Jio Bharat V2 4G Sale: జియో భారత్ ఫీచర్ ఫోన్ సేల్ ప్రారంభం - రూ. 999కే 4జీ సేవలు!

భారతదేశ నంబర్ వన్ టెలికాం బ్రాండ్ జియో తన 4జీ ఫీచర్ ఫోన్ సేల్‌ను ప్రారంభించింది. దీని ధర రూ.999 మాత్రమే.

జియో భారత్ వీ2 4జీ ఫీచర్ ఫోన్ త్వరలో లాంచ్ కానుంది.

Source : Jio

రిలయన్స్ జియో ఈ సంవత్సరం జులైలో కొత్త 4జీ ఫీచర్ ఫోన్‌ను మార్కెట్లోకి తీసుకువచ్చింది. అప్పుడే దీనికి జియో భారత్ వీ2 4జీ అని పేరు కూడా పెట్టారు. ప్రస్తుతం 2జీ మొబైల్ ఉపయోగిస్తున్న 25 కోట్ల మంది వినియోగదారులను లక్ష్యంగా చేసుకుని ఈ ఫోన్‌ను మార్కెట్లోకి తీసుకువచ్చినట్లు జియో తెలిపింది. ఈ ఫోన్లకు ప్రత్యేకమైన రీఛార్జ్ ప్లాన్లు కూడా జియో ప్రకటించింది. ఇప్పుడు ఈ ఫోన్ సేల్‌ను ప్రారంభిస్తున్న రిలయన్స్ వార్షిక సదస్సులో (ఏజీయం) ముకేష్ అంబానీ ప్రకటించారు.

జియో భారత్ వీ2 4జీ ధర ఎంత?
ఈ ఫోన్ ధరను మనదేశంలో రూ.999గా నిర్ణయించారు. మనదేశంలో ఇంటర్నెట్ సౌకర్యం ఉన్న ఫోన్లలో అత్యంత చవకైనది జియో భారత్ వీ2 4జీనే. రెడ్, బ్లూ కలర్ ఆప్షన్లలో ఈ మొబైల్‌ను కొనుగోలు చేయవచ్చు. అమెజాన్, జియో మార్ట్ వెబ్ సైట్లలో ఈ ఫోన్ కొనుగోలు చేయవచ్చు.

జియో భారత్ వీ2 4జీ స్పెసిఫికేషన్లు, ఫీచర్లు
ఇందులో 1.77 అంగుళాల డిస్‌ప్లేను అందించారు. జియో సినిమా, జియో సావన్, జియో పే సర్వీసులను దీని ద్వారా ఉపయోగించవచ్చు. ఫోన్ వెనకవైపు 0.3 మెగాపిక్సెల్ వీజీఏ కెమెరా ఉంది. 1000 ఎంఏహెచ్ బ్యాటరీ బ్యాకప్‌ను ఈ ఫోన్ అందించనుంది. స్టోరేజ్ చాలా మినిమల్‌గా ఉంటుంది. కానీ మైక్రో ఎస్‌డీ కార్డు ద్వారా 128 ఎంబీ వరకు స్టోరేజ్‌ను పెంచుకోవచ్చు. ఫోన్ వెనకవైపు కార్బన్ లోగోను చూడవచ్చు. 

జియో భారత్ వీ2 4జీ ప్లాన్లు ఇవే
జియో భారత్ వీ2 4జీ ప్లాన్లను కూడా సంస్థ ప్రకటించింది. రూ.123 ప్లాన్‌తో రీఛార్జ్ చేసుకుంటే 28 రోజుల పాటు రోజుకు 500 ఎంబీ మొబైల్ డేటా, అన్‌లిమిటెడ్ వాయిస్ కాల్స్ అందించనున్నారు. ఇదే లాభాలతో వచ్చే వార్షిక ప్లాన్ కావాలంటే రూ.1,234తో రీఛార్జ్ చేసుకోవచ్చు.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial