Best Phone Under Rs 9000: రూ.9 వేలలో బెస్ట్ ఫోన్ కొనాలనుకుంటున్నారా? ఈ మోటో ఫోన్‌పై ఓ లుక్కేయండి!

ప్రముఖ స్మార్ట్ ఫోన్ బ్రాండ్ మోటొరోలా ఇటీవలే లాంచ్ చేసిన మోటో జీ22 మనదేశంలో రూ.9 వేలలోపు ధరకే అందుబాటులో ఉంది.

మోటో జీ22 స్మార్ట్ ఫోన్ ప్రస్తుతం రూ.9 వేలలోపు ధరకే అందుబాటులో ఉంది.. (Image Credits: Motorola)

మోటో జీ22 స్మార్ట్ ఫోన్ ప్రస్తుతం రూ.9 వేలలోపు ధరకే అందుబాటులో ఉంది. ఈ స్మార్ట్ ఫొన్‌లో హోల్ పంచ్ డిస్‌ప్లే అందించారు. ఫోన్ వెనకవైపు నాలుగు కెమెరాలు అందించారు. మోటో జీ22 బ్యాటరీ సామర్థ్యం 5000 ఎంఏహెచ్‌గా ఉంది.

మోటో జీ22 ధర
ఇందులో కేవలం ఒక్క వేరియంట్ మాత్రమే లాంచ్ అయింది. 4 జీబీ ర్యామ్ + 64 జీబీ స్టోరేజ్‌తో వచ్చిన ఈ వేరియంట్ ధర లాంచ్ అయినప్పుడు రూ.10,999గా ఉంది. అయితే ఇప్పుడు రూ.9,999కే అందుబాటులో ఉంది. కోటక్ బ్యాంక్, బ్యాంక్ ఆఫ్ బరోడా, హెచ్ఎస్‌బీసీ కార్డులతో కొనుగోలు చేస్తే అదనంగా 10 శాతం తగ్గింపు లభించనుంది. అంటే రూ.9 వేలకే ఈ ఫోన్ కొనేయచ్చన్న మాట.

మోటో జీ22 ఫీచర్లు
ఆండ్రాయిడ్ 12 ఆపరేటింగ్ సిస్టంపై మోటో జీ22 పనిచేయనుంది. ఇందులో 6.5 అంగుళాల హెచ్‌డీ+ మ్యాక్స్‌విజన్ డిస్‌ప్లేను అందించారు. దీని స్క్రీన్ రిఫ్రెష్ రేట్ 90 హెర్ట్జ్‌గానూ, డిస్‌ప్లే యాస్పెక్ట్ రేషియో 20:9గానూ ఉంది. ఆక్టాకోర్ మీడియాటెక్ హీలియో జీ37 ప్రాసెసర్‌ను మోటో జీ22లో అందించారు.

4 జీబీ ర్యామ్, 64 జీబీ స్టోరేజ్ ఈ ఫోన్‌లో అందుబాటులో ఉంది. స్టోరేజ్‌ను మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు. దీని బ్యాటరీ సామర్థ్యం 5000 ఎంఏహెచ్‌గా ఉండగా... 20W ఫాస్ట్ చార్జింగ్ సపోర్ట్ కూడా ఇందులో అందించారు.

ఇక కెమెరాల విషయానికి వస్తే... ఈ స్మార్ట్ ఫోన్ వెనకవైపు నాలుగు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా... దీంతోపాటు 8 మెగాపిక్సెల్ అల్ట్రా వైడ్ యాంగిల్ సెన్సార్, 2 మెగాపిక్సెల్ డెప్త్ సెన్సార్, 2 మెగాపిక్సెల్ మాక్రో సెన్సార్ కూడా ఉన్నాయి. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరా అందుబాటులో ఉంది.

4జీ ఎల్టీఈ, డ్యూయల్ బ్యాండ్ వైఫై, బ్లూటూత్ వీ5, ఎన్ఎఫ్‌సీ, యూఎస్‌బీ టైప్-సీ, 3.5 ఎంఎం హెడ్ ఫోన్ జాక్ కనెక్టివిటీ ఫీచర్లు కూడా ఇందులో అందించారు. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు. దీని మందం 0.85 సెంటీమీటర్లు కాగా... బరువు 185 గ్రాములుగా ఉంది.