Ricky Ponting Update: ఐపీఎల్‌ సమయంలో పాంటింగ్‌కు టీమ్‌ఇండియా కోచ్‌ ఆఫర్‌.. ఎందుకు తిరస్కరించాడంటే?
టీమ్‌ఇండియా కోచ్‌ పదవిని తనకు ఆఫర్‌ చేశారని రికీ పాంటింగ్‌ చెప్పాడు. తనను ఒప్పించేందుకు విశ్వ ప్రయత్నాలు జరిగాయని తెలిపాడు. కొన్ని కీలక కారణాల వల్ల ఆఫర్‌ తిరస్కరించానని అంటున్నాడు.
ఐపీఎల్‌ 2021 సమయంలో టీమ్‌ఇండియా హెచ్‌కోచ్‌ పదవిని తనకు ఆఫర్‌ చేశారని ఆసీస్‌ మాజీ క్రికెటర్‌ రికీ పాంటింగ్‌ అన్నాడు. తనను ఒప్పించేందుకు విపరీతంగా ప్రయత్నించారని తెలిపాడు. పనిభారం దృష్ట్యా తాను అందుకు అంగీకరించలేదని వెల్లడించాడు. పిల్లలు చిన్నవాళ్లే అయినా ద్రవిడ్‌ ఆ పాత్రకు అంగీకరించడం ఆశ్చర్యం కలిగించిందని పేర్కొన్నాడు.
దిల్లీ క్యాపిటల్స్‌ కోచ్‌, ఛానెల్‌ 7లో కామెంటేటర్‌ పదవులను వదిలేయడం తనకు ఇష్టం లేదని రికీ పాంటింగ్‌ అన్నాడు. 'టీమ్‌ఇండియా కోచ్‌ పదవి చేపడితే ఏడాదిలో 300 రోజులు భారత్‌లోనే ఉండాలి. ఐపీఎల్‌ సమయంలో దీని గురించి నేను కొందరితో మాట్లాడాను. ఆఫర్‌ గురించి మాట్లాడిన వ్యక్తి నన్ను ఒప్పించేందుకు తీవ్రంగా ప్రయత్నించాడు. కానీ సమయం లేకపోవడంతో నేను వదిలేశాను. ఎందుకంటే ఐపీఎల్‌లో కోచ్‌, ఛానెల్‌ 7 పదవులను నేను వదిలేయాలి' అని పాంటింగ్‌ తెలిపాడు.
ఇండియన్‌ ప్రీమియర్‌ లీగులో పాంటింగ్‌కు మంచి పేరుంది. కోచ్‌గా దిల్లీ క్యాపిటల్స్‌ను చాలా మార్చాడు. 2019 నుంచి ప్లేఆఫ్స్‌కు తీసుకెళ్తున్నాడు. కుర్రాళ్లను తీర్చిదిద్దాడు. కాగా రాహుల్‌ ద్రవిడ్‌ టీమ్‌ఇండియా కోచింగ్‌ పదవిని చేపట్టడం ఆశ్చర్యం కలిగించిందని అతడు తెలిపాడు. 'ద్రవిడ్‌ కోచ్‌ పదవి చేపట్టడం ఆశ్చర్యమే. అండర్‌19 కోచ్‌గా ఉన్నప్పుడు కోచ్‌ పదవిని ఎంత ఆస్వాదించాడో చాలాసార్లు తెలిసింది. అతడి కుటుంబ పరిస్థితి నాకైతే తెలియదు. బహుశా కచ్చితంగా చిన్న పిల్లలు ఉండే ఉంటారు. అందుకే నాకు ఆశ్చర్యం కలిగింది' అని పాంటింగ్‌ అన్నాడు.
Also Read: Rohit Sharma on Kohli: విరాట్‌ గురించి రోహిత్ బిగ్‌ స్టేట్‌మెంట్‌.. ఏం చెప్పాడో తెలుసా?
Also Read: ICC Mens Cricket Committee: ఐసీసీలో దాదాగిరి! మరో కీలక పదవికి ఎంపికైన గంగూలీ
Also Read: Ind vs NZ- 1st T20, Full Match Highlight: రోహిత్ శర్మకు శుభారంభం.. మొదటి మ్యాచ్‌లో కివీపై విజయం!
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి
టాప్ హెడ్ లైన్స్
ట్రెండింగ్ వార్తలు
