శ్రీశైలం కార్తీక మాసోత్సవాలు: స్పర్శ దర్శనం, ప్రత్యేక మార్పుల గురించి మల్లన్న భక్తులకు ముఖ్య సూచనలు!
Karthika Mahotsavam from October 22 : అక్టోబరు 22 బుధవారం నుంచి కార్తీకమాసం ప్రారంభమైంది. ఇవాల్టి నుంచి శ్రీశైలంలో కార్తీక మాసోత్సవాలు ప్రారంభమయ్యాయి. దీనికి సంబంధించిన పూర్తి వివరాలు తెలుసుకోండి
Srisailam : శ్రీశైల మహాక్షేత్రంలో అక్టోబరు 22 బుధవారం నుంచి కార్తిక మాసోత్సవాలు ప్రారంభమయ్యాయి. నవంబర్ 21 వరకు ఉత్సవాలు జరగనున్నాయని దేవస్థానం ఈవో ఎం. శ్రీనివాసరావు తెలిపారు. కార్తిక మాసంలో 5 వేల గర్భాలయ అభిషేకం టికెట్లు, 1500 రూపాయల సామూహిక అభిషేకం టికెట్లు రద్దు చేసినట్లు తెలిపారు. రోజూ విడతల వారీగా మల్లి కార్జునస్వామి స్పర్శ దర్శనం కల్పిస్తున్నట్లు చెప్పారు. శని, ఆది, సోమవారాల్లో అమ్మవారి కుంకు మార్చనలు అంతరాలయంలో నిలిపేసి.. ఆశీర్వచన మండపంలో నిర్వహిస్తామన్నారు.
కార్తీకమాసంలో ప్రతి సోమవారం ఆలయ పుష్కరిణి వద్ద లక్ష దీపోత్సవం
నవంబర్ 14న కోటి దీపోత్సవం
నవంబర్ 18న తెప్పోత్సవం నిర్వహించనున్నట్లు వెల్లడించారు
హోమాలు, కల్యాణాలు యథావిధిగా జరుగుతాయన్నారు ఈవో ఎం. శ్రీనివాసరావు.
భక్తుల రద్దీని దృష్టిలో ఉంచుకుని, సాధారణ భక్తులకు సులభంగా దర్శనం కల్పించేందుకు పలు మార్పులు చేశారు. అందుకే అభిషేకాలు రద్దు చేసి, విడతల వారీగా మల్లన్న స్పర్శ దర్శనం కల్పిస్తున్నారు.
శ్రీశైలంలో కార్తీకమాసోత్సవాల్లో భాగంగా చేసిన ముఖ్య మార్పులు, నియమాలు ఇవే
కార్తిక మాసం మొత్తం (అక్టోబర్ 23 నుంచి నవంబర్ 21 వరకు) గర్భాలయ అభిషేకాలు సామూహిక అభిషేకాలు పూర్తిగా రద్దు చేశారు. ఇది భక్తుల దర్శనానికి మరింత సమయం దొరుకుతుంది
స్పర్శ దర్శనం
విడతల వారీగా (బ్యాచ్లలో) మల్లికార్జున స్వామి (మల్లన్న) స్పర్శ దర్శనం. రోజుకు 1,000–1,200 మంది భక్తులకు అవకాశం, రద్దీ బట్టి. ఉచితంగా ఉంటుంది, కానీ ప్రత్యేక ఉత్సవ రోజుల్లో (శని, ఆది, సోమవారాలు, పర్వదినాలు) రద్దు చేశారు
అమ్మవారి పూజలు
శని, ఆది, సోమవారాలు మరియు పర్వదినాలు (మొత్తం 16 రోజులు) అంతరాలయ కుంకుమార్చనలు ఆశీర్వచన మండపంలో నిర్వహిస్తారు.
ప్రసాద విక్రయం. ప్రస్తుత 7 కౌంటర్లకు అదనంగా 3–4 కౌంటర్లు ఏర్పాటు చేస్తారు, రద్దీ నియంత్రణకు.
ఉత్సవాల సమయం దర్శనం
అభిషేకాలు లేకపోవడంతో దర్శనాలు వేగంగా జరుగుతాయి. ఉదయం 5:00 గంటల నుంచి రాత్రి 9:00 గంటల వరకు.
స్పర్శ దర్శనం
మంగళవారం నుంచి శుక్రవారం మధ్యాహ్నం/సాయంత్రం స్లాట్లలో (రద్దీ బట్టి). ప్రత్యేక టోకెన్లు లేదా ఆన్లైన్ బుకింగ్ ద్వారా స్పర్శ దర్శనం ఉంటుంది.
భక్తుల సౌకర్యాలు
టోల్గేట్ వద్ద బసవవనం, పాతాళగంగ మార్గంలో చలువ పందిళ్లు, శివదీక్షా శిబిరాలు ఏర్పాటు. ఆలయ అధికారులు రద్దీ నిర్వహణకు అదనపు సిబ్బందిని ఏర్పాటు చేశారు
భక్తులకు ప్రత్యేక సూచన
వేకువజామునే స్వామివారి సన్నిధికి చేరుకోండి.. విడతల వారీగా దర్శనం కాబట్టి, ఆలస్యమైతే వేచి ఉండవచ్చు.
కార్తీక పౌర్ణమి (నవంబర్ 5, 2025) మాస శివరాత్రి రోజుల్లో రద్దీ ఎక్కువగా ఉంటుంది. ముందుగా ప్లాన్ చేసుకోండి
దర్శన టికెట్లు, లాజింగ్ కోసం శ్రీశైల దేవస్థానం అధికారిక వెబ్సైట్లో చూడండి.
మరిన్ని వివరాలకు ఆలయ హెల్ప్లైన్ (08517-222020)కు సంప్రదించండి.
Karthika Masam 2025 Start and End Date: కార్తీకమాసం ఎప్పటి నుంచి ఎప్పటి వరకు, కార్తీక పౌర్ణమి సహా ముఖ్యమైన రోజులివే!
అరుణాచలంలో కార్తీక శోభ - గిరిప్రదక్షిణ అంటే అలా తిరిగేసి వచ్చేయడం కాదు ఈ 44 ఎనర్జీ పాయింట్స్ చూడాల్సిందే!
ఆలయం నుంచి వరుసగా 17వ ఎనర్జీ పాయింట్ వరకూ వివరాల కోసం ఈ లింక్ క్లిక్ చేయండి
18వ ఎనర్జీ పాయింట్ నుంచి 44వ ఎనర్జీ పాయింట్ వరకూ వివరాల కోసం ఈ లింక్ క్లిక్ చేయండి
టాప్ హెడ్ లైన్స్
ట్రెండింగ్ వార్తలు
