Redmi 10 Launch: బడ్జెట్‌ ఫోన్ కొనాలనుకుంటే ఇదే బెస్ట్ ఆప్షన్ అనుకుంటారు- అలా ఉన్నాయి రెడ్‌మీ 10 ఫీచర్స్‌

ప్రముఖ స్మార్ట్ ఫోన్ షియోమీ తన రెడ్‌మీ 10 స్మార్ట్ ఫోన్‌ను మనదేశంలో లాంచ్ అయింది.

రెడ్‌మీ 10 స్మార్ట్ ఫోన్ మనదేశంలో లాంచ్ అయింది. (Image Credits: Redmi India)

రెడ్‌మీ 10 స్మార్ట్ ఫోన్ మనదేశంలో లాంచ్ అయింది. గతంలో లాంచ్ అయిన రెడ్‌మీ 9 స్మార్ట్ ఫోన్‌కు తర్వాతి వెర్షన్‌గా ఈ ఫోన్ మార్కెట్లోకి వచ్చింది. ఇందులో వాటర్ డ్రాప్ నాచ్ తరహా డిస్‌ప్లేను అందించారు. క్వాల్‌కాం స్నాప్‌డ్రాగన్ 680 ప్రాసెసర్‌పై ఈ ఫోన్ పనిచేయనుంది. రియల్‌మీ సీ35, మోటొరోలా మోటో ఈ40, టెక్నో స్పార్క్ 8 ప్రో, శాంసంగ్ గెలాక్సీ ఎం21 2021 ఎడిషన్‌లతో ఈ ఫోన్ పోటీ పడనుంది.

రెడ్‌మీ 10 ధర
ఇందులో రెండు వేరియంట్లు అందబుాటులో ఉన్నాయి. వీటిలో ప్రారంభ వేరియంట్ అయిన 4 జీబీ ర్యామ్ + 64 జీబీ స్టోరేజ్ ధర రూ.10,999గా నిర్ణయించారు. ఇక 6 జీబీ ర్యామ్ + 128 జీబీ స్టోరేజ్ వేరియంట్ ధర రూ.12,999గా ఉంది. కరీబియన్ గ్రీన్, మిడ్‌నైట్ బ్లాక్, పసిఫిక్ బ్లూ రంగుల్లో ఈ ఫోన్ కొనుగోలు చేయవచ్చు. హెచ్‌డీఎఫ్‌సీ బ్యాంకు కార్డుల ద్వారా కొనుగోలు చేస్తే రూ.1,000 అదనపు తగ్గింపు లభించనుంది. అంటే ప్రారంభ వేరియంట్‌ను రూ.10 వేలలోపు ధరకే కొనేయచ్చన్న మాట.

రెడ్‌మీ 10 స్పెసిఫికేషన్లు
ఆండ్రాయిడ్ 11 ఆధారిత ఎంఐయూఐ 13 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.7 అంగుళాల హెచ్‌డీ+ డిస్‌ప్లేను అందించారు. దీని యాస్పెక్ట్ రేషియో 20.6:9గా ఉంది. 400 నిట్స్ పీక్ బ్రైట్‌నెస్‌ను ఇందులో అందించారు. స్క్రీన్ ప్రొటెక్షన్ కోసం కార్నింగ్ గొరిల్లా గ్లాస్ 3 ప్రొటెక్షన్ కూడా ఇందులో ఉంది.

6 జీబీ వరకు ర్యామ్, 128 జీబీ వరకు స్టోరేజ్ ఇందులో అందించారు. స్టోరేజ్‌ను మైక్రో ఎస్‌డీ కార్డు ద్వారా పెంచుకునే అవకాశం ఉంది. క్వాల్‌కాం స్నాప్‌డ్రాగన్ 680 ప్రాసెసర్‌పై ఈ ఫోన్ పని చేయనుంది. 6000 ఎంఏహెచ్ బ్యాటరీని ఇందులో అందించారు. 18W ఫాస్ట్ చార్జింగ్‌ను ఇది సపోర్ట్ చేయనుంది.

ఇక కెమెరాల విషయానికి వస్తే... ఇందులో వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా... 2 మెగాపిక్సెల్ పొర్‌ట్రెయిట్ సెన్సార్ కూడా ఉంది. సెల్ఫీలు, వీడియో కాల్స్ కోసం ముందువైపు 5 మెగాపిక్సెల్ కెమెరా అందించారు.

4జీ ఎల్టీఈ, వైఫై, బ్లూటూత్ వీ5.0, జీపీఎస్/ఏ-జీపీఎస్, యూఎస్‌బీ టైప్-సీ పోర్టు, 3.5 ఎంఎం హెడ్ ఫోన్ జాక్ కూడా ఇందులో ఉన్నాయి. యాక్సెలరో మీటర్, యాంబియంట్ లైట్ సెన్సార్, ప్రాక్సిమిటీ సెన్సార్‌లు కూడా ఇందులో ఉన్నాయి. ఫింగర్ ప్రింట్ సెన్సార్ ఫోన్ వెనకవైపు ఉంది. దీని మందం 0.91 సెంటీమీటర్లు కాగా... బరువు 203 గ్రాములుగా ఉంది.