CM Revanth serious : రెండేళ్లు అయినా కొంత మంది అధికారుల తీరులో మార్పులేదు - పథకాల అమలులో నిర్లక్ష్యాన్ని ఊరుకోను - రేవంత్ హెచ్చరిక
Telangana: అధికారుల తీరుపై సీఎం రేవంత్ అసంతృప్తి వ్యక్తం చేశారు. ప్రభుత్వ స్కీమ్స్ అమలులో నిర్లక్ష్యం సహించబోనని స్పష్టం చేశారు.
CM Revanth expressed dissatisfaction on officers: తెలంగాణ ముఖ్యమంత్రి రేవంత్ రెడ్డి, ప్రభుత్వ పథకాలు, అభివృద్ధి కార్యక్రమాల అమలులో నిర్లక్ష్య ధోరణిని విడనాడాలని అన్ని విభాగాల ప్రిన్సిపల్ సెక్రటరీలు, సెక్రటరీలు మరియు డిపార్ట్మెంట్ అధిపతులకు (HoDs) హెచ్చరికలు జారీ చేశారు. విధుల్లో నిర్లక్ష్యం కనిపిస్తే ప్రభుత్వం సహించబోదని స్పష్టం చేశారు. కొందరు అధికారుల పనితీరు సరిగా లేకపోవడంపై సీఎం అసంతృప్తి వ్యక్తం చేశారు. ప్రజాప్రభుత్వం అధికారంలోకి వచ్చి రెండేళ్లు గడిచినా, కొందరు అధికారులు తమ పనితీరును మార్చుకోలేదని ఆయన గుర్తు చేశారు.
సీఎం రేవంత్ రెడ్డి శనివారం తన నివాసంలో చీఫ్ సెక్రటరీ రామకృష్ణ రావు , సీఎం ఆఫీస్ సెక్రటరీలతో ప్రత్యేక సమావేశం నిర్వహించారు. ఈ సమావేశంలో, అధికారులు స్వతంత్ర నిర్ణయాలు తీసుకొని ప్రభుత్వానికి చెడ్డపేరు తెచ్చే చర్యలకు పాల్పడకూడదని ఆదేశించారు. రాష్ట్ర అభివృద్ధి , ప్రజల సంక్షేమం కోసం అధికారులు సమన్వయంతో పనిచేసి, ప్రభుత్వ లక్ష్యాలకు అనుగుణంగా విధులు నిర్వర్తించాలని సూచించారు.
సీఎం రేవంత్ రెడ్డి, అధికారులు సోమరితనాన్ని వదిలేసి, పథకాల ప్రయోజనాలను ప్రజలకు చేర్చడంలో మరింత చురుకుగా వ్యవహరించాలని ఆదేశించారు. చీఫ్ సెక్రటరీ కె. రామకృష్ణ రావుకు, అన్ని విభాగాల సెక్రటరీల నుంచి క్రమం తప్పకుండా నివేదికలు సేకరించి, పనుల పురోగతిని సమీక్షించాలని సూచించారు. అలాగే, సీఎం ఆఫీస్ అధికారులు ప్రతి వారం తమ డిపార్ట్మెంట్ల నివేదికలను సమర్పించాలని, ఆ నివేదికలను సీఎం స్వయంగా సమీక్షిస్తారని ఆదేశించారు.
కేంద్ర నిధుల స్థితిని సమీక్షిస్తూ, సీఎం రేవంత్ రెడ్డి, అన్ని విభాగాల సెక్రటరీలు వెంటనే చర్యలు తీసుకొని, పెండింగ్లో ఉన్న కేంద్ర గ్రాంట్లు , కేంద్ర ప్రాయోజిత పథకాల కింద నిధులను విడుదల చేయించేలా చూడాలని ఆదేశించారు. రాష్ట్ర వాటా ఇప్పటికే చెల్లించిన పథకాలకు ప్రాధాన్యత ఇవ్వాలని, కేంద్ర నిధుల విడుదలను వేగవంతం చేయాలని సూచించారు. ఏ ఫైల్ లేదా ప్రాజెక్ట్ పెండింగ్గా ఉండకూడదని, అన్ని పనులు జాప్యం లేకుండా పూర్తి కావాలని ఆదేశించారు.
CM Revanth Reddy warns of strict action against officials over delay in schemes implementation
— IPRDepartment (@IPRTelangana) October 18, 2025
CM unhappy on the poor performance of some officials
Officials warned not to take independent decisions and bring bad repute to government
CM instructs Chief Secretary to review… pic.twitter.com/T8y60LFodP
"ప్రజాప్రభుత్వం అధికారంలోకి వచ్చి రెండేళ్లు గడిచినా, కొందరు అధికారులు తమ పనితీరును మెరుగుపరచుకోలేదు. స్వతంత్ర నిర్ణయాలు తీసుకొని ప్రభుత్వానికి చెడ్డపేరు తెచ్చే చర్యలకు పాల్పడితే సహించేది లేదు. అధికారులు సమన్వయంతో పనిచేసి, రాష్ట్ర అభివృద్ధి మరియు ప్రజల సంక్షేమం కోసం కృషి చేయాలి" అని రేవంత్ పేర్కొన్నారు.
టాప్ హెడ్ లైన్స్
ట్రెండింగ్ వార్తలు
