Black Friday Sale in India: బ్లాక్ ఫ్రైడే సేల్‌లో భారీ ఆఫర్లు - శాంసంగ్, యాపిల్ ఫోన్లపై డిస్కౌంట్లు!
బ్లాక్‌ఫ్రైడే సేల్‌లో శాంసంగ్, యాపిల్ ఉత్పత్తులపై భారీ తగ్గింపులను అందించనున్నారు.
కొన్ని సంవత్సరాల క్రితం వరకు ఎక్కువగా అమెరికాకు మాత్రమే పరిమితమైన బ్లాక్ ఫ్రైడే సేల్ ఇప్పుడు భారతదేశంలో కూడా ప్రజాదరణ పొందింది. ఈ సంవత్సరం బ్లాక్ ఫ్రైడే సేల్ సందర్భంగా శాంసంగ్ తన స్మార్ట్ ఫోన్లపై భారీ ఆఫర్‌ను అందిస్తుంది. Samsung ఈ సంవత్సరం Galaxy Z Fold 4, Galaxy Z Flip 4లను లాంచ్ చేసింది. ఇవి బ్లాక్ ఫ్రైడే సేల్ సమయంలో తగ్గింపు ధరలకు అందుబాటులో ఉండనున్నాయి.
రిటైల్ చైన్ మేజర్ క్రోమా బ్లాక్ ఫ్రైడే సేల్ సమయంలో Apple MacBook, iPhone మోడళ్లపై డిస్కౌంట్లను కూడా అందిస్తుంది. పేమెంట్ సమయంలో రూ.10,000 ఇన్‌స్టంట్ డిస్కౌంట్‌తో Apple Macbook Air 2022ని రూ.1,05,090కే కొనుగోలు చేయవచ్చు. Apple iPhone 13 128 జీబీ మోడల్‌ను HDFC బ్యాంక్ క్రెడిట్ కార్డుతో కొనుగోలు చేస్తే రూ.3,000 క్యాష్‌బ్యాక్ లేదా ఇన్‌స్టంట్ డిస్కౌంట్ పొందవచ్చు. ఈ ఏడాది లాంచ్ అయిన ఐఫోన్ 14 ధరను రూ.4,000 వరకు తగ్గించనున్నారు.
నవంబర్ 24వ తేదీ నుంచి నవంబర్ 28వ తేదీ వరకు ఈ బ్లాక్ ఫ్రైడే సేల్ జరగనుంది. ఇందులో దక్షిణ కొరియా టెక్ దిగ్గజం Samsung తన ఫ్లాగ్‌షిప్‌లు, ఫోల్డబుల్ స్మార్ట్‌ఫోన్‌లపై భారీ డిస్కౌంట్లను అందిస్తోంది. శాంసంగ్ ఫ్లాగ్‌షిప్ గెలాక్సీ సిరీస్ S22 రూ.60,000 లోపు అందుబాటులోకి రానుంది. గెలాక్సీ ఎస్22 ప్రస్తుతం రూ.67,999 ధరకు అందుబాటులో ఉంది. బ్లాక్ ఫ్రైడే సేల్ సమయంలో Galaxy S22 Ultra, Galaxy S22+ స్మార్ట్ ఫోన్ల ధరలు కూడా తగ్గే అవకాశం ఉంది.
శాంసంగ్ ఇండియా తన ట్విట్టర్ హ్యాండిల్‌లో ఒక టీజర్‌ను పోస్ట్ చేసి, బ్లాక్ ఫ్రైడే సేల్‌ను ప్రకటించింది. Samsung Galaxy Z Flip 4 ధర ప్రస్తుతం రూ. 89,999గా ఉంది. ఇది అన్ని బ్యాంక్ ఆఫర్‌లతో సహా రూ. 80,999 ధరకే అందుబాటులో ఉంటుంది.
Samsung Galaxy Z Flip 3 ఈ సంవత్సరం బ్లాక్ ఫ్రైడే సేల్‌లో అన్ని బ్యాంక్ ఆఫర్‌లతో సహా రూ.60,000 లోపు ధరకే అందుబాటులో ఉంటుందని కంపెనీ పేర్కొంది. Samsung Galaxy Z Fold 4 కూడా రూ. 10,000 తగ్గింపును అందించనున్నారు. ఇందులో బ్యాంక్ ఆఫర్లు కూడా ఉన్నాయి.
View this post on Instagram
టాప్ హెడ్ లైన్స్
ట్రెండింగ్ వార్తలు
