iPhone 13: ఈ మధ్యే ఐఫోన్ 13 కొన్నారా - ఇప్పుడు ఎంతకు తగ్గిందో తెలిస్తే కచ్చితంగా బాధపడతారు!

ఫ్లిప్‌కార్ట్‌లో ఐఫోన్ 13 సిరీస్‌పై సూపర్ ఆఫర్లు అందుబాటులో ఉన్నాయి.

ఐఫోన్ 13పై ఫ్లిప్‌కార్ట్‌లో భారీ ఆఫర్‌ను అందించారు.

ఫ్లిప్ కార్ట్ బిగ్ బిలియన్ డేస్ సేల్‌లో ఐఫోన్ 13పై భారీ ఆఫర్‌ను అందించనున్నారు. ఈ సేల్‌లో ఐఫోన్ 13 ఫోన్‌ను రూ.49,990కే విక్రయిస్తున్నారు. బ్యాంక్, క్రెడిట్ కార్డు ఆఫర్లు వాడితే దీని రేటు మరింత తగ్గే అవకాశం ఉంది. ఐఫోన్ 13పైనే ఇంత తగ్గింపు ఉంది కాబట్టి ఐఫోన్ 13 మినీ ధర మరింత తగ్గే అవకావం ఉంది.

ఫ్లిప్‌కార్ట్‌లో ఈ ఆఫర్ సేల్ సెప్టెంబర్ 23వ తేదీ నుంచి సెప్టెంబర్ 30వ తేదీ వరకు జరగనుంది. ఫ్లిప్‌కార్ట్ ప్లస్ వినియోగదారులకు మాత్రం సెప్టెంబర్ 22వ తేదీ నుంచి ఈ సేల్‌కు యాక్సెస్ లభించనుంది. ఐఫోన్ 13 ప్రో ధర రూ.89,990 నుంచి, ఐఫోన్ 13 ప్రో మ్యాక్స్ ధర రూ.99,990 నుంచి ప్రారంభం కానుంది. ప్రస్తుతం ఐఫోన్ 13 ధర ఫ్లిప్‌కార్ట్‌లో రూ.69,990గా ఉంది. ఐఫోన్ 13 ప్రో ధర రూ.1,19,900గానూ, ఐఫోన్ 13 మినీ ధర రూ.1,26,000గానూ ఉంది.

ఐఫోన్ 13 సిరీస్ స్పెసిఫికేష‌న్లు
ఈ నాలుగు ఫోన్ల‌లోనూ ఏ15 బ‌యోనిక్ ప్రాసెస‌ర్ల‌నే కంపెనీ అందించింది. ఇందులో మొత్తం ఆరు కోర్లు ఉండ‌నున్నాయి. పోటీ ఫోన్ల కంటే 50 శాతం ప్ర‌భావ‌వంతంగా ఈ ఫోన్లు ప‌నిచేయ‌నున్నాయని తెలుస్తోంది.

ఐఫోన్ 13 మినీలో 5.4 అంగుళాలు, ఐఫోన్ 13లో 6.1 అంగుళాలు, ఐఫోన్ 13 ప్రోలో 6.1 అంగుళాలు, ఐఫోన్ 13 ప్రో మ్యాక్స్ లో 6.7 అంగుళాల డిస్ ప్లేల‌ను అందించారు. ఐఫోన్ 13 ప్రో, 13 ప్రో మ్యాక్స్ ల్లో యాపిల్ ప్రోమోష‌న్ 120 హెర్ట్ రిఫ్రెష్ రేట్ ఫీచర్ ను అందించారు. అంటే ప్రో మోడల్స్ లో యూజ‌ర్ ఇన్ పుట్ ని బ‌ట్టి 10 హెర్ట్జ్ నుంచి 120 హెర్ట్జ్ వ‌ర‌కు దీని రిఫ్రెష్ రేట్ మారుతూ ఉంటుంది. డాల్బీ విజ‌న్, హెచ్ డీఆర్10, హెచ్ఎల్ జీ స‌పోర్ట్ కూడా ఇందులో అందించారు.

ఐఫోన్ 13, ఐఫోన్ 13 మినీల్లో ఫ్లాట్ ఎడ్జ్ అల్యూమినియం ఫ్రేమ్ ల‌ను అందించారు. ఐపీ68 డ‌స్ట్, వాట‌ర్ రెసిస్టెంట్ ఫీచ‌ర్లు కూడా ఇందులో ఉన్నాయి. కొత్త‌గా పింక్, బ్లూ, మిడ్ నైట్, స్టార్ నైట్, ప్రొడ‌క్ట్ రెడ్ రంగుల్లో దీన్ని కొనుగోలు చేయ‌వ‌చ్చు.

ఐఫోన్ 13 ప్రో, ఐఫోన్ 13 ప్రో మ్యాక్స్ ల్లో స‌ర్జిక‌ల్ గ్రేడ్ స్టెయిన్ లెస్ స్టీల్ ను అందించారు. ఇందులో నాలుగు కొత్త రంగుల‌ను యాపిల్ అందించింది. అవే గ్రాఫైట్, గోల్డ్, సిల్వ‌ర్, సియ‌ర్రా బ్లూ.

ఐఫోన్ 13 మినీ, ఐఫోన్ 13 మినీల్లో కొత్త వైడ్ యాంగిల్ కెమెరాను అందించారు. ఇవి గ‌త ఐఫోన్ల‌లోని కెమెరాల కంటే మెరుగ్గా ఉండ‌నున్నాయి. నైట్ మోడ్ కూడా వేగంగా ప‌నిచేయ‌నుంది. ఇందులో 12 మెగాపిక్సెల్ అల్ట్రా వైడ్ యాంగిల్ కెమెరా కూడా ఉంది. దీంతోపాటు ఇందులో సినిమాటిక్ వీడియో మోడ్ కూడా ఉంది. డైరెక్టర్స్ ఆఫ్ ఫొటోగ్ర‌ఫీ క్రియేటివ్ చాయిస్ కు త‌గ్గ‌ట్లు ఈ కెమెరాల‌ను రూపొందించిన‌ట్లు యాపిల్ తెలిపింది.

ఐఫోన్ 13 ప్రో, ఐఫోన్ 13 ప్రో మ్యాక్స్ ల్లో 77 ఎంఎం టెలిఫొటో కెమెరాను అందించారు. దీంతోపాటు అల్ట్రా వైడ్ యాంగిల్ కెమెరా కూడా ఇందులో ఉంది. ట్రైపోడ్ తో ఉప‌యోగిస్తే మెరుగైన షాట్ల‌ను దీని ద్వారా తీయ‌వ‌చ్చ‌ని యాపిల్ అంటోంది. ఐఫోన్ 13 మినీ, ఐఫోన్ 13ల్లో వెన‌క‌వైపు రెండు కెమెరాలు ఉండ‌గా, ప్రో మోడ‌ళ్ల‌లో మూడు కెమెరాలు ఉన్నాయి.

యాపిల్ వీటి బ్యాట‌రీ వివ‌రాల‌ను అధికారికంగా వెల్ల‌డించ‌లేదు. అయితే ఐఫోన్ 13 పూర్తి రోజు బ్యాట‌రీ లైఫ్ ను అందిస్తుంద‌ని పేర్కొంది. ఇది ఐఫోన్ 12 కంటే రెండున్న‌ర గంట‌లు ఎక్కువ‌. అలాగే ఐఫోన్ 12 మినీ కంటే ఐఫోన్ 13 మినీ గంట‌న్న‌ర ఎక్కువ బ్యాట‌రీ బ్యాక‌ప్ ను అందించ‌నుంది.

ఐఫోన్ 12 ప్రో కంటే గంట‌న్న‌ర ఎక్కువ బ్యాక‌ప్ ను ఐఫోన్ 13 ప్రో అందించ‌నుంది. ఐఫోన్ 12 ప్రో మ్యాక్స్ కంటే రెండున్న‌ర గంట‌ల ఎక్కువ బ్యాక‌ప్ ను ఐఫోన్ 13 ప్రో మ్యాక్స్ అందించ‌నుంది. ఈ అన్ని ఫోన్ల‌లోనూ 5జీ స‌పోర్ట్ ఉంది. ఎక్కువ బ్యాండ్ల‌ను స‌పోర్ట్ చేయ‌డానికి ఇందులో ప్ర‌త్యేకంగా డిజైన్ చేసిన యాంటెన్నాలు, రేడియో కాంపొనెంట్ల‌ను అందించారు.