Who Is Prashant Veer: మరో జడేజాగా భావిస్తున్న CSK అన్‌క్యాప్డ్ కాస్ట్‌లీ ప్లేయర్! ఎవరీ ప్రశాంత్ వీర్.. బ్యాగ్రౌండ్ ఏంటీ?

Who is Prashant Veer, IPL 2026: చెన్నై సూపర్ కింగ్స్ తరఫున అరంగేట్రం చేసిన యువ క్రికెటర్ ప్రశాంత్ వీర్‌ పంజాబ్ కింగ్స్‌తో జరిగిన మ్యాచ్‌లో చోటు దక్కించుకున్నాడు. ఆర్సీబీతో మయాచ్ లో రాణించాడు.

మరో జడేజాగా భావిస్తున్న CSK అన్‌క్యాప్డ్ కాస్ట్‌లీ ప్లేయర్

Source : X.com

చెన్నై సూపర్ కింగ్స్ ప్లేయింగ్ ఎలెవన్‌లో ఎంఎస్ ధోనీ కనిపించడం లేదు. మరోవైపు పంజాబ్ కింగ్స్‌తో జరిగిన మ్యాచ్‌లో 20 ఏళ్ల యువ క్రికెటర్ ప్రశాంత్ వీర్‌ అరంగేట్రం చేశాడు. ప్రశాంత్ వీర్ ఒక ఆల్‌రౌండర్ క్రికెటర్. చెన్నై జట్టులో మాథ్యూ షార్ట్ స్థానంలో అతడికి ఛాన్స్ లభించింది. ఇతడ్ని దృష్టిలో ఉంచుకునే రవీంద్ర జడేజా లాంటి స్టార్ ఆల్ రౌండర్ ను చెన్నై వదులుకుందని టాక్ నడుస్తోంది. గత ఏడాది జరిగిన ఐపీెల్ మినీ వేలంలో చెన్నై సూపర్ కింగ్స్ ఏకంగా రూ. 14.2 కోట్లు వెచ్చించి ప్రశాంత్ వీర్‌ను తీసుకుంది. 

ఈ సీజన్లో సీఎస్కే 3 మ్యాచులాడగా రెండింట్లో ప్రశాంత్ వీర్ ప్లేయింగ్ లెవన్ లో ఉన్నాడు. పంజాబ్ తో జరిగిన మ్యాచులో 6 పరుగులతో నాటౌట్ గా నిలిచాడు. రాయల్ చాలెంజర్స్ బెంగళూరుతో మ్యాచులో 29 బంతుల్లో 43 రన్స్ చేసి ఆకట్టుకున్నాడు. ఈ లెఫ్మార్మ్ స్పిన్నర్ కు బౌలింగ్ చేసే అవకాశం ఇంకా రాలేదు. జడేజా ప్రత్యామ్నాయంగా సీఎస్కే మేనేజ్‌మెంట్ ప్రశాంత్ వీర్‌ను భావిస్తోంది. వరల్డ్ క్లాస్ ఆల్ రౌండర్ జడేజాను అతడు రీప్లేస్ చేయగలడా అని సీఎస్కే ఫ్యాన్స్ సైతం ఐపీఎల్ వేలంలో అన్ క్యాప్డ్ ప్లేయర్ ధర చూసి ఆశ్చర్యపోతున్నారు.

ఐపీఎల్ 2026 మినీ వేలంలో ఉత్తరప్రదేశ్ కు చెందిన అన్ క్యాప్డ్ ప్లేయర్ ను ప్రశాంత్ వీర్ ను ఏకంగా రూ.14.20 కోట్లకు కొనుగోలు చేసిన చెన్నై సూపర్ కింగ్స్ @ABPDesam#IPL2026Auction #IPLMiniAuction #PrashantVeer#CSK #ABPDesam #Telugunews #IPL2026 pic.twitter.com/oY1pZtezKr

— ABP Desam (@ABPDesam) December 16, 2025

ఎవరీ ప్రశాంత్ వీర్

 ప్రశాంత్ వీర్ 2005 నవంబర్ 20న ఉత్తరప్రదేశ్‌లోని అమేథీలో జన్మించాడు. ఎడమచేతి వాటం ఆఫ్‌ స్పిన్ బౌలింగ్ చేయడంతో పాటు లోయర్ ఆర్డర్‌లో బ్యాటింగ్‌కు దిగి భారీ షాట్లు ఆడగల సామర్థ్యం ఉంది. యూపీ టీ20 లీగ్‌లో నోయిడా సూపర్ కింగ్స్ తరపున రాణించడంతో ఇతనికి తొలిసారి గుర్తింపు లభించింది. ఆపై సయ్యద్ ముస్తాక్ అలీ ట్రోఫీలో కూడా ప్రశాంత్ అత్యుత్తమ ఆల్‌రౌండ్ ప్రతిభతో ఆకట్టుకున్నాడు. 

డొమెస్టిక్ క్రికెట్‌లో యూపీ తరపున ఆడిన ఈ 20 ఏళ్ల యువ క్రికెటర్ 7 మ్యాచ్‌ల్లో 9 వికెట్లు తీయడమే కాకుండా 170 స్ట్రైక్ రేట్‌తో 112 పరుగులు చేశాడు. బ్యాటింగ్‌తో పాటు లెఫ్టార్మ్ ఆఫ్‌ స్పిన్ బౌలింగ్ చేస్తుండటంతో ఇతడిని చెన్నై సూపర్ కింగ్స్ కొత్త రవీంద్ర జడేజా అని పిలుస్తోంది. 

ప్రశాంత్ వీర్ కెరీర్

ప్రశాంత్ వీర్ గత ఏడాది అక్టోబర్‌లో ఉత్తరప్రదేశ్ తరపున డొమెస్టిక్ క్రికెట్లో అరంగేట్రం చేశాడు. ఇప్పటివరకు 9 టీ20 మ్యాచ్‌ల్లో 9 వికెట్లు తీశాడు. బ్యాటింగ్ లో 112 పరుగులు చేశారు. అలాగే 8 లిస్ట్-A మ్యాచ్‌ల్లో 133 పరుగులు చేసి 10 వికెట్లు తీయడంతో సీఎస్కే మేనేజ్ మెంట్ దృష్టిలో పడ్డాడు. సయ్యద్ ముస్తాక్ అలీ ట్రోఫీ, విజయ్ హజారే ట్రోఫీల్లో రాణించడంతో ఇతనికి ఏకంగా ఐపీఎల్ కాంట్రాక్ట్ లభించింది. అది కూడా అత్యధిక ధర పలికిన అన్ క్యాప్డ్ ప్లేయర్‌గా కార్తీక్ శర్మతో కలిసి 14.2 కోట్లకు లక్కీ ఛాన్స్ కొట్టేశాడు. అవేష్ ఖాన్ 10 కోట్ల (2022) అన్‌క్యాప్డ్ రికార్డును బద్ధలుకొట్టారు.

ప్రశాంత్ వీర్ ఉత్తరప్రదేశ్ తరపున ఫస్ట్-క్లాస్ క్రికెట్ లో అడుగుపెట్టినప్పటికీ, రెడ్ బాల్ క్రికెట్‌లో అంతగా రాణించలేదు.  4 ఫస్ట్-క్లాస్ ఇన్నింగ్స్‌ల్లో కేవలం 2 వికెట్లు మాత్రమే తీశాడు. బ్యాటింగ్‌లోనూ యువ సంచలనం అంతగా ఆకట్టుకోలేకపోయాడు.