GHMC MeeSeva WhatsApp Number: అరచేతిలోనే జీహెచ్‌ఎంసీ ఆఫీస్‌! వాట్సాప్‌లోనే బర్త్‌ సర్టిఫికెట్‌ నుంచి 9 రకాల సేవలు!

GHMC MeeSeva WhatsApp Number:హైదరాబాద్‌ వాసులకు శుభవార్త! జీహెచ్‌ఎంసీ పరిధిలోని ఆస్తి పన్ను, జనన మరణ ధృవీకరణ పత్రాల సవరణ వంటి 9 కీలక సేవలు వాట్సాప్‌లో పొందవచ్చు. 

ఇంటి నుంచే జీహెచ్‌ఎంసీ సేవలు: మీసేవ వాట్సాప్ చాట్‌బాట్ ద్వారా కొత్తగా 9 రకాల సేవలు

Source : Social Media

Show Quick Read

Key points generated by AI, verified by newsroom

• మీసేవ వాట్సాప్ ద్వారా జీహెచ్ఎంసీ తొమ్మిది కొత్త సేవలు అందుబాటులోకి.
• ఇంటి నుండే ఆస్తి పన్ను, జనన, మరణ నమోదు సేవలు పొందవచ్చు.
• ప్రభుత్వ కార్యాలయాల చుట్టూ తిరిగే శ్రమ, ఖర్చు తగ్గుతుంది.
• 8096958096 నంబర్ కు మెసేజ్ చేసి సేవలు పొందవచ్చు.

GHMC MeeSeva WhatsApp Number:హైదరాబాద్‌లో బర్త్ సర్టిఫికెట్ సవరణ కోసమో లేదా ప్రాపర్టీ ట్యాక్స్‌ చెల్లింపు కోసమో ప్రభుత్వ ఆఫీస్‌ల చుట్టూ తిరగడం అంటే అగ్నిపరీక్షే. కానీ, మారుతున్న కాలంతోపాటు  పాలన కూడా ప్రజల అరచేతిలోకి వచ్చేసింది. తెలంగాణ ప్రభుత్వ ఐటీ, కమ్యూనికేషన్ల విభాగం ఆధ్వర్యంలోని మీ సేవ ప్లాట్‌ఫామ్, గ్రేటర్ హైదరాబాద్‌ మున్సిపల్ కార్పొరేషన్ పరిధిలోని ప్రజల కోసం విప్లవాత్మక మార్పులు చేపట్టింది. 

తెలంగాణ మీ సేవ ప్లాట్‌ఫామ్ తన వాట్సాప్ చాట్‌బాట్‌ సేవలను మరింత విస్తరించింది. గతంలో ఉన్న సేవల కంటే అదనంగా, ఇప్పుడు తొమ్మిది కొత్త జీహెచ్ఎంసీ సేవలను ఈ డిజిటల్‌ ప్లాట్‌ఫామ్‌లో చేర్చారు. దీని వల్ల హైదరాబాద్‌ నివాసితులు తమ ఇంటి నుంచే కేవలం ఒక వాట్సాప్‌ మెసేజ్‌తో తమ పనులను పూర్తి చేసుకోవచ్చు. కార్యాలయాలకు వెళ్లి గంటల తరబడి వేచి చూడాల్సిన అవసరం లేకుండానే, నేరుగా చాట్‌ ఇంటర్‌ఫేస్‌ ద్వారా దరఖాస్తు చేసుకోవడానికి వీలు కలుగుతుంది. 

కొత్తగా అందుబాటులోకి వచ్చిన 9 సేవలు 

ఆస్తి పన్ను సేవలు, పన్ను చెల్లింపులు, విచారణలు అందుబాటులోకి వచ్చాయి. వ్యాపారస్తులు సులభంగా తమ లైసెన్స్‌లను అప్‌డేట్‌్ చేసుకోవచ్చు. పేర్లు లేదా ఇతర వివరాలు జనన ధృవీకరణ పత్రాల్లో సవరణలు ఉంటే సరిదిద్దుకోవచ్చు. ప్రాపర్టీ డోర్ నంబర్‌ సవరణ చేసుకోవచ్చు.  పేరు మార్పు, సవరణ, ఇంటి వద్ద జరిగిన జననాల నమోదు, ఇంటి వద్ద జరిగిన మరణాల నమోదు, ఇతర పౌర సేవలు ఇందులో పొందవచ్చు. 

తెలంగాణ ప్రభుత్వం రాష్ట్రవ్యాప్తంగా పౌర సేవలను డిజిటలైజ్‌ చేయాలనే లక్ష్యంతో ఈ చర్యలు చేపట్టింది. ప్రతి ఒక్కరి దగ్గర స్మార్ట్ ఫోన్, వాట్సాప్‌ అందుబాటులో ఉన్నాయి. ఇతర యాప్‌లు డోన్‌లోడ్‌ చేయాల్సిన అవసరం లేకుండా నేరుగా పని పూర్తి అవుతుంది. 

ప్రభుత్వ కార్యాలయాలకు వెళ్లే శ్రమ, రవాణా ఖర్చులు తప్పుతాయి. మధ్యవర్తుల ప్రమేయం లేకుండా నేరుగా ప్రభుత్వం నుంచే సేవలు పొందవచ్చు. గత ఏడాది నవంబర్‌ 18న ప్రారంభమైన ఈ వాట్సాప్‌ ఛానెల్‌కు ప్రజల నుంచి విశేష స్పందన లభిస్తోంది. ముఖ్యంగా ఆదాయ ధృవీకరణ పత్రాలు, పోలీసు చాలనాలు, విద్యుత్‌ బిల్లుల చెల్లింపుల కోసం ప్రజలు దీనిని విరివిగా వాడుతున్నారు. 
 
మీసేవ వాట్సాప్‌ సేవలను ఉపయోగించుకోవడం చాలా సులభం. దీని కోసం మీరు ఫాలో చేయాల్సిన స్టెప్స్ ఉన్నాయి ముందుగా మీరు 8096958096 నెంబర్‌ను సేవ్ చేసి పెట్టుకోవాలి. వాట్సాప్‌లోకి వెళ్లి ఈ నెంబర్‌కు హాయ్, హలో అని మెసేజ్ చేయాలి. మీరు మెసేజ్ పంపగానే చాట్‌బాట్ స్పందిస్తుంది. స్క్రీన్‌పై కనిపించే ప్రాంప్ట్‌లను అనుసరిస్తూ మీకు కావాల్సిన సేవను ఎంచుకోండి. ఒక వేళ ఆ సేవకు ఫీజు ఉంటే అక్కడే ఉన్న లింక్‌ ద్వారా ఆన్‌లైన్‌లో పేమెంట్‌ పూర్తి చేయవచ్చు. 

మరిన్ని చదవండి

మీరు చనిపోయాక WhatsApp, Gmail డేటా ఏమవుతుంది? అవి ఫ్యామిలీ యాక్సెస్ చేయవచ్చా..

మీ వాట్సాప్ అకౌంట్ ఇకపై మరింత సేఫ్.. ఇతరులు వాడితే వెంటనే అలర్ట్