్నీళ్లు పెట్టుకుంది. ఆ తరవాత చుట్టూ ఉన్న ప్రయాణికులు ఆమెకు అండగా నిలిచారు. "ఆమె ఒంటరిగా ప్రయాణిస్తోంది. అందుకే కావాలని టీటీ ఆమెను వేధిస్తున్నాడు. ఆమె ఎవరో నాకు తెలియదు. కానీ టీటీ చేసేది మాత్రం సరికాదు"అని ఓ ప్రయాణికుడు ఆగ్రహం వ్యక్తం చేశాడు. అయితే ఆ మహిళ అప్పటికే ఓ టికెట్ కలెక్టర్‌కి టికెట్ చూపించానని, కానీ మళ్లీ మళ్లీ టికెట్ చూపించాల్సిందేనని టీటీ ఇబ్బందికి గురి చేశాడని ఆవేదన వ్యక్తం చేసింది. సహనం నశించిన ప్రయాణికులు ఆ టీటీ కాలర్ పట్టుకుని వెనక్కి లాగారు. మద్యం మత్తులో ఇలా ప్రవర్తించాడని వాళ్లు ఆరోపించారు. అయితే...ఈ ఘటనను సీరియస్‌గా తీసుకున్న అధికారులు వెంటనే ఆ టీటీని సస్పెండ్ చేశారు. 

Drunk TT pulled her at KJM . While the girl was telling she had her ticket, showed ticket to TT but TT didn't listen anything,pulled her and still misbehave with her.We need explanation for on duty drunk TT.@RailMinIndia@Central_Railway please take strict action against the TT. pic.twitter.com/UUjRcm8X1w

— Karishma behera (@karishma_behera) March 14, 2023