Hyderabad Metro Fact Check: "అమీర్‌పేట అగ్ని ప్రమాదంలో మెట్రో పిల్లర్‌కు నష్టం జరగలే, పగుళ్లు ప్రచారం ఫేక్" హైదరాబాద్‌ మెట్రో ఎండీ ప్రకటన

గురువారం అమీర్‌పేట్, మైత్రీవనం సమీపంలోని షాపింగ్ కాంప్లెక్స్‌లో భారీ అగ్నిప్రమాదం చోటు చేసుకుంది. అగ్ని కీలల ధాటికి మెట్రో పిల్లర్ క్రాక్ ఇచ్చిందని ప్రచారం సాగింది. దీన్ని అధికారులు ఖండించారు.

"అమీర్‌పేటలో అగ్ని ప్రమాదంతో మెట్రో పిల్లర్‌లో పగుళ్లు రాలేదు" హైదరాబాద్‌ మెట్రో ఎండీ వివరణ 

Source : Social Media

Show Quick Read

Key points generated by AI, verified by newsroom

• అమీర్‌పేట అగ్ని ప్రమాదం: మెట్రో పిల్లర్‌కు పగుళ్లు వచ్చాయని ప్రచారం.
• HMRL ప్రమాదం లేదని, నిర్మాణం సురక్షితంగా ఉందని స్పష్టం చేసింది.
• వినైల్ షీట్లే కాలిపోయాయి; మెట్రో సేవలకు ఎటువంటి అంతరాయం లేదు.

Hyderabad Metro Fact Check: గురువారం అమీర్‌పేటలో భారీ అగ్ని ప్రమాదం జరిగింది. ఈ దుర్ఘటనలో కోట్లలో నష్టం వాటిల్లింది. ఎలాంటి ప్రాణ నష్టం జరగలేదు. అయితే ప్రమాదం జరిగిన ప్రదేశానికి సమీపంలో ఉన్న మెట్రో పిల్లర్‌కు పగుళ్లు వచ్చాయని ప్రచారం జోరుగా సాగింది. దీనిపై ప్రభుత్వం, హైదరాబాద్ మెట్రో రైల్ లిమిటెడ్ పరిశీలన జరిపారు. ఎలాంటి ప్రమాదం వాటిల్లలేదని తేల్చి చెప్పారు. జరుగుతున్నదంతా తప్పుడు ప్రచారంగా కొట్టిపారేశారు. 

జూన్ 4, 2026 గురువారం మధ్యాహ్నం అమీర్‌పేట్, మైత్రీవనం సమీపంలోని  కెఎస్సార్ ఫ్యాషన్స్ (హెల్మెట్ బజార్) షాపింగ్ కాంప్లెక్స్‌లో భారీ అగ్నిప్రమాదం చోటు చేసుకుంది. ఈ భవనం మెట్రో పిల్లర్ నంబర్ A1043కి సమీపంలో ఉంది. దీంతో మంటల తీవ్రతకు పిల్లర్‌కు పగుళ్లు వచ్చాయంటూ సోషల్ మీడియాలో  కొన్ని వార్తా ఛానళ్లలో విస్తృతంగా ప్రచారమైంది.  

అధికారిక వివరణ

జూన్ 4, 2026 గురువారం మధ్యాహ్నం అమీర్‌పేట్, మైత్రీవనం సమీపంలోని "కెఎస్సార్ ఫ్యాషన్స్" (హెల్మెట్ బజార్) షాపింగ్ కాంప్లెక్స్‌లో భారీ అగ్నిప్రమాదం సంభవించింది. ఈ భవనం మెట్రో పిల్లర్ నంబర్ A1043 కి ఆతీ సమీపంలో ఉండటంతో, మంటల తీవ్రత వల్ల పిల్లర్‌కు పగుళ్లు వచ్చాయంటూ… pic.twitter.com/CCOFqESRjv

— FactCheck_Telangana (@FactCheck_TG) June 5, 2026

అమీర్‌పేట్‌లోని మెట్రో పిల్లర్ నంబర్ A1043కి గానీ, ఇతర మెట్రో వ్యవస్థకు గానీ ఈ ప్రమాదంతో నష్టం వాటిల్లలేదని హైదరాబాద్ మెట్రో రైల్ లిమిటెడ్ (HMRL) మేనేజింగ్ డైరెక్టర్ సర్ఫరాజ్ అహ్మద్ అధికారికంగా స్పష్టం చేశారు. ఆస్తులన్నీ యథావిధిగా, సురక్షితంగా ఉన్నాయని అధికారులు తెలియజేశారు. మంటల సెగలకు పిల్లర్‌పై ఉన్న వినైల్ అడ్వర్టైజ్‌మెంట్ షీట్లు మాత్రమే కాలిపోయాయని చెప్పారు. లోపలి ప్రధాన కాంక్రీట్ పిల్లర్‌కు గానీ, ఇతర నిర్మాణ, నిర్వహణ భాగాలకు గానీ ఎలాంటి ముప్పు వాటిల్లలేదన్నారు. దట్టమైన పొగ కారణంగా ప్రయాణికులకు కాస్త ఇబ్బంది కలిగినప్పటికీ.. మెట్రో రైలు సేవలకు ఎక్కడా అంతరాయం కలగలేదన్నారు. 

Hyderabad Metro Remains Safe & Fully Operational

Following the fire incident near Mythrivanam, Ameerpet, Hyderabad Metro Rail Limited (HMRL) has confirmed that no damage has been caused to the Metro Rail system or its infrastructure.

HMRL Managing Director Mr. Sarfaraz Ahmad… pic.twitter.com/5MRZj8uKJq

— Hyderabad Metro Rail Ltd. (@HMRLHydmetro) June 5, 2026

రైళ్ల రాకపోకలు సాధారణంగానే కొనసాగాయని, అయినప్పటికీ, ముందుజాగ్రత్త చర్యగా ప్రమాదం జరిగిన ప్రాంతంలోని మెట్రో ఆస్తులపై అధికారులు లోతైన పరిశీలన చేసినట్టు వెల్లడించారు. మెట్రో మౌలిక సదుపాయాలు పూర్తిగా సురక్షితంగా ఉన్నాయని మెట్రో అధికారులు ప్రకటించారు. ఎలాంటి ఆటంకాలు లేకుండా పనిచేస్తున్నాయని HMRL నిర్ధారించింది.

పౌరులు ఇటువంటి పుకార్లను నమ్మవద్దని మెట్రో ఎండీ విజ్ఞప్తి చేశారు. కేవలం అధికారిక ప్రకటనలు, ధృవీకరించిన సమాచారాన్ని మాత్రమే విశ్వసించాలని  కోరారు.  

మరిన్ని చదవండి

హైదరాబాద్‌లోని అమీర్‌పేటలో భారీ అగ్ని ప్రమాదం - ఇరవైకిపైగా దుకాణాలు దగ్ధం!

అమీర్‌పేట అగ్నిప్రమాదంతో మెట్రోకు ముప్పు - పిల్లర్ 1043కి క్రాక్ - ఎమర్జెన్సీ చర్యలు