Ind vs NZ, 1st Test Match Highlights: అయ్యర్‌ శతక భేరి..! ఇండియా 345కి ఆలౌట్‌.. ఆకట్టుకున్న యాష్‌!

టీమ్‌ఇండియా ఫర్వాలేదనిపించింది. న్యూజిలాండ్‌తో తొలి ఇన్నింగ్స్‌లో 345కి ఆలౌటైంది. అయ్యర్ శతకం చేయగా అశ్విన్‌ పోరాటం ఆకట్టుకుంది.

shreyas-iyer

కాన్పూర్‌ టెస్టులో టీమ్‌ఇండియా ఫర్వాలేదనిపించింది! న్యూజిలాండ్‌పై తొలి ఇన్నింగ్స్‌లో 345 పరుగులు చేసింది. 111.1 ఓవర్లకు ఆలౌటైంది. శ్రేయస్‌ అయ్యర్‌ (105; 171 బంతుల్లో 13x4, 2x6) అరంగేట్రంలోనే శతకంతో అదరగొట్టాడు. ఈ ఘనత అందుకున్న 16వ ఆటగాడిగా చరిత్ర సృష్టించాడు. శుభ్‌మన్‌ గిల్‌ (52), రవీంద్ర జడేజా (50) అర్ధశతకాలతో రాణించారు.

ఓవర్‌నైట్‌ స్కోరు 258/4తో రెండోరోజు, శుక్రవారం టీమ్‌ఇండియా బ్యాటింగ్‌ ఆరంభించింది. నైట్‌ వాచ్‌మన్‌ రవీంద్ర జడేజా (50; 112 బంతుల్లో 6x4) మరో 12 బంతులకే ఔటై నిరాశపరిచాడు. అరంగేట్రం వీరుడు శ్రేయస్‌ అయ్యర్‌ (75 ఓవర్‌నైట్‌ స్కోరు) మాత్రం అద్భుతంగా ఆడాడు. తన దేశవాళీ క్రికెట్‌ అనుభవాన్ని ప్రదర్శించాడు. చూడచక్కని బౌండరీలు బాదేస్తూ 157 బంతుల్లోనే శతకం అందుకున్నాడు. దాంతో భారత్‌ 94.5 ఓవర్ల వద్ద  300 పరుగుల మైలురాయి అందుకుంది. మరో 5 పరుగులకే అయ్యర్‌ను సౌథీ పెవిలియన్‌ చేర్చడంతో జట్టు కష్టాల్లో పడింది.

ఆఖర్లో స్కోరు పెంచేందుకు అశ్విన్‌ (38; 56 బంతుల్లో 5x4) చేసిన పోరాటం ఆకట్టుకుంది. సమయోచితంగా ఆడుతూ ఐదు బౌండరీలు బాదేశాడు. అతడికి ఉమేశ్‌ యాదవ్‌ (10*; 34 బంతుల్లో) అండగా నిలిచాడు. వీరిద్దరూ 26 పరుగుల భాగస్వామ్యం అందించారు. అయితే జట్టు స్కోరు 339 వద్ద యాష్‌ను అజాజ్‌ పటేల్‌ క్లీన్‌బౌల్డ్‌ చేశాడు. మరికాసేపటికే ఇషాంత్‌ (0)నూ పటేలే ఔట్‌ చేయడంతో భారత్‌ ఆలౌటైంది. అక్షర్‌ పటేల్‌ (3), వృద్ధిమాన్‌ సాహా (1) విఫలమయ్యారు. కివీస్‌ బౌలర్లలో టిమ్‌ సౌథీ 5, జేమీసన్‌ 3, అజాజ్‌ పటేల్‌ 2 వికెట్లు తీశారు.

Innings Break!

That will be the end of #TeamIndia's innings with 345 on the board in the first innings.

Scorecard - https://t.co/WRsJCUhS2d #INDvNZ @Paytm pic.twitter.com/GeJ7A3iGRQ

— BCCI (@BCCI) November 26, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి