News
News
X
IND in ZIM, 3 ODI Series, 2022 | 2nd ODI | Harare Sports Club, Harare - 20 Aug, 12:45 pm IST
(Match Yet To Begin)
ZIM
ZIM
VS
IND
IND
Asia Cup Qualifier, 2022 | Match 1 | Al Amerat Cricket Ground Oman Cricket (Ministry Turf 1), Oman - 20 Aug, 07:30 pm IST
(Match Yet To Begin)
SIN
SIN
VS
HK
HK

Breaking News Telugu Live Updates: బీఎస్ఎన్ఎల్ ఆదాయానికి గండి కొడుతున్న కేటుగాళ్ళు

ఏపీ, తెలంగాణ రాష్ట్రాలతో పాటు దేశ వ్యాప్తంగా, అంతర్జాతీయంగా నేడు జరిగే వార్తల అప్‌డేట్స్, వివరాలు మీకోసం

FOLLOW US: 
బీఎస్ఎన్ఎల్ ఆదాయానికి గండి కొడుతున్న కేటుగాళ్ళు

నిజామాబాద్ జిల్లాలో సైబర్ మోసాలకు పాల్పడుతున్న ఇద్దరిని పోలీసులు అరెస్టు చేశారు.  జిల్లా కేంద్రంలోని సుభాష్ నగర్ లోని ఓ ఇంట్లో  అసాంఘిక కార్యక్రమాలు, సైబర్ నేరాలకు పాల్పడుతున్న బాగోతాన్ని బయటపెట్టారు. దేశ భద్రతకు ముప్పు వాటిల్లే విధంగా, ఆర్థిక వ్యవస్థను బలహీనపరిచడానికి సైబర్ నేరాలకు పాల్పడుతున్న ఉగ్గెర గణేషును పోలీసులు అదుపులోకి తీసుకున్నారు. మరో నిందితుడు సిద్ధపల్లి అజయ్ కుమార్ పరారీలో ఉన్నాడు. సీపీ నాగరాజు తెలిపిన వివరాలు ఇలా ఉన్నాయి. నిందితుల నుంచి కంప్యూటర్, వాయిస్ ఓవర్ పరికరం, ఇంటర్నెట్ మెటీరియల్స్, పలు కంపెనీలకు సంబంధించిన సిమ్ కార్డులను స్వాధీనం చేసుకున్నట్లు తెలిపారు. శుక్రవారం రాత్రి సుభాష్ నగర్ లోని ఓ ఇంట్లో పక్కా సమాచారంతో త్రీ టౌన్ పోలీసులు దాడి చేశారు. నిందితులపై 4వ టౌన్ లోనూ కేసు నమోదైంది.  అయితే నిందితుడు గణేష్ ను 4వ టౌన్ పోలీసులు అరెస్ట్ చేశారు. మరో నిందితుడు సిద్దపల్లి అజయ్ కుమార్ పరారీలో ఉన్నట్లు తెలిపారు. వీళ్లు బీఎస్ఎన్ఎల్ సంస్థకు వచ్చే ఆదాయాన్ని గండి కొడుతున్నారని పోలీసులు తెలిపారు. కేసును ఛేదించిన టౌన్ సీఐ కృష్ణ, ఎస్సై సాయినాథ్, 4వ టౌన్ ఎస్సై సందీప్, ఎస్సై భాస్కరాచారితో పాటు వారి సిబ్బందికి అభినందనలు తెలిపారు సీపీ నాగరాజు. 

 

అన్నమయ్య జిల్లాలో ఘోర రోడ్డు ప్రమాదం, నలుగురు మృతి 

అన్నమయ్య జిల్లా అనంతరాజుపేటలో ఘోర ప్రమాదం జరిగింది. కారు ఆటో ఢీకొని నలుగురు మృతి చెందారు. మరో ఇద్దరికి తీవ్రగాయాలు అయ్యాయి. మృతుల్లో ఇద్దరు పిల్లలు, మహిళలు ఉన్నారు. గాయపడిన వారిని స్థానిక ఆసుపత్రికి తరలించారు. 

ఏపీలో 108 సేవలకు అంతరాయం

సర్వర్ లో సాంకేతిక కారణాల వలన ఆంధ్రప్రదేశ్ లో 108  అత్యవసర సర్వీసెస్ ఫోన్ నెంబర్ తాత్కాలికంగా పని చేయడం లేదు.  కావున అంబులెన్స్ సర్వీస్ కోసం 104(1) కి ఫోన్  చేయవలసిందిగా ప్రజలకు అధికారులు తెలిపారు. 

 సూరంపేట తండా పోతు చెరువుకు గండి, పంట పొలాలను ముంచెత్తిన వరద నీరు 

గత కొన్ని రోజులుగా కురుస్తున్న  భారీ వర్షాలకు  జగిత్యాల జిల్లా కొడిమ్యాల మండలం సూరంపేట తండా పోతు చెరువు కట్ట తెగిపోయింది. చెరువు నీరు పంట పొలాలను ముంచెత్తింది. భారీ ఆస్తి నష్టం జరిగే అవకాశాలు ఉన్నాయని గ్రామస్తులు అంటున్నారు.  మండల అధికారులు, పోలీస్ శాఖ ఎటువంటి  నష్టం జరగకుండా ముందస్తు చర్యలు చేపట్టారు. మరోవైపు దిగువ ప్రాంతాల్లో ఉన్న బ్రిడ్జిలు, రహదారులు మునిగే ప్రమాదం ఉన్నందున సమీప గ్రామాల వారు అప్రమత్తంగా ఉండాలని అధికారులు హెచ్చరిస్తున్నారు. 

 సూరంపేట తండా పోతు చెరువుకు గండి, పంట పొలాలను ముంచెత్తిన వరద నీరు 

గత కొన్ని రోజులుగా కురుస్తున్న  భారీ వర్షాలకు  జగిత్యాల జిల్లా కొడిమ్యాల మండలం సూరంపేట తండా పోతు చెరువు కట్ట తెగిపోయింది. చెరువు నీరు పంట పొలాలను ముంచెత్తింది. భారీ ఆస్తి నష్టం జరిగే అవకాశాలు ఉన్నాయని గ్రామస్తులు అంటున్నారు.  మండల అధికారులు, పోలీస్ శాఖ ఎటువంటి  నష్టం జరగకుండా ముందస్తు చర్యలు చేపట్టారు. మరోవైపు దిగువ ప్రాంతాల్లో ఉన్న బ్రిడ్జిలు, రహదారులు మునిగే ప్రమాదం ఉన్నందున సమీప గ్రామాల వారు అప్రమత్తంగా ఉండాలని అధికారులు హెచ్చరిస్తున్నారు. 

జులై 26న ఫిల్మ్ ఛాంబర్ లో సినీ ప్రముఖుల సమావేశం  

Tollywood : చిత్ర పరిశ్రమ సమస్యలపై చర్చించేందుకు  ఫిల్మ్ ఛాంబర్ ఆఫ్ కామర్స్ ఈ నెల 26న సమావేశం కానుంది. మీటింగ్ లో  నిర్మాతలు , డిస్ట్రిబ్యూటర్లు, ఎగ్జిబిటర్లు, స్టూడియో సెక్టార్ సభ్యులు పాల్గొనున్నారు. సభ్యుల సూచనలతో షూటింగ్ ల బంద్ లపై ఫిల్మ్ ఛాంబర్  నిర్ణయం తీసుకోంది. అప్పటి వరకు సినిమా కార్యకలాపాలను యథావిధిగా కొనసాగించవచ్చని ప్రకటించారు.  

Nizamabad Rains: నిజామాబాద్ జిల్లాలో అర్థరాత్రి నుంచి కురుస్తున్న వర్షం

నిజామాబాద్ జిల్లాలో అర్థరాత్రి నుంచి కురుస్తున్న వర్షం. 
జిల్లా వ్యాప్తంగా ముసురేసిన వాన. 
పొలం పనుల్లో బిజీగా మారిన అన్నదాతలు. 
ఇటీవల కురిసిన వర్షాలకు భారీగా దెబ్బ తిన్న పంటలు. 
నిజాo సాగర్ ప్రాజెక్ట్ పూర్తిస్తాయికి చేరుకుంది. 
శ్రీరాం సాగర్ ప్రాజెక్ట్ లోకి వరద కొనసాగుతూనే ఉంది.  
ఇప్పటికే ఉమ్మడి జిల్లాలో 30 వేల ఎకరాల్లో సోయా పంట నష్టం.

Palnadu District: నరసరావుపేటలో అంధకారంలో ఎమ్మార్వో ఆఫీసు, బిల్లు కట్టలేదని పవర్ కట్

పల్నాడు జిల్లా నరసరావుపేటలో అంధకారంలో తహశీల్దార్ కార్యాలయం..

నిత్యం ప్రజా సేవలో ఉండే ప్రభుత్వ కార్యాలయంలో  కరెంట్ కట్

24 లక్షల రూపాయల బిల్లు చెల్లించలేదని  విద్యుత్ కట్ చేసిన విద్యుత్ శాఖా అధికారులు..

అంధకారంలో లోనే విధులు నిర్వహిస్తున్న తహశీల్దార్ కార్యాలయ సిబ్బంది

Jeedimetla Fire Accident: జీడిమెట్ల పారిశ్రామికవాడలో భారీ అగ్ని ప్రమాదం

మేడ్చల్ జిల్లా జీడిమెట్ల పారిశ్రామికవాడలోని విశిష్ట ల్యాబ్ లో భారీ అగ్ని ప్రమాదం.
మంటలు చెలరేగి దట్టమైన పొగలు ఆ ప్రాంతాన్ని కమ్ముకున్నాయి. సమాచారం అందుకున్న రెండు ఫైరింజన్ సిబ్బంది మంటల్ని అదుపులోకి తెచ్చేందుకు యత్నిస్తున్నారు. 

Food Poisoning: చల్లపల్లి బాలికల వసతి గృహంలో ఫుడ్ పాయిజన్, ఏడుగురు బాలికలకు అస్వస్థత

కృష్ణా జిల్లా చల్లపల్లి బాలికల వసతి గృహంలో ఫుడ్ పాయిజన్

ఏడుగురు బాలికలకు అస్వస్థత, ఆస్పత్రిలో ఆసుపత్రిలో కొనసాగుతున్న చికిత్స..

వాంతులు, విరోచనాలు, తలనొప్పి, కడుపు నొప్పితో బాధపడుతున్న బాలికలు

Janagama: మంత్రి ఎర్రబెల్లిని అడ్డుకునే ప్రయత్నం చేసిన విఆర్ఏలు..

జనగామ జిల్లా:  మంత్రి ఎర్రబెల్లి దయాకర్ కాన్వాయ్ ని అడ్డుకునే ప్రయత్నం చేసిన విఆర్ఏలు.. 
జిల్లా కలెక్టర్ కార్యాలయం వద్ద ఉద్రిక్తత.., నిరసనకు దిగిన విఆర్ఏలు.., వరదపై సమీక్షసమావేశం వచ్చిన మంత్రి దయాకర్ కాన్వాయ్ అడ్డగింత..
అడ్డుకున్న విఆర్ఏలను అరెస్ట్ చేసి జనగామ పోలీసు స్టేషన్ కి తరలింపు... తమ సమస్యలు పరిష్కరించాలని డిమాండ్..  
పోలీసులకు విఆర్ఏ లకు మధ్య స్వల్ప తోపులాట.., కలెక్టరేట్లోకి చొచ్చుకెళ్లే ప్రయత్నం చేసిన విఆర్ఏ నిలువరించిన పోలీసులు..

Rain Updates: తెలంగాణలో కొన్ని జిల్లాల్లో 4 రోజులు వర్షాలు

నైరుతి రుతుపవనాలు, అల్పపీడన ద్రోణి బలపడటంతో ఆంధ్రప్రదేశ్‌లో మూడు రోజులపాటు వర్షాలు కురవనున్నాయి. తెలంగాణలో జూలై 27 వరకు భారీ నుంచి అతి భారీ వర్షాలు కురుస్తాయని భారత వాతావరణ శాఖ తెలిపింది. తెలంగాణలో కొన్ని జిల్లాలకు రెడ్ అలర్ట్ అలర్ట్ జారీ చేయగా, కొన్ని జిల్లాలకు ఆరెంజ్, ఎల్లో అలర్ట్ సైతం జారీ చేశారు.
బలపడిన రుతుపవన ద్రోణి ఇప్పుడు గంగానగర్, రోహ్తక్, గ్వాలియర్, సిధి, అంబికాపూర్, సంబల్పూర్, బాలాసోర్ మరియు ఆగ్నేయ దిశగా తూర్పు మధ్య బంగాళాఖాతం వరకు ప్రయాణిస్తోంది. 

అల్పపీడన ద్రోణి సగటు సముద్ర మట్టంపై 0.9 కి.మీ వరకు విస్తరించి ఉందని వాతావరణ కేంద్రం తెలిపింది. మరోవైపు జార్ఖండ్, పరిసర ప్రాంతాలపై ఉన్న ఉపరితల ఆవర్తనం ఇప్పుడు ఉత్తర ఒడిశా, పరిసర ప్రాంతాలపై ఉండగా.. సగటు సముద్ర మట్టంపై 5.8 కి.మీ ఎత్తు వరకు విస్తరించి, ఎత్తుకు వెళ్లే కొద్దీ నైరుతి దిశగా వంగి ఉంది. వీటి ప్రభావంతో ఏపీ, తెలంగాణలో రానున్న మూడు నుంచి 5 రోజులు పాటు భారీ నుంచి అతి భారీ వర్షాలు కురుస్తాయని ప్రజలు అప్రమత్తంగా ఉండాలని హెచ్చరించారు.

Background

అమరావతి: ఏపీ సీఎం వైఎస్ జగన్ మోహన్ రెడ్డి కీలక నిర్ణయం తీసుకున్నారు. ఆగస్టు 4 నుంచి ప్రతి నియోజకవర్గానికి చెందిన 50 మంది కీలక కార్యకర్తలతో భేటీ అవుతానని చెప్పారు. క్యాంపు కార్యాలయంలో వైయస్సార్‌సీపీ ప్రాంతీయ సమన్వయకర్తలు, జిల్లా పార్టీ అధ్యక్షులతో ముఖ్యమంత్రి వైఎస్ జగన్ శుక్రవారం భేటీ అయ్యారు. పార్టీ సమన్వయ కర్తలు, జిల్లా పార్టీ అధ్యక్షులు క్రియాశీలకంగా పనిచేయాలని, వారికి అప్పగించిన బాధ్యతలు పూర్తిస్థాయిలో నిర్వర్తించాలని సూచించారు. ఇటీవల జరిగిన పార్టీ సమీక్షలో గడప గడపకు మంత్రులు, ప్రజా ప్రతినిధులు వెళ్లడంపై ఆరా తీసిన సీఎం జగన్ తాజాగా సమన్వయకర్తలు, పార్టీ జిల్లా అధ్యక్షులు, పార్టీ కీలక కార్యకర్తలపై ఫోకస్ చేసినట్లు కనిపిస్తున్నారు.

పర్యటనలు చేయాలని ఆదేశం..
గడపగడపకూ కార్యక్రమాన్ని సమర్థవంతంగా ముందుకు తీసుకెళ్లాలని, అందరూకూడా చిత్తశుద్ధితో, అంకిత భావంతో పనిచేయాలని సీఎం జగన్ సూచించారు. సమన్వయకర్తలు, జిల్లా అధ్యక్షుల మీద అదనంగా బాధ్యతలు ఉన్నాయి. వారి నియోజకవర్గాలే కాకుండా, వారికి అప్పగించిన బాధ్యతలను కూడా చూసుకోవాల్సి ఉంటుందన్నారు. మీ అందరిమీద నమ్మకంతో పార్టీ సమన్వయకర్తలుగా, జిల్లా అధ్యక్షులుగా బాధ్యత అప్పగించానని, పార్టీపరంగా కార్యక్రమాలను పర్యవేక్షణ చేయాల్సిన బాధ్యత వీరికి ఉందని వారి కర్తవ్యాన్ని గుర్తుచేశారు.

తెలంగాణలో భారీ వర్షాలు
తెలంగాణలో మరో 5 రోజులపాటు వర్షాలు కురవనున్నాయి. భారీ నుంచి అతి భారీ వర్షాలు కురుస్తాయని అంచనా వేసిన హైదరాబాద్ వాతావరణ కేంద్రం .. మహబూబాబాద్, జనగామ, సూర్యాపేట, యాదాద్రి భువనగిరి జిల్లాలకు రెడ్ అలర్ట్ జారీ చేశారు. హైదరాబాద్, ఖమ్మం, వరంగల్ రూరల్, వరంగల్ అర్బన్, నల్గొండ, రంగారెడ్డి, మేడ్చెల్ మల్కాజిగిరి జిల్లాల్లో అక్కడక్కడ భారీ వర్షాలు కురుస్తాయని ఆరెంజ్ అలర్ట్ జారీ చేశారు. రాష్ట్రంలో మిగతా జిల్లాలైన కరీంనగర్, జయశంకర్ భూపాలపల్లి, పెద్దపల్లి, ములుగు, భద్రాద్రి కొత్తగూడెం, వికారాబాద్, సంగారెడ్డి, మహబూబ్ నగర్, నాగర్ కర్నూల్, వనపర్తి, నారాయణపేట, జోగులాంట గద్వాల్ జిల్లాల్లోనూ భారీ వర్షాలు కురుస్తాయని ఎల్లో అలర్ట్ సైతం జారీ చేసింది హైదరాబాద్ వాతావరణ కేంద్రం. ప్రజలు అత్యవసరమైతే తప్ప, ఇళ్ల నుంచి బయటకు రాకూడదని అధికారులు హెచ్చరించారు.

హైదరాబాద్‌లో చాలా రోజుల నుంచి  ఇంధన ధరలు నిలకడగా ఉన్నాయి. హైదరాబాద్‌లో జూలై 23 (శనివారం) లీటర్ పెట్రోల్ ధర (Petrol Price Today 23 July 2022) రూ.109.66 కాగా, డీజిల్ లీటర్ ధర రూ.97.82 గా ఉంది. దేశ రాజధాని ఢిల్లీలోనూ పెట్రోల్, డీజిల్ ధరలు స్థిరంగా ఉన్నాయి. నేడు ఢిల్లీలో పెట్రోల్ లీటర్ ధర రూ.96.72, డీజిల్ ధర రూ.89.62 వద్ద పాత ధరలకే విక్రయిస్తున్నారు. 

తెలంగాణలో ఇంధన ధరలు..
నేడు వరంగల్‌లో పెట్రోల్ ధర (Petrol Price In Warangal) నిలకడగా ఉంది. పెట్రోల్ లీటర్ ధర రూ.109.16 కాగా, డీజిల్‌‌ లీటర్ ధర రూ.97.35 అయింది. 
వరంగల్ రూరల్ జిల్లాలో పెట్రోల్ లీటర్ ధర రూ.109.34 కాగా, డీజిల్‌‌‌ లీటర్ ధర రూ.97.54 వద్ద విక్రయాలు జరుగుతున్నాయి.
కరీంనగర్‌లో ఇంధన ధరలు (Petrol Price in Karimnagar) పెరిగాయి. 15 పైసలు పెరగడంతో కరీంనగర్‌లో పెట్రోల్ లీటర్ ధర రూ.110 కాగా, 14 పైసలు పెరిగి డీజిల్ ధర రూ.98.13 అయింది. 

ఆంధ్రప్రదేశ్‌లో పెట్రోల్, డీజిల్ ధరలు..
విజయవాడలో ఇంధన ధరలు మారాయి. పెట్రోల్‌ (Petrol Price in Vijayawada 23 July 2022) లీటర్ ధర రూ.111.71 కాగా, 34 పైసలు పెరిగి డీజిల్ లీటర్ ధర రూ.99.46 అయింది. విశాఖపట్నంలో ఇంధన ధరలు పెరిగాయి. విశాఖలో 50 పైసలు పెరగడంతో లీటర్ పెట్రోల్ ధర రూ.110.98 అయింది. డీజిల్‌ లీటర్ ధర రూ.98.74 అయింది. చిత్తూరులో 55 పైసలు పెరిగి పెట్రోల్ లీటర్ రూ.112.51 కాగా, డీజిల్ ధర సెంచరీ కొట్టింది. చిత్తూరులో డీజిల్ లీటర్ ధర రూ.100.08 అయింది. కొద్ది రోజులుగా ఇక్కడ పెట్రోలు ధరల్లో ఎక్కువగా మార్పులు కనిపిస్తున్నాయి. కర్నూలులో పెట్రోల్ ధర రూ.111.76 కాగా, డీజిల్ ధర రూ. 99.48 అయింది. నెల్లూరులో పెట్రోల్ ధర రూ.111.48 కు చేరింది. డీజిల్ ధర రూ.99.23 అయింది.