Cyberabad Traffic Police: హెల్మెట్, మిర్రర్స్ లేవా పుష్ప... సైబరాబాద్ ట్రాఫిక్ పోలీసుల వినూత్న ప్రచారం

ప్రపంచ వ్యాప్తంగా విడుదలైన పుష్ప సినిమా హిట్ టాక్ తో దూసుకెళ్తోంది. సైబరాబాద్ ట్రాఫిక్ పోలీసులు పుష్ప మూవీపై ఓ ట్వీట్ చేశారు. వాహనదారులకు వినూత్నంగా అవగాహన కల్పించారు.

పుష్పపై సైబరాబాద్ ట్రాఫిక్ పోలీసుల ట్వీట్(Image Source :Cyberabad traffice police twitter)

భారీ అంచనాలతో ఐకాన్ స్టార్ అల్లు అర్జున్ పుష్ప మూవీ శుక్రవారం రిలీజ్ అయ్యింది. అల్లు అర్జున్, సుకుమార్ కాంబోలో తెరకెక్కిన ఈ సినిమా హిట్ టాక్ తో ప్రేక్షకులను ఉర్రూతలూగిస్తోంది. థియేటర్లలో తగ్గేదే లే అంటూ పుష్పరాజ్ దూసుకెళ్తోంది. పుష్ప సినిమాపై సైబరాబాద్ ట్రాఫిక్ పోలీసులు స్పందించారు. రోడ్డు ప్రమాదాలపై అవగాహన కల్పించేందుకు వినూత్నంగా ప్రచారం చేసే సైబరాబాద్ పోలీసులు పుష్పపై పోస్టర్ క్రియేట్ చేశారు. 'హెల్మెట్, మిర్రర్స్ లేవా... పుష్ప' అని సైబరాబాద్ ట్రాఫిక్ పోలీసులు ట్వీట్ చేశారు. పుష్ప పోస్టర్ లో బైక్ పై ఉన్న అల్లు అర్జున్ ఫోటోను షేర్ చేస్తూ పుష్ప ట్రైలర్ లో ఫేమస్ అయినా పార్టీ లేదా పుష్ప డైలాగుని మార్చి హెల్మెట్, సైడ్ మిర్రర్స్ లేవా పుష్ప అంటూ మీమ్ చేశారు. ప్రస్తుతం ఈ ట్వీట్ నెట్టింట్లో వైరల్ అయ్యింది. 

Wear Helmet & Fix Rearview Mirrors. Be Safe.#RoadSafety #RoadSafetyCyberabad #Pushpa #PushpaRaj pic.twitter.com/USlupBLHIR

— CYBERABAD TRAFFIC POLICE సైబరాబాద్ ట్రాఫిక్ పోలీస్ (@CYBTRAFFIC) December 17, 2021

అవగాహనలో వినూత్నం

తెలంగాణలో పోలీసు ట్విట్టర్ ఖాతాలోకి వెళ్తే చాలా మీమ్స్ కనిపిస్తాయి. అవన్నీ చూసి నవ్వుకునేలా ఉన్నా అందులోని మెసేజ్ మాత్రం మన ప్రాణాలకు రక్షణ కోసమే. సోషల్ మీడియా ఆధారంగా చేసుకుని ప్రజల్లో అవగాహన పెంచుతుంటారు. అప్పుడప్పుడు ట్రోలింగ్ చేస్తుంటారు. వాహనదారులు తప్పులు చేస్తే ఆ ఫిక్ పెట్టి ట్రోల్ చేస్తున్నారు. ట్రాఫిక్ రూల్స్ సవ్యంగా పాటించాలని సైబరాబాద్ పోలీసులు సూచిస్తుంటారు. 

ప్రపంచ వ్యాప్తంగా విడుదలైన పుష్ప

సినీ ప్రేమికులు ఎప్పుడెప్పుడా అని ఎదురుచూసిన ‘పుష్ప’ సినిమా శుక్రవారం ఉదయం ప్రపంచ వ్యాప్తంగా విడుదలైంది. సుకుమార్‌-అల్లు అర్జున్‌ మాస్‌ కాంబినేషన్‌లో వచ్చిన పుష్ప సినిమా మంచి టాక్‌తో దూసుకెళ్తోంది. అల్లు అర్జున్ ఫ్యాన్స్ తగ్గేదేలే అంటూ థియేటర్లలో సందడి చేస్తున్నారు. అల్లు అర్జున్‌ను ఆర్య సినిమాతో తెలుగులో యువ ప్రేక్షకులకు దగ్గర చేసిన దర్శకుడు సుకుమార్. అల్లు అర్జున్‌కు మలయాళంలో మార్కెట్ ఏర్పడటానికి కారణం కూడా ఆ సినిమాయే. ఆర్య త‌ర్వాత ఇద్దరి కాంబినేష‌న్‌లో ఆర్య - 2 వ‌చ్చింది. అందులో హీరోది నెగెటివ్ షేడ్స్ ఉన్న రోల్. సుకుమార్ దర్శకత్వంలో అల్లు అర్జున్ నటించిన లేటెస్ట్ సినిమా పుష్ప: ద రైజ్. రష్మికా మందన్నా హీరోయిన్. అల్లు అర్జున్ ఫస్ట్ పాన్ ఇండియా మూవీ ఇది. దీంతో హిందీ ఇండస్ట్రీకి ఇంట్రడ్యూస్ అవుతున్నారు. ఆర్య, ఆర్య 2కు సంగీతం అందించిన దేవి శ్రీ ప్రసాద్, ఈ సినిమాకూ సంగీతం అందించారు. దాక్కో దాక్కో మేక, శ్రీవల్లి పాటలు ముఖ్యంగా సమంత డాన్స్ చేసిన స్పెషల్ సాంగ్ ఊ అంటావా మావా... ఊఊ అంటావా ప్రేక్షకుల్లోకి వెళ్లాయి. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి