అన్వేషించండి

Saina Nehwal Siddharth Row: సిద్ధార్థ్‌తో మాట్లాడ‌లేదు! కానీ, అతను క్షమాపణలు కోరడం సంతోషమే! - సైనా నెహ్వాల్

సిద్ధార్థ్ క్షమాపణలు చెప్పడం సంతోషంగా ఉందని సైనా నెహ్వాల్ అన్నారు. అతడు రాసిన లేఖపై ఆమె స్పందించారు.

By : ABP Desam | Updated at : 12 Jan 2022 01:11 PM (IST)

Happy that Siddharth apologized, I was surprised to see myself trending on Twitter- says Saina Nehwal Saina Nehwal Siddharth Row: సిద్ధార్థ్‌తో మాట్లాడ‌లేదు! కానీ, అతను క్షమాపణలు కోరడం సంతోషమే! - సైనా నెహ్వాల్

సిద్ధార్థ్, సైనా నెహ్వాల్

"అతడే అన్నాడు (సిద్ధార్థ్ చేసిన ట్వీట్‌ను ఉద్దేశిస్తూ). ఇప్పుడు అతడే క్షమాపణలు కోరాడు. ఆ రోజు ట్విటర్‌లో నేను ట్రెండింగ్‌లో ఉండటం చూసి ఆశ్చర్యపోయా" అని స్టార్ బాడ్మింటన్ ప్లేయర్ సైనా నెహ్వాల్ అన్నారు. ప్రధాని నరేంద్ర మోడీ పంజాబ్ పర్యటనలో చోటు చేసుకున్న భద్రతా వైఫల్యం గురించి ఈ నెల 5న ఆమె ఓ ట్వీట్ చేశారు. దాని కోట్ చేస్తూ సిద్ధార్థ్ చేసిన ట్వీట్ వివాదాస్పదం అయ్యింది.

జాతీయ మహిళా కమిషన్ సహా పలువురు సిద్ధార్థ్ తీరుపై విమర్శలు చేశారు. ఓ మహిళను అలా అనడం సరికాదని నిరసన వ్యక్తం చేశారు. జాతీయ మహిళా కమిషన్ అయితే అతడి మీద కేసు నమోదు చేయమని మహారాష్ట్ర డీజీపీకి లేఖ రాసింది. ఇంకా పలువురు తీవ్ర విమర్శలు చేశారు. ఈ నేపథ్యంలో మంగళవారం రాత్రి క్షమాపణలు కోరుతూ సిద్ధార్థ్ ఓ లేఖ రాశారు. దానిపై సైనా నెహ్వాల్ స్పందించారు.
Also Read: అది గుడ్ జోక్ కాదు... సైనా నెహ్వాల్‌కు సిద్ధార్థ్ సారీ! అయితే... ఆ ఒక్కటీ ఒప్పుకోలేదు!
"సిద్ధార్థ్‌తో నేను మాట్లాడ‌లేదు. కానీ, అతను క్షమాపణలు కోరడం సంతోషంగా ఉంది. ఓ మహిళను అతడు అలా టార్గెట్ చేయకుండా ఉండాల్సింది. అయినా సరే... నేను దాని గురించి ఆలోచించడం లేదు. నేను సంతోషంగా ఉన్నాను. దేవుడు అతడిని చల్లగా చూడాలి" అని సైనా నెహ్వాల్ స్పందించారు. సిద్ధార్థ్ తప్పును గ్రహించి సారీ చెప్పడం సంతోషంగా ఉందని చెప్పారు. కానీ, ఎక్కడా సారీని యాక్సెప్ట్ చేస్తున్నట్టు ఆమె చెప్పకపోవడం గమనార్హం.