Rishabh Pant Steps Down: LSG కెప్టెన్సీ కి రిషభ్ పంత్ రాజీనామా: ఐపీఎల్ 2026 లో వరుస ఫెయిల్యూర్స్ తో కఠిన నిర్ణయం..
ఐపీఎల్ 2026 లో లక్నో సూపర్ జాయంట్స్ టీమ్ లాస్ట్ ప్లేస్ లో నిలవడంతో కెప్టెన్సీ బాధ్యతల నుంచి తప్పుకుంటున్నట్లు రిషభ్ పంత్ అఫీషియల్ గా అనౌన్స్ చేశాడు.
Rishabh Pant Steps Down As Lucknow Super Giants Captain: లక్నో సూపర్ జాయంట్స్ (LSG) ఫ్రాంచైజీలో కీలక మార్పు చోటు చేసుకుంది. ఐపీఎల్ 2026 సీజన్ లో జట్టు దారుణమైన పర్ఫార్మెన్స్ చూపించడంతో కెప్టెన్సీ రోల్ నుంచి తప్పుకోవాలని రిషభ్ పంత్ నిర్ణయించుకున్నాడు. లీడర్షిప్ బాధ్యతల నుంచి తనను రిలీవ్ చేయాలనే పంత్ రిక్వెస్ట్ ను టీమ్ మేనేజ్మెంట్ యాక్సెప్ట్ చేసినట్లు సోషల్ మీడియా ద్వారా ఫ్రాంచైజీ కన్ఫర్మ్ చేసింది. ఈ సీజన్ లో లక్నో టీమ్ ఆడిన 14 మ్యాచ్ ల్లో కేవలం 4 మాత్రమే గెలిచి, 8 పాయింట్లతో టేబుల్ లో చివరి స్థానంలో నిలిచింది. బ్యాటర్ గా కూడా పంత్ పెద్దగా ఇంప్రెస్ చేయలేకపోయాడు. ఈ ఏడాది 14 మ్యాచ్ ల్లో 138.05 స్ట్రైక్ రేట్ తో అతడు కేవలం 312 రన్స్ మాత్రమే స్కోర్ చేశాడు.
Read Also: Vaibhav Suryavanshi: చిచ్చర పిడుగు సూర్యవంశీ రికార్డు.. 25 బంతుల్లోనే సెంచరీ!
రికార్డ్ ప్రైస్ కు కొనుగోలు..
ఐపీఎల్ 2025 మెగా వేలంలో లక్నో సూపర్ జాయంట్స్ రికార్డ్ స్థాయిలో రూ. 27 కోట్లు పెట్టి రిషభ్ పంత్ ను దక్కించుకుంది. అంత భారీ ప్రైస్ పెట్టినా ఫ్రాంచైజీ ఆశించిన రిజల్ట్స్ మాత్రం రాలేదు. గత రెండు సీజన్లలో లక్నో వరుసగా ఏడో స్థానం, పదో స్థానంతో టోర్నమెంట్ ను ముగించింది. పంత్ లీడర్షిప్ లో లక్నో టీమ్ రెండు సీజన్లలో కలిపి 10 మ్యాచ్ ల్లో విక్టరీ సాధించగా, ఏకంగా 18 మ్యాచ్ ల్లో ఓటమి చవిచూసింది. ఇండియాలోనే అత్యంత ఎక్స్ ప్లోజివ్ బ్యాటర్ గా పేరు తెచ్చుకున్న ఈ వికెట్ కీపర్ బ్యాటర్, గత రెండు సీజన్లలో 135.74 స్ట్రైక్ రేట్ తో కేవలం 581 పరుగులు మాత్రమే చేయగలిగాడు.
పంత్ నిర్ణయం ఈజీ కాదు..
రిషభ్ పంత్ కెప్టెన్సీ నుంచి తప్పుకోవడంపై లక్నో క్రికెట్ డైరెక్టర్ టామ్ మూడీ స్పందించాడు. పంత్ స్వయంగా ఫ్రాంచైజీని సంప్రదించి ఈ రిక్వెస్ట్ పెట్టాడని, అతడి నిర్ణయాన్ని గౌరవిస్తూ మేనేజ్మెంట్ అంగీకరించిందని తెలిపాడు. ఇలాంటి కఠినమైన నిర్ణయాలు తీసుకోవడం ఎప్పుడూ ఈజీ కాదని అతడు పేర్కొన్నాడు. కెప్టెన్ గా డ్రెస్సింగ్ రూమ్ కు పంత్ అందించిన కాంట్రిబ్యూషన్ కు థాంక్స్ చెప్పాడు. ఫ్రాంచైజీని మళ్లీ స్ట్రాంగ్ గా బిల్డ్ చేయడం, బెస్ట్ స్టాండర్డ్స్ అందుకోవడంపైనే ఇప్పుడు తమ ఫోకస్ అంతా ఉందని అతడు స్పష్టం చేశాడు. టీమ్ రీస్ట్రక్చరింగ్ కోసం ప్లాన్స్ రెడీ చేస్తున్నట్లు హింట్ ఇచ్చాడు.
సరికొత్త కెప్టెన్ కోసం వెతుకులాట..
పంత్ కెప్టెన్సీ కి గుడ్ బై చెప్పినా లక్నో తదుపరి లీడర్ ఎవరనేది ఇంకా అనౌన్స్ చేయలేదు. అప్కమింగ్ సీజన్ లో స్ట్రాంగ్ కంబ్యాక్ ఇవ్వడమే టార్గెట్ గా పెట్టుకున్నామని, కొత్త కెప్టెన్ వివరాలను త్వరలోనే వెల్లడిస్తామని ఫ్రాంచైజీ అఫీషియల్ స్టేట్మెంట్ లో పేర్కొంది. ఈ భారీ మార్పుతో లక్నో టీమ్ మేనేజ్మెంట్ వచ్చే సీజన్ కోసం సరికొత్త స్ట్రాటజీలతో రంగంలోకి దిగాలని చూస్తోంది. వేలంలో భారీ రేటు పలికిన పంత్ కెప్టెన్సీ వదిలేయడం ఐపీఎల్ సర్కిల్స్ లో హాట్ టాపిక్ గా మారింది. కేవలం ప్లేయర్ గా మాత్రమే పంత్ నెక్స్ట్ సీజన్ లో ఎలా రాణిస్తాడో చూడాలి.
టాప్ హెడ్ లైన్స్
ట్రెండింగ్ వార్తలు
