By: ABP Desam | Updated at : 23 Apr 2022 01:15 PM (IST)
Edited By: RamaLakshmibai
Spirituality
మూడు సార్లు శాంతి మంత్రాన్ని చెప్పడం వెనుక ఆంతర్యం ఏంటంటే...
1 ఆధ్యాత్మిక ...
2 ఆదీ దైవిక ...
3 ఆది భౌతిక...
మొదటి " శాంతి "
ప్రకృతి పరంగా సంభవించే ( భూకంపాలు / అగ్నిప్రమాదాలు / వరదలు / తుఫాన్లు ) ఉపద్రవాలు వలన ఏవిధమైన ఆపదలు కలగకుండా మానవాళిని రక్షించమని అర్థం. దీన్ని ఆధ్యాత్మిక శాంతి అంటారు.
రెండవ " శాంతి "
మనం, మన చుట్టూ ఉన్నవారు, పరిసరాలు, అంతా బావుండాలని, శారీరక , మానసిక పరంగా సంభవించే ఉపద్రవం ( అనారోగ్యం ) నుంచి ఉపశమనం పొందడానికి, అందరిపైనా దేవుడి అనుగ్రహం, ఆశీస్సులు ఉండాలని ప్రార్థించేదే ఆదీ దైవిక శాంతి అంటారు.
మూడవ " శాంతి "
ఇతర జీవరాశుల నుంచి , మనుషుల నుంచి ఏ విధమైన ఆపదలు, ముప్పు సంభవించకుండా సురక్షితంగా ఉండేందుకు మూడో శాంతి మంత్రం పఠిస్తారు. దీన్ని ఆది భౌతికము అంటారు.
ఈ మూడు ఉపద్రవాలనుంచీ రక్షించమని వేడుకుంటూ వేదం చివర్లో " శాంతి " పదాన్ని మూడు సార్లు ఉచ్చరిస్తారు
Also Read: ఉద్యోగం, వ్యాపారం, విద్య, సంతానం- మీ సమస్యను బట్టి మీరు పఠించాల్సిన శ్లోకాలివే
తైత్తిరీయ ఉపనిషత్తు, కథా ఉపనిషత్తు, శ్వేతాశ్వతార ఉపనిషత్తులలో శాంతి మంత్రం
ఓం సహ నావవత్తు |
సహ నౌ భునక్తు |
సహ వీర్యం కరవావహై |
తేజస్వినావధీతమస్తు మా విద్విషావహై ||
ఓం శాంతిః శాంతిః శాంతిః ||
బృహదారణ్యక ఉపనిషత్తు, ఈశావాస్య ఉపనిషత్తులో శాంతి మంత్రం
ఓం పూర్ణమదః పూర్ణమిదం పూర్ణాత్ పూర్ణముదచ్యతే |
పూర్ణస్య పూర్ణమాదాయ పూర్ణమేవావశిష్యతే ||
ఓం శాంతిః శాంతిః శాంతిః ||
నమః శంభవేచ మయోభవేచ
నమః శంకరాయచ
మయస్కరాయచ
నమః శ్శివాయచ శివతరయాచ
ఈశాన సర్వ విద్యానాం
ఈశ్వర సర్వభూతానాం
బ్రహ్మాధిపతి బ్రహ్మణోధిపతి
బ్రహ్మా శివోమే అస్తు సదా శివోం
ఓం శాంతిః శాంతిః శాంతిః ||
దేవుడిని పూజించినప్పుడు మనకోసమే కాకుండ మనతో సహా జీవింవించే సాటి ప్రాణులను, ప్రకృతిని ఈ సృష్టిలోని సమస్తం బాగుండాలని కోరుకుంటేనే మనం బాగుంటాం. అందరూ బాగుంటే అందులో మనం ఉంటాం. కేవలం మనమే బాగుండాలి అంటే అది రాక్షసత్వం అవుతుంది. మనం కోరుకునేది శాశ్వతమైన దైవత్వ ఆనందమా...లేక అశాశ్వతమైన రాక్షసత్వ స్వభావమా అన్నది ఆలోచించుకోవాలి. మనం చేసే పనిలో ఏది మంచి,చెడు అనే విషయం మన అంతరాత్మ చెబుతుంది. అది అర్థం చేసుకుని వ్యవహరిస్తే అంతా మంచే జరుగుతుంది.
Also Read: పక్కవాళ్లకు స్వీట్ ఇవ్వకుండా తింటే కూడా పాపమే? గరుడ పురాణంలో ఘోరమైన శిక్ష?
Also Read: పాండవుల విజయం కోసం అర్జునుడి కొడుకును పెళ్లి చేసుకున్న శ్రీకృష్ణుడు
Revanth Reddy Astrology 2023 : ఇదీ రేవంత్ రెడ్డి జాతకం - అందుకే అఖండ విజయం- రాజయోగం!
Election Result 2023 Astrology: ఎన్నికల ఫలితాల్లో ఈ రాశులవారికి విజయం - వారికి అపజయం, గ్రహాలు చెప్పే ఎగ్జిట్ పోల్ ఇదే!
Horoscope Today December 23rd, 2023: ఈ రాశులవారికి ఆనందం - ఆ రాశులవారికి ఆందోళన, డిసెంబరు 03 రాశిఫలాలు
Astrology: ఈ 5 రాశులవారు అపర చాణక్యులు, వ్యూహం రచిస్తే తిరుగుండదు!
Margashira Masam 2023 Starting Ending Dates: ముక్కోటి ఏకాదశి, గీతాజయంతి సహా మార్గశిరమాసం ( డిసెంబరు) లో ముఖ్యమైన రోజులివే!
Supritha Congratulates Revanth Reddy: రేవంత్ రెడ్డికి కంగ్రాట్స్ - ప్లేట్ తిప్పేసిన సురేఖా వాణి కుమార్తె!
Dil Raju : 'యానిమల్' లాంటి సినిమాల్ని మేమూ తీస్తాం - ‘గేమ్ ఛేంజర్’ 90 శాతం పూర్తయింది : దిల్ రాజు
Best Browser: మైక్రోసాఫ్ట్ ఎడ్జ్ వర్సెస్ గూగుల్ క్రోమ్ - ఈ మూడు విషయాల్లో ‘ఎడ్జ్’నే బెస్ట్!
Yash 19: కొత్త సినిమాపై హింట్ ఇచ్చిన రాకీ భాయ్ - ఫ్యాన్స్కు పూనకాలే
/body>