iQoo Z7 Pro 5G: ఐకూ జెడ్7 ప్రో 5జీ సేల్ ప్రారంభం - రూ.24 వేలలోపే సూపర్ ఫీచర్లు!

ఐకూ జెడ్7 ప్రో 5జీ స్మార్ట్ ఫోన్ అమ్మకాలు మనదేశంలో ప్రారంభం అయ్యాయి. అమెజాన్‌లో దీన్ని కొనుగోలు చేయవచ్చు.

ఐకూ జెడ్7 ప్రో 5జీ స్మార్ట్ ఫోన్ సేల్ మనదేశంలో ప్రారంభం అయింది.

Source : iQoo

ఐకూ ఇటీవలే మనదేశంలో జెడ్7 ప్రో 5జీ స్మార్ట్ ఫోన్‌ను లాంచ్ చేసింది. దీని సేల్ ఇప్పుడు మనదేశంలో ప్రారంభం అయింది. అమెజాన్‌లో ఈ స్మార్ట్ ఫోన్ అందుబాటులో ఉంది. ఐకూ జెడ్7 సిరీస్‌లో ఈ ఫోన్ మార్కెట్లోకి ఎంట్రీ ఇచ్చింది. ఈ సిరీస్‌లో ఇప్పటికే ఐకూ జెడ్7, ఐకూ జెడ్7ఎస్ స్మార్ట్ ఫోన్లు మనదేశంలో లాంచ్ అయ్యాయి. ఐకూ జెడ్7 ప్రో 5జీ మీడియాటెక్ డైమెన్సిటీ 7200 ప్రాసెసర్‌పై పని చేయనుంది అందించారు. ఫోన్ వెనకవైపు 64 మెగాపిక్సెల్ కెమెరా అందుబాటులో ఉంది.

ఐకూ జెడ్7 ప్రో 5జీ ధర, సేల్ వివరాలు
ఈ స్మార్ట్ ఫోన్‌లో రెండు వేరియంట్లు మార్కెట్లోకి వచ్చాయి. వీటిలో ప్రారంభ వేరియంట్ అయిన 8 జీబీ ర్యామ్ + 128 జీబీ స్టోరేజ్ వేరియంట్ ధరను రూ.23,999గా నిర్ణయించారు. ఇక టాప్ ఎండ్ వేరియంట్ అయిన 8 జీబీ ర్యామ్ + 256 జీబీ స్టోరేజ్ వేరియంట్ ధర రూ.24,999గా ఉంది.

ఈ స్మార్ట్ ఫోన్ కొనుగోలుపై అదనపు డిస్కౌంట్లు, బ్యాంక్ ఆఫర్లు కూడా అందించారు. హెచ్‌డీఎఫ్‌సీ కార్డు ద్వారా దీన్ని కొనుగోలు చేస్తే రూ.2,000 అదనపు తగ్గింపు లభించనుంది. అమెజాన్, అధికారిక ఐకూ వెబ్ సైట్లలో ఈ స్మార్ట్ ఫోన్‌ను కొనుగోలు చేయవచ్చు. బ్లూ లాగూన్, గ్రాఫైట్ మ్యాట్ కలర్ ఆప్షన్లలో ఐకూ జెడ్7 ప్రో 5జీ లాంచ్ అయింది. 

ఐకూ జెడ్7 ప్రో 5జీ స్పెసిఫికేషన్లు
ఐకూ జెడ్7 ప్రో 5జీలో 6.78 అంగుళాల ఫుల్ హెచ్‌డీ+ అమోఎల్ఈడీ డిస్‌ప్లేను అందించారు. ఈ స్మార్ట్ ఫోన్ యాస్పెక్ట్ రేషియో 20:9 కాగా, స్క్రీన్ రిఫ్రెష్ రేట్ 120 హెర్ట్జ్‌గా ఉంది. ఆక్టాకోర్ మీడియాటెక్ డైమెన్సిటీ 7200 ప్రాసెసర్‌పై ఈ స్మార్ట్ ఫోన్ పని చేయనుంది. 8 జీబీ ఎల్పీడీడీఆర్4ఎక్స్ ర్యామ్, 256 జీబీ వరకు స్టోరేజ్ కూడా ఇందులో ఉన్నాయి. స్టోరేజ్‌ను మైక్రో ఎస్‌డీ కార్డు ద్వారా మరింత ఎక్కువ పెంచుకునే అవకాశం ఉంది.

ఇక కెమెరాల విషయానికి వస్తే... ఈ ఫోన్ వెనకవైపు రెండు కెమెరాలు అందించారు. వీటిలో ప్రధాన కెమెరా సామర్థ్యం 64 మెగాపిక్సెల్ కాగా, దీంతోపాటు 2 మెగాపిక్సెల్ డెప్త్ సెన్సార్ కూడా అందుబాటులో ఉన్నాయి. రింగ్ తరహా ఎల్ఈడీ లైట్ కూడా ఈ స్మార్ట్ ఫోన్‌లో చూడవచ్చు. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరా అందించారు.

Bring home the slimmest and fastest smartphone in the segment, the all new #iQOOZ7Pro at an unbeatable price of ₹21,999 only! 😍
Sale is now live on @amzonIN & https://t.co/ZK4Krrdztq.

Buy now: https://t.co/tfsaIl9h3Y#iQOO #AmazonSpecials pic.twitter.com/0K6lU4WnN8

— iQOO India (@IqooInd) September 6, 2023

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial